Tirk: GJND-ja nuk merr vendim për Kosovën

Tirk: GJND-ja nuk merr vendim për Kosovën


Presidenti slloven, Danilo Tirk deklaroi se nuk beson se Gjykata Ndërkombëtare e Drejtësisë do të sjellë konkluza përfundimtare për legjitimitetin e shpalljes së pavarësisë së Kosovës, pasi që “do të duhet ta marrë parasysh rregullën se njohja e shteteve është punë e sovranitetit të atyre shteteve të cilat njohin”.




"Gjykata mund t'i analizojë rrethanat të cilat kanë sjellë deri tek shpallja e pavarësisë, por nuk mundet t'ua rregullojë shteteve politikën e tyre të njohjes. Kjo është punë e sovranitetit të secilit shtet në veçanti. Prandaj nga mendimi përkatës i gjykatës në Hagë nuk guxojmë të presim shumë", tha Tirk në një intervistë për gazetën “Politika”.

Presidenti slloven vlerëson se "paralajmërimi i paradokohshëm i kryetarit të kësaj gjykate Hishasi Owada është mend" dhe thekson se "gabojnë të gjithë ata të cilët në shembullin e Kosovës presin gjykata të sjellë aktvendim me formën e mendimit". "Mendim dhe vetëm ajo që vetë emri flet-mendim" tha ai.



Tirk, i cili është profesor i së drejtës ndërkombëtare, thekson se çështja për ndarje të njëanshme gjithmonë është kontestuese dhe e lidhur me tensionet politike, edhe në këtë kuptim e rrezikshme për paqen në botë.

"Por në rastin e Kosovës duhet ta kemi parasysh edhe elementin humanitar. Fakt është se në verën e vitit 1998 ndodhi përdorimi i gjerë i fuqisë në Kosovë, ndërsa kishte viktima në mesin e popullatës civile. Vlerësimi për rrezikimin e popullatës civile dhe paqes ndërkombëtare dhe sigurinë u pranua gjerësisht. Merreni parasysh faktin se Këshilli i Sigurisë i KB-së që nga fundi i vitit 1998 vlerësoi se situata është keqësuar deri në atë masë sa që e rrezikon paqen ndërkombëtare", tha ndër të tjera Tirk