Haradinaj: Mekanizmat e drejtësisë duhet të merren me rastin Bllaca

nga elbasi.. Mon Nov 30, 2009 7:42 am

Lideri i Aleancës për Ardhmërinë e Kosovës, Ramush Haradinaj, duke reaguar rreth mos-intervenimit të forcave të rendit, pas daljes publike të Nazim Bllacës dhe dhënies së deklaratës për krimet e pasluftës në Kosovë, ka thënë se në çdo demokraci normale forcat e rendit menjëherë do ta kishin marrë secilin që del me deklarata të tilla, për bisedë të mëtutjeshme

“Disa veprime kanë qenë menjëherë të nevojshme, sepse nuk ka logjikë që një njeri në qendër të kryeqyteti del dhe rrëfen se çfarë ka ndodhur pasluftës në Kosovë dhe vazhdon të ecë lirshëm”, ka deklarua Haradinaj. Ai ka shtuar se në çdo demokraci normale forcat e rendit menjëherë do ta kishin marrë secilin që del me deklarata të tilla, për bisedë të mëtutjeshme.

Ndërsa sa i takon besueshmërisë së deklaratës së Bllacës, Ramushi nuk ka dashur të komentojë duke thënë se mekanizmat e drejtësisë duhet të merren me rastin dhe të vërtetojnë se çfarë në fakt ka ndodhur.