DV, thirrje KQZ-së që të jetë më transparente

nga *lissa* Wed Dec 16, 2009 12:40 pm

Koalicioni i OJQ-ve kosovare, Demokracia në Veprim, ka
reaguar ndaj zhvillimeve të fundit që janë duke ndodhur në Komisionin
Qendror të Zgjedhjeve dhe organet tjera për zgjedhje.

DV, thirrje KQZ-së që të jetë më transparente F.1216193827372_m

DV, thirrje KQZ-së që të jetë më transparente F.1216193827372_m

Demokracia në Veprim i bën thirrje KQZ-së dhe organeve tjera të
përfshira në procesin zgjedhor që të jenë më transparente për të gjitha
vendimet të cilat merren.

Udhëheqësi i këtij koalicioni, Ismet Kryeziu, i ka bërë thirrje KQZ-së
që të ketë një koordinim të plotë me KKZ-të dhe mos të ketë dallime në
qëndrime në mes të tyre.

“Demokracia në Veprim kërkon që për të gjitha vendvotimet ku anulohen
rezultatet të ri-përsëriten votimet, në të kundërtën procesi zgjedhor
do të dëmtohej në masë të madhe”, ka thënë Kryeziu.

Kryeziu ka kërkuar nga të gjitha partitë politike që të ndërpresin
deklarimet e tyre politike për çështjen e fituesit të Prizrenit, për
t’u lenë hapësirë dhe kohë organeve kompetente që t’i përfundojnë të
gjitha procedurat e duhura dhe t’i shqyrtojnë të gjitha faktet
relevante në mënyrë që vendimet që merren të drejta dhe korrekte.

Në konferencë është kërkuar nga KZAP që të jetë më azhur në trajtimin e
ankesave dhe të caktojë prioritetet në lidhje me atë se cilat ankesa
t’i trajtojë me urgjencë.