Sindikata e PK mbështetë financiarisht familjet e policëve.

nga elbasi.. Thu Nov 26, 2009 1:45 pm

Sindikata e Policisë së Kosovës së bashku me Ministrinë e Punëve te Brendshme dhe Drejtorinë e Përgjithshme të Policisë së Kosovës, me rastin e kremtimit të jubileut të parë - 10 vjetorit të Ditës të Policisë së Kosovës, organizuan një sërë aktivitetesh për sigurimin dhe mbështetjen financiare të familjeve të policëve të rënë në detyrë....

Sindikata e Policisë së Kosovës në marrëveshje me Drejtorinë e Policisë së Kosovës, organizoi ankand për shitjen e pikturave të autorit Ilaz Avdiu, pjesëtar i Policisë se Kosovës, nga i cili u grumbulluan 11.600,00 €, prej të cilave autori u dakordua që 80 % e kësaj shume të dedikohet për familjet e policëve të rënë në detyrë.
Nga aktivitetet tjera të përbashkëta me Ministrinë e Punëve të Brendshme dhe Drejtorinë e Përgjithshme të Policisë së Kosovës u siguruan edhe 27.436,95 €, mjete këto dedikuar për familjet e policëve të rënë në detyrë.

Kësisoj, shuma e gjithëmbarshme e grumbulluar e mjeteve financiare dedikuar për familjet e policëve të rënë në detyrë është 36.636,95 €, nga të cilat 11 familjeve iu ndanë në mënyrë proporcionale nga 3.330,63 €.

Sindikata e Policisë se Kosovës me këtë rast falënderon të gjithë ata që kontribuuan për familjet e policëve të rënë në detyrë.