Kelmendi mori pjesë në Forumin ndërkombëtar kundër .......

nga *lissa* Sun Nov 29, 2009 8:08 am

Kelmendi mori pjesë në Forumin ndërkombëtar kundër dënimit me vdekje

Me ftesë të Ministrisë së Jashtme italiane dhe në organizim të rajonit të Toskanas të Italisë, ministrja e Drejtësisë, Nekibe Kelmendi, mori pjesë në Forumin ndërkombëtar kundër dënimit me vdekje, i cili u mbajt në Firence të Italisë, ku përveç Kosovës pjesëmarrës ishin edhe përfaqësuesit nga Armenia, Ukraina, Filipinet, Togo dhe Uzbekistani.
Kelmendi mori pjesë në Forumin ndërkombëtar kundër ....... F.1129134443308_m

Kelmendi mori pjesë në Forumin ndërkombëtar kundër ....... F.1129134443308_m

Gjatë punimeve të këtij Forumi, ministrja Kelmendi, prezantoi infrastrukturën ligjore të Kosovës, e cila ndalon dënimin me vdekje.

Kosova ka hequr dënimin me vdekje nga Ligji penal në vitin 2000, duke shtuar se edhe me Kushtetutën e Republikës së Kosovës është i ndaluar dënimi me vdekje, kështu që edhe Kodi Penal i Kosovës nuk parasheh këtë masë të dënimit.

“Pra, edhe Kosova, si shtet demokratik, i është bashkangjitur shteteve tjera evropiane sa i përket heqjes së dënimit me vdekje, duke respektuar kështu të drejtën e njeriut për jetë, të paraparë me Konventën Evropiane për të Drejtat e Njeriut dhe Protokollin 6”, tha Kelmendi.

Ministrja Kelmendi fjalimin e saj e vazhdoi duke thënë se Kosova nuk është nënshkruese e kësaj konvente dhe e protokolleve shtesë të saj, mirëpo duke dashur të promovojë këtë vlerë fundamentale, si dhe të drejtat e përfshira me këto dokumente ndërkombëtare, Republika e Kosovës ka përfshirë si kategori kushtetuese të drejtën për jetë dhe ka hequr dënimin me vdekje, kurse Konventën Evropiane për të Drejtat e Njeriut dhe Protokollet shtesë i ka përfshirë gjithashtu me Kushtetutë, kështu që të gjitha Ligjet e Kosovës, sidomos Kodi Penal dhe ai i Procedurës Penale, janë në përputhshmëri me Kushtetutën dhe dokumentet ndërkombëtar, përfundoi fjalimin e saj ministrja Kelmendi.

Fjalimin e ministres Kelmendi, organizatori i kësaj konference e quajti si dëshmi të fortë për të luftuar çdo lloj krimi dhe çdo lloj shkeljeje të të drejtave të njeriut, ndërsa Kosova u vlerësua si shtet i cili respekton në shkallën më të lartë të drejtat e njeriut, pikërisht për faktin së me aktin e saj më të lartë ligjor – Kushtetutën, promovon vlerat më të mëdha të njeriut, siç është e drejta për jetë.