Pukë: 17 fshatra pa energji, bora izolon komunat e thella

nga *lissa* Wed Jan 06, 2010 5:45 am

Në veri dhe verilindje të Shqipërisë, reshjet e borës
kanë krijuar vështirësi, për shkak të ngricave dhe temperaturave të
ulëta. Komunat e thella malore vazhdojnë të jenë të bllokuara.

Në Pukë 17 fshatra kanë mbetur pa energji elektrike si pasojë e
dëmtimit të shtyllave elektrike të tensionit të mesëm. Dëmtimi ka
ardhur nga ngricat që kanë përfshirë këto ditë zonën.
Policia rrugore informon se mbetet problematik aksi Qafë Mali-
Fierzë. Qarkullimi në këtë aks është i domosdoshëm me zinxhirë. Brenda
në qytetin e Pukës ngricat kanë dëmtuar dhe një sërë pemësh dekorative.
Në Kukës pavarësisht ndërprerjes së reshjeve të borës që prej
pasdites së djeshme, mbetet të bllokuara komunat Arrën, Zapod, Grykëcaj
dhe Topojan.
Vështirësi qarkullimi kanë patur akset Kukës-Shishtavec dhe
Kukës-Bushtricë ku po punohet me borëpastruese, ndërsa energjia
elektrike është rikthyer.
Në Dibër rezultojnë të bllokuara nga reshjet e borës, aktualisht
kanë pushuar, komuna Lurë dhe Kalaja e Dodë ku trashësia arrin deri ne
50 centimetra dhe disa fshatra në Zercan e Ostren. /Balkanweb/