KDI publikon udhërrëfyesin praktik kundër korrupsionit

nga *lissa* Tue Dec 08, 2009 1:05 pm

Në kuadër të 9 Dhjetorit – Ditës ndërkombëtare kundër
korrupsion, Instituti Demokratik i Kosovës (KDI), përkatësisht programi
“Transparenca dhe Antikorrupsioni”, ka zhvilluar një aktivitet, duke
publikuar udhërrëfyesin praktik kundër korrupsionit, si dhe mozaikun e
funksionimit të mekanizmave kundër korrupsion.

KDI publikon udhërrëfyesin praktik kundër korrupsionit F.1208161548869_m

KDI publikon udhërrëfyesin praktik kundër korrupsionit F.1208161548869_m

Udhëzuesi praktik kundër korrupsionit, përmban informata lidhur me
korrupsionin dhe mënyrat e luftimit të tij, ndërkaq mozaiku i
funksionimit të mekanizmave antikorrupsion paraqet institucionet dhe
bazën ligjore.

Përfaqësues të Instituti Demokratik të Kosovës kanë vlerësuar se në
Kosovë mekanizmat anti-korrupsion, ende nuk janë funksional. “Instituti
Demokratik i Kosovës (KDI), i bënë thirrje Qeverisë dhe institucioneve
tjera përgjegjëse që të përshpejtojnë plotësimin e infrastrukturës
ligjore që lufton korrupsionin”, ka thënë Besnik Ramadanaj nga KDI.

Sipas tij, rol të rëndësishëm në këtë drejtim luajnë edhe vetë
qytetarët, prandaj ai ka kërkuar bashkëpunim edhe më të madh të
qytetarëve me mekanizmat që luftojnë korrupsionin.

Problem tjetër që vazhdon ta rëndoj vendin, sipas KDI-së është edhe
mungesa e bashkëpunimit ndërmjet Prokurorisë dhe Agjencionin
Antikorrupsion, si dhe mungesa e efikasitetit në reformimin e
gjyqësorit.

Në vazhdim të aktivitetit, qytetarëve u është shpërndarë udhërrëfyesi
praktik antikorrupsion, me çrast është treguar një interesim i madh.

Aktiviteti i së martës i ka paraprirë 9 Dhjetorit – Ditës ndërkombëtare
kundër korrupsion, me ç’rast me këtë datë, KDI do të organizoj edhe një
tryezë të rrumbullakët me temën “Kosova në ditën ndërkombëtare kundër
korrupsion”.