Këshilli Kombëtar, PD mbyll numërimin

Partia Demokratike përfundoi dje në mesnatë edhe
procesin e numërimit të votave të delegatëve nga i gjithë vendi për 100
anëtarët e Këshillit Kombëtar, organi ky më i lartë i vendimmarrjes pas
Kongresit.



Pas procesit të numërimit, anëtarët e komisionit vijuan procesin e
seleksionimit të fletëve të votimit, për të përfunduar në orët e para
të ditës së sotme, shpalljen e fituesve mes 400 emrave, të cilët ishin
kandidatë në këtë garë.

Drejtuesit e Partisë Demokratike që u morën me procesin e numërimit të
votave gjatë gjithë ditës se djeshme kaëe qenë të izoluar në ambientet
e partisë.

Burimet nga partia kryesore e mazhorancës deklaruan se vetëm në orët e vona të darkës u arrit mbyllja e procesit të numërimit.

Sot pritet edhe shpallja zyrtare e kandidaturave, pasi në listën e
fitueseve nga procesi i votimit, të shtohen edhe emrat e anëtarëve, të
cilët automatikisht do të hyjnë në Këshillin Kombëtar.