Malavi njohu shtetin e Kosovës

nga *lissa* Wed Dec 16, 2009 12:34 pm

Republika e Malavit bëhet shteti i 64-të që e njeh
shtetin e pavarur të Kosovës. Lajmin e ka konfirmuar Ministria e Punëve
të Jashtme të Kosovës.

Malavi njohu shtetin e Kosovës F.1216165211431_m

Malavi njohu shtetin e Kosovës F.1216165211431_m

“Ministri i Punëve të Jashtme i Republikës së Kosovës, Skender Hyseni,
është njoftuar të mërkurën, me një notë verbale, e cila është përcjellë
nga misioni i përhershëm i Republikës së Malavit në OKB përmes
konsullatës së Përgjithshme të Republikës së Kosovës në Nju Jork, se
Republika e Malavit, më 14 dhjetor 2009 e ka njohur Republikën e
Kosovës si shtet të pavarur dhe sovran”, thuhet në një komunikatë të
MPJ-së.

Në notën verbale të Ministrisë së Punëve të Jashtme të Malavit po ashtu
theksohet se, në vijim do të ketë këmbim të mëtejmë formal midis
ministres së Punëve të Jashtme të Malavit, Eta E. Banda dhe ministrit
të jashtëm të Republikës së Kosovës, Skender Hyseni në pajtim me aktin
e njohjes.

Republika e Malavit është shteti i 64 që e ka njohur Republikën e Kosovës dhe gjendet në Afrikën Jugore.