Kuçi në Konferencën për Ballkanin Perëndimor

nga blina-- Tue Dec 08, 2009 2:45 am

Kuçi në Konferencën për Ballkanin Perëndimor

Zv/kryeministri i Kosovës, Hajredin Kuçi do të udhëtojë të martën për në Bruksel për të marrë pjesë në Konferencën për Ballkanin Perëndimor, me temën “Tejkalimi i krizës ekonomike - nga bashkëpunimi regjional në anëtarësimin në BE”, që do të mbahet më 9 dhjetor .

Në kuadër të vizitës në Bruksel, Kuçi do të marrë pjesë po ashtu edhe në një darkë solemne, organizuar nga Carl Bildt, ku do të ketë rastin të bashkëbisedojë me folësit kryesorë të konferencës për çështjet që ndërlidhen me procesin e Integrimit Evropian të vendeve të Evropës Juglindore, me theks të veçantë për perspektivën evropiane të Kosovës.

Gjatë vizitës, Kuçi do të zhvillojë një takim edhe me drejtorin për Zgjerim, Pierr Mirel dhe me përfaqësues tjerë të BE-së, ku temë bosht do të jenë avancimi i procesit të integrimit të Kosovës në BE.