Nazim Blaca thotë se ka kryer vrasje, rrahje dhe shantazhe me urdhër të SHIK-ut

nga elbasi.. Mon Nov 30, 2009 2:49 am

Nazim Bllaca nga fshati Ribar i Madh, ka deklaruar para gazetarëve se ka marrë pjesë në vrasje, rrahje dhe shantazhe nga viti 1999 deri më 2003 në Kosovë. Ndërkohë deputetët e Kuvendit të Kosovës, Gani Geci dhe Adem Salihaj ua kanë shpërndarë gazetarëve videon ku Nazim Bllaca ka rrëfyer për disa nga këto vrasje. Policia thotë se po heton rastin

\

Dëshmitari i CD-së së shumëpërfolur për vrasjet e pasluftës në Kosovë, Nazim Bllaca, nga fshati Ribar i Madh i Lypjanit, është paraqitur të dielën para gazetarëve, me pretendimin se është autor i një vrasjeje dhe bashkautor në 17 raste të tjera që përfshijnë vrasjet, rrahjet dhe shantazhet. Ai ka thënë se për emrin e të vrarit, është në dijeni prokuroria e EULEX-it.
Bllaca ka thënë para gazetarëve se ka qenë pjesëtarë i UÇK-së ndërsa në strukturat e SHIK-ut është inkuadruar në qershor të vitit ‘99 ndërkohë që është larguar nga aty në vitin 2003.

Bllaca thotë se i janë ofruar 400 mijë euro nga ishe kolegët e tij në SHIK vetëm e vetëm që të heq dorë nga dëshmia e tij për vrasjet që janë kryer. Ai shpreh pendimin e tij për pjesëmarrje në vrasje dhe thotë se është i gatshëm të marrë pjesën e tij të përgjegjësisë.

“Si punonjës i SHIK-ut mora urdhra për vrasje nga Azem Syla”, ka deklaruar para gazetarëve dje (e diel), dëshmitari i CD-së, Nazim Bllaca.

“Jam pendu dhe normalisht jam i gatshëm të marrë pjesën e përgjegjësisë që më takon”, ka thënë Bllaca para gazetarëve.

Nazim Bllaca nuk ka përmendur emra të personave që i ka vrarë, pasi thotë se këtë gjë e ka bërë në prokurorinë e EULEX-it.

Bllaca i bëri këto deklarata afër ndërtesës së Parlamentit të Kosovës, vetëm disa minuta pas deputetët e LDD-së Gani Geci dhe Adem Salihaj përfunduan një konferencë shtypi ku i bënë thirrje misionit të EULEX-it që të përshpejtoj procedurën e hetimeve për rastin e shumëpërfolur.

Policia thotë se po vazhdojnë hetimet për rastin

Polica e Kosovës dhe ajo e EULEX-it thanë se janë duke hetuar pohimet e bëra nga një ish pjesëtar i SHIK-ut për përfshirje në vrasje politike pas luftës në Kosovë.
Edhe në EULEX kanë thanë serish dje (e diel) se nuk mund të japin detaje pasi janë duke e hetuar rastin. Zëdhënësja për polici dhe drejtësi e këtij misioni, Kristina Herodes, tha përmes telefonit se e tëra që mund të thuhet është se hetimet janë duke vazhduar nga ana e prokurorëve të EULEX-it .

Ndonëse pohimet u bënë në mënyrë publike, policia nuk ka ndërmarrë asnjë veprim për arrestimin apo marrjen në pyetje të denoncuesit, i cili akuzon struktura të larta të Partisë Demokratike të Kosovës.

Zëdhënësi i Policisë së Kosovës Baki Kelani ka thënë se e me këtë rast po merren hetuesit e EULEX-it.