Azem Syla: Akuzat e Bllacës janë të pavërtete, shpifje dhe intriga

nga elbasi.. Mon Nov 30, 2009 2:27 am

Azem Syla, i përfoluri në CD-në e dëshmitarit Nazim Bllaca, në një prononcim për RTK-në, i ka quajtur gënjeshtra pohimet e këtij të fundit, duke thënë se nuk dëshiron të merret me rrena, shpifje dhe intriga të njerëzve të ligj, e aq më pak kur këto rrena bëhen në kohë fushatash. Ai ka thënë se nuk e njeh Bllacën si person, duke paralajmëruar se do ta denoncojë që nesër rastin tek organet e drejtësisë, të cilat do ta thonë fjalën e vet.

“Shkurt flasim, se as nuk e kam njohur, e as nuk e njohim tani. Emrin tim dhe Azem Sylën e njohin tërë populli i Kosovës që nga vitet e ‘70, që do të thotë një jetë të tërë të timen ia kam kushtuar popullit dhe vendit tim, dhe së ardhmes së vendit. Këto shpifje në këto momente janë edhe në kohën e fushatës, edhe personat të cilët në Kuvend i dhanë deklarimet e tyre, edhe personi sot (e diel) në fjalë, të gjitha këto janë shpifje dhe intriga që i bëjnë në të vërtetë njerëzit e ligj”, ka thënë Syla.