Bufon: Vetëm Milani mund të arrijë diçka në Evropë

nga elbasi.. Fri Nov 27, 2009 3:47 am

Portieri i Juventusit, Xhanluixhi Bufon, ka pësuar dy gola në ndeshjen e rrethit të pestë të Ligës së Kampionëve ndaj Bordos dhe në këtë mënyrë skuadra e tij kualifikimin në 1/8 së finales do të duhet ta kërkojë në ndeshjen e fundit me Bajernin....

Pas humbjes nga Bordo, Bufon ka folur në lidhje me dallimin e futbollit në Itali dhe atij në Evropë. "Ekziston një dallim i madh ndërmjet futbollit që luhet në Itali dhe atij në Evropë. Në Itali shumëçka bazohet në kondicionin fizik dhe në kualitet, derisa në Evropë të gjitha skuadrat janë shumë mirë të organizuara në lojën e tyre. Shembull tipik ishte loja e Barcelonës ndaj Interit. Nëse nuk keni një sistem të përkryer nuk do të mund të luani një ndeshje dominante si mysafirë. Për mendimin tim skuadra e vetme italiane, e cila mund të arrijë diçka në Evropë është Milani dhe për shkak se ata tradicionalisht luajnë mirë në Ligën e Kampionëve", ka pohuar Bufon.