Mesi: Rruga deri te titulli është e gjatë

Sulmuesi i Barcelonës, Lionel Mesi, është shprehur i lumtur për fitoren e arritur ndaj Realit të Madridit, por në të njëjtën kohë ka paralajmëruar se rruga deri te titulli i kampionit ende është shumë e gjatë....


“Realizuam një fitore që deri diku ishte e merituar. Natyrisht se asnjëherë nuk është lehtë ta mposhtësh një skuadër siç është Reali, sidomos kur kemi parasysh faktin se një pjesë të konsiderueshme të ndeshjes e luajtëm me dhjetë lojtarë. Megjithatë, fatmirësisht kur Buskets u përjashtua me karton të kuq, ne luajtëm më mirë”, ka theksuar Mesi, duke shtuar: “Ishte një mbrëmje e bukur për ne, ndoshta jo për nga mënyra se si luajtëm, por për tri pikët që arkëtuam. Çdo gjë shkoi mirë për mua dhe nuk pata probleme. Gjithsesi kampionati ende është shumë i gjatë, pasi ende nuk ka përfunduar kaptina e parë. Të jesh lider në këtë fazë të edicionit nuk është diçka e madhe. Duhet të punojmë vazhdimisht, duke ditur se fitoret janë të rëndësishme, por duke mos harruar faktin se kampionati është i gjatë”.