Komiteti i Sigurisë në Mitrovicë vazhdon punën

nga blina-- Mon Dec 14, 2009 4:40 am

Komiteti i Sigurisë në Mitrovicë vazhdon punën

Përfaqësues të strukturave politike dhe të sigurisë në Mitrovicë,
vlerësuan të hënën në takimin e rregullt të Komitetit të Sigurisë që mbahet në
kuadër të Drejtorisë për Mbrojtje dhe Shpëtim, se gjendja e sigurisë në dy javët
e fundit ka qenë kryesisht e qetë.

Komiteti i Sigurisë në Mitrovicë vazhdon punën F.1214120539635_m

Komiteti i Sigurisë në Mitrovicë vazhdon punën F.1214120539635_m

Kryetari i Komunës, Bajram Rexhepi, pasi ka vlerësuar situatën e sigurisë në dy
javët e fundit, është fokusuar në ecurinë e zgjedhjeve të raundit të dytë që
janë mbajtur në Mitrovicë. Ai tha se procesi ka qenë i qetë përgjithësisht, me
përjashtim të ndonjë rasti të izoluar të përpjekjes për ndërhyrje në këtë
proces.

Rexhepi, falënderoi qytetarët për pjekurinë e tyre të treguar
gjatë gjithë kësaj kohe, duke përfshirë edhe kohën e fushatës, mandej raundin e
parë dhe të dytë të zgjedhjeve. Po ashtu ai ka falënderuar për punën e mirë
policinë e Kosovës, KFOR-in dhe të gjithë ata që kanë kontribuuar në
mbarëvajtjen e gjendjes.

Për proces të qetë sa i përket raundit të dytë
të zgjedhjeve kanë raportuar edhe strukturat e sigurisë. Komandanti i stacionit
të policisë në jug, kap. Bashkim Spahiu, tha se gjithçka ka qenë qetë, duke
përfshirë edhe kremten pas mbylljes së vendvotimeve.
Ndërsa përfaqësuesit e
KFOR-it vlerësuan si shumë pozitive bashkëpunimin ndërmjet strukturave politike
dhe të atyre të sigurisë, të cilat kanë dhënë efekte pozitive në mbarëvajtjen e
situatës.

Në anën tjetër, drejtori për Mbrojtje dhe Shpëtim, Ylber
Durmishi, ka falënderuar të gjithë përfaqësuesit e institucioneve politike dhe
të sigurisë në komunën e Mitrovicës, të cilët kanë marrë pjesë vazhdimisht në
Komitetin për Siguri që dy vjet rresht.

Ai tha se raportet e krijuara
ndërmjet këtyre strukturave kanë rezultuar në rritjen e bashkëpunimit dhe
besimit të ndërsjellë. Durmishi tha se ky mekanizëm do të vazhdojë të funksionoj
edhe pas ndërrimit të strukturës udhëheqëse në komunë.