Gashi priti zëvendësministren e Jashtme të Norvegjisë

Gashi priti zëvendësministren e Jashtme të Norvegjisë


Ministri
i Shëndetësisë, Alush Gashi, priti sot zëvendësministren e Jashtme të
Norvegjisë, Elisabeth Walaas dhe ambasadorin e Norvegjisë për Kosovë e
Shqipëri, Johan Kvale.



Në këtë takim, ministri Gashi ka falënderuar zëvendësministren e
Jashtme të Norvegjisë për mbështetjen që shteti i saj i ka dhënë
Kosovës si në konsolidimin e demokracisë, ashtu edhe në fushën e
shëndetësisë.

Bashkëbiseduesit e kanë vlerësuar si pozitiv procesin zgjedhor në
Kosovë, ndërkohë që janë angazhuar për thellimin e bashkëpunimit midis
dy shteteve në fushën e shëndetësisë.

Walaas, një ditë më parë është pritur nga presidenti i shtetit Fatmir
Sejdiu, kurse gjatë ditës së sotme, ajo, bashkë me ministrin Gashi dhe
ambasadorin Kvale, do të merr pjesë në përurimin e degëve kirurgjike në
Spitalin Rajonal të Mitrovicës, një investim ky i përbashkët i Qeverisë
së Norvegjisë dhe Ministrisë së Shëndetësisë të Republikës së Kosovës