Këshillë dhe pendim

nga NoOrA Mon Dec 07, 2009 5:51 am

Një grup njerëzish urdhëruan një grua me bukuri të dalluar që t’i dale para Rebia ibën Huthejmit, me qëllim që ta sprovojë ate. I premtuan një mijë dirhem po arriti ta bëje këtë. Ajo i veshi teshat më të bukura që mundi, u parfumos me parfumet më të këndshme që mundi dhe i doli para kur ai dilte prej faltores.

E vështroi ai atë dhe i la mbresa dukja e saj. Ajo u nis ka ai duke ecur kur i tha asaj Rebia: “si do ishe ti po të kishte goditur zgjeba trupin tënd, e të kishte ndryshuar këte ngjyrë dhe bukurinë tënde që e shoh? E si do ishe ti po të kish ardhur meleku i vdekjes e të ta kish këputur litarin e jetës? E si do ishe po të ishe e pyetur nga dy melekët e varrit?”

Ajo klithi me një klithmë pas së cilës ra e alivanosur, e vAllahi ajo u zgjua nga kjo dhe arriti të bëjë aq në adhurim ndaj Zotit të saj, sa që ditën që vdiq ajo dukej si një rrënjë e djegur.