Jeta bashkëshortore

1. Të zbukurohet secili prej bashkëshortëve për njëri-tjetrin

2. Burri është i detyruar që të kujdeset për sunetet e fitres të cilat janë: sunetimi, rruarja e vendeve të turpshme, shkurtimi i mustaqeve, prerja e thonjve dhe heqja e qimeve nën sqetulla. Po ashtu me këto rregulla obligohet edhe gruaja, që të dy janë të obliguar që mos t'u kalojnë më tepër se dyzet ditë pa i përmbushur këto obligime. Muslimanja duhet të largohet nga traditat e pabesimtareve (kafireve), siç është tradita e të rriturit të thonjve dhe ngjyrosja e tyre.

3. Të largohet bashkëshortja nga tatuazhi, që do të thotë nga zbukurimi i trupit me pika të zeza e po ashtu edhe nga heqja e vetullave qoftë ajo tërësisht apo pjesërisht, apo heqja e qimeve të fytyrës. Të gjitha këto që i përmendëm janë të ndaluara apo haram dhe njëkohësisht këto vepra janë të mallkuara nga goja e Pejgamberit a.s. siç është hadithi: “All-llahu i ka mallkuar ata që bëjnë tatuazh dhe atyre që u bëhet, ato që i heqin vetullat dhe atyre të cilave ju hiqen dhe ato që i ndajnë dhëmbët për zbukurim, të cilët e ndryshojnë krijesën e All-llahut”. (Transmetojnë Buhariu dhe Muslimi)

4. Të falin bashkëshortët nga dy reqate namaz së bashku siç transmetohet se Ibni Mesudi r.a. e paska urdhëruar Ebu Harizin që kur t'i afrohet bashkëshortes së tij t'i fal ajo pas tij dy reqate namaz. (Transmetojnë Ebu Bekr bi Ebi Shejbe dhe Taberaniu).

Kjo njëkohësisht është edhe përkujtim për palën bashkëshortore që nëse dëshirojnë shpëtim në dunja dhe ahiret, atëherë le ta ngrenë jetën e tyre në devotshmëri.

5. Të vëjë burri dorën e tij në ballin e saj e pastaj le të thotë: BISMIL-LAHIRR-RRAHMANIRR-RRAHIM. ALL-LLAHUMME INNI ESELUKE MIN HAJRIHA VE HAJRI MA XHEBELTEHA ALEJHI, VE EUDHU BIKE MIN SHERIHA VE SHERI MA XHEBELTEHA ALEJHI, që do të thotë”: Me emrin e All-llahut, Mëshiruesit, Mëshirëbërësit! O All-llahu im, unë kërkoj prej teje të mirën e saj dhe të mirën që ke krijuar në te, dhe kërkoj të më mbrosh prej sherrit të saj dhe prej sherrit që ke krijuar në te”. (Transmeton Buhariu). 6. Mos të harrojë bashkëshorti që kur të ketë dëshirë që të ketë kontakt me bashkëshorten e tij, të thotë: BISMIL-LAHI ALL-LLAHUMME XHENIBNASH-SHEJTANE, VE XHENNIBISH-SHEJTANE MA REZEKTENA, që don të thotë: “Në emër të All-llahut, o All-llahu im, largoje shejtanin prej nesh dhe largoje shejtanin prej asaj me të cilën na ke pajisur (furnizuar)”. (Transmeton Buhariu)

7. Bashkëshortëve u lejohet që t'i shohin pjesët e turpshme të njëri-tjetrit. Sipas hadithit të cilin e transmeton Aisheja radiall-llahu - anha e cila thotë: Ishim duke e larë unë dhe i Dërguari i All-llahut, salallahu-alejhi-ve-selem prej një ene e cila gjendej mes mej dhe atij. Në të përziheshin duart tona, ai më lagte mua derisa i thoja: më len mua, më len mua. (Transmetojnë Buhariu dhe Muslimi)

8. Preferohet për njeriun e papastër (xhunubin) të marrë abdest para se të shtrihet në shtrat, e nëse lahet, atëherë është edhe më mirë. Transmetohet nga Abdullah ibni Kajsi i cili e paska pyetur Aishenë radiall-llahu-anha sesi vepronte Resulull-llahu-sallall-llahu alejhi ve-sellem kur ishte i papastër, a pastrohej para se të binte të flejë apo flinte para se të pastrohet? E ajo kishte thënë: Të gjitha këto i bënte, ndonjëherë pastrohej e flinte e ndonjëherë merrte abdest e flinte. (Pasi që mori vesh përgjigjen) tha: Falënderimi i qoftë All-llahut i cili ka lënë fushëveprim të gjerë në këtë çështje. (Transmeton Muslimi)