Pajaziti falënderon ministrat e punëve të Jashtme të BE-së

nga *lissa* Tue Dec 08, 2009 1:03 pm

Ministri i Punëve të Brendshme të Kosovës, Zenun
Pajaziti i ka falënderuar ministrat e punëve të jashtme të BE-së, për
arritjen e pajtimit dhe miratimit të konkluzioneve nga takimi i djeshëm
i Këshillit të Ministrave.

Pajaziti falënderon ministrat e punëve të Jashtme të BE-së F.1208160954794_m

Pajaziti falënderon ministrat e punëve të Jashtme të BE-së F.1208160954794_m

Falënderimi i posaçëm, siç thuhet në një komunikatë të MPB-së, i
adresohet edhe Komisionit Evropian për studimin e bërë dhe dhënien e
rekomandimeve për Kosovën, për të avancuar një hap përpara në procesin
e integrimit evropian, si dhe deputetëve të Parlamentit Evropian për
avokim dhe përkrahje të vazhdueshme ofruar Kosovës në këtë proces.

“Kjo ditë është ditë e rëndësishme për Kosovën pas dhënies së dritës
jeshile nga Këshilli i Ministrave, që ia mundëson Komisionit Evropian
që të vazhdojë me zbatimin e rekomandimeve që kanë dalë nga Studimi për
Kosovën, ku njëra ndër këto rekomandime është e lidhur ngushtë me
procesin e liberalizimit të vizave, një nga proceset më të ndjeshme dhe
më të mirëpritur nga qytetarët e Republikës së Kosovës”, thekson
ministri Pajaziti.

Në vazhdim, sipas tij, këto konkluzione i kanë hapur rrugën Komisionit
Evropian që të fillojë hartimin e Udhërrëfyesit për Liberalizim të
Vizave me BE-në dhe njëherësh edhe të inkuadrojë Kosovën në dialogun
për Liberalizim të Vizave me BE-në.