Medalje dhe mirënjohje për zyrtarët e dalluar të Policisë

nga *lissa* Mon Dec 21, 2009 10:39 am

Në bazë të kompetencave që dalin nga Ligji për Policinë
e Kosovës dhe Udhëzimi Administrativ për Ndarjen e Medaljeve,
Mirënjohjeve dhe Lëvdatave në Polici, ministri i Punëve të Brendshme,
Zenun Pajaziti me rastin e përmbylljes së aktiviteteve për vitin 2009,
ka ndarë 4 medalje dhe 16 mirënjohje për zyrtarët e dalluar të Policisë
së Kosovës.

Ministri Pajaziti ka vendosur të vlerësojë dhe dekorojë zyrtarët
policorë, të cilët janë dalluar me veprat e tyre të heroizmit dhe
trimërisë, që i kanë tejkaluar standardet normale të kryerjes së
detyrës me një shërbim shembullor dhe të jashtëzakonshëm në kuadër të
Policisë së Kosovës.

Me Medalje Nderi u dekoruan zyrtarët policorë: Fatmir Krasniqi,
Stacioni Policor në Pejë dhe Rexhep Panxhaj, Stacioni Policor Pejë. Me
Medalje Trimërie u dekorua zyrtari policor Abedin Elezaj, Stacioni
Policor në Klinë, ndërsa me Medalje për Shpëtim Jete u dekorua zyrtari
policor, Lutfi Menxhiqi, Stacioni Policor në Prishtinë.

Po ashtu, ministri i Punëve të Brendshme ka ndarë mirënjohje edhe për
16 zyrtarë policorë, të cilët i kanë përmbushur detyrat e tyre në
mënyrë profesionale duke arritur standarde të larta policore në shërbim
të lavdërueshëm ndaj qytetarëve dhe ata janë: Zyrtari policor Shaip
Elshani, zyrtari policor Arton Isufi, zyrtari policor, Zeqir Ramaj,
zyrtari policor Rifat Gashi, zyrtari policor Mehdi Kozhani, zyrtari
policor Burim Osmanaj, zyrtari policor Blerim Gashi, rreshter Bashkim
Buçaj, rreshter Agron Pacolli, reshter Nebih Hoti, rreshter Fatmir
Hajrizi, rreshter Smajl Krasniqi, toger Shemsi Haziri, toger Ali Aliu,
toger Lulzim Krasniqi dhe toger Fadil Gashi.