Spanja me qasje neutrale ndaj statusit të Kosovës

nga *lissa* Sat Dec 19, 2009 8:19 am

Ministri i Jashtëm spanjoll, Mihel Angel Moratinos
premton se shteti i tij gjatë presidencës gjashtëmuajshe në krye të
Bashkimit Evropian do ketë qasje konstruktive ndaj Kosoves, pavarësisht
faktit se Spanja nuk e ka njohur shtetin e Kosovës.

Gjate prezantimit të prioriteteve në presidencën spanjolle, e cila nisw
me 1 janar të vitit që vjen, Moratinos premtoi se Spanja do jetë
neutrale ndaj çështjes së Kosoves, sepse, siç u shpreh ai, shumica e
vendeve anëtare e kane pranuar shpalljen e njëanshme të pavarësisë.

Ai madje tha në Bruksel se gjatë tërë kësaj periudhe, Spanja ka qenë
konstruktive pos faktit se nuk e ka njohur pavarësinë për shkak të,
sipas tij, arsyeve legale. Ne jemi skajshmërisht pozitiv, tha
Moratinos, duke premtuar se spanjollët do të angazhohen në përforcimin
e prezencës evropiane në Kosovë.

Duke argumentuar konsruktivitetin spanjoll ndaj Kosovës, Moratinos
premtoi edhe ftesën qe do ta marrin autoritete kosovare për takimin e
nivelit të lartë, qe do të mbahet në pranverë, ku marrin pjese
përfaqësuesit e Bashkimit Evropian, si dhe ata të shteteve të rajonit.

Mirëpo që tani Moratinos paralajmëroi se ftesa që do t’i dërgohet
kosovareve për pjesëmarrje në këtë takim, do jetë e kushtëzuar me
misionin e KB-së në vend, përkatësisht se Kosovës serish do t’i
referohen me Rezolutën 1244.