OLPC paraqet konceptin e kompjuterit tablet ultra të hollë

OLPC paraqet konceptin e kompjuterit tablet ultra të hollë


Projekti
One Laptop Per Child (OLPC) vazhdon, e dizajnuesi Yves Behar ka krijuar
konceptin e laptopit XO-3 të planifikuar për vitin 2012.



Koncepti
i shfaqur me fotografi duket një kompjuter shumë tërheqës i cili tani
për tani ka performansa të paimagjinueshme – përmendet ekrani i
dimensioneve 21.6 cm x 28 cm dhe procesor të taktit punues prej 8 GHz.
Udhëheqësi i projektit OLPC ka konfirmuar se XO-3 është në plan, por në
vitin 2012, e deri atëherë planifikon të ofrojë edhe dy kompjuterë.

I pari është XO-1.5 i cili do të duhej të shfaqej në muajin janar të
vitit 2010 me çmim prej 200 dollarësh amerikanë. Bëhet fjalë për
përditësimin e laptopit aktual, derisa procesorin e AMD-së do të
zëvendësojë ai i kompanisë VIA dhe do të shtohet mundësia e
përshpejtimit 3D dhe dekodimi i video materiale me definicion të lartë
(HD). Kapaciteti i memories punuese dhe memories flash e cila shërben
si disk i fortë do të katërfishohet dhe do të jetë një gigabajt për
memorien punuese dhe katër, respektivisht tetë gigabajt për ruajtje të
dhënave.


Pas XO-1.5 do të vjen edhe XO-1.75 me ekran të ndjeshëm në prekje të
bazuar në procesorin Marvell ARM i cili kompjuterit do të duhej t’i
jepte dy herë më shumë fuqi se paraardhësi i tij me shpenzim katër herë
më të vogël të energjisë.