Intel, partneritet me NEC

Intel ka paraqitur një version të ri të procesorit të saj Xeon, të optimizuar për superkompjuter, duke shpallur gjithashtu një partneritet me NEC për zhvillimin e këtyre superkompjuterave në të ardhmen. Intel shpalosi versionin e ti të Nehalem-EX në Supercomputing 2009 në Portland (Oregon). Procesori i optimizuar për superkompjutera përmban gjashtë bërthama të cilat do të punojnë me shpejtësi më të madhe se tetë bërthamat e procesorëve të tjerë Nehalem-EX dhe do të ketë gjithashtu struktura specifike për të favorizuar veprimet e llogaritjeve në superkompjutera, deklaroi Intel. Arkitektura e këtij procesori do të ofrojë shpejtësi dhe kapacitete më të larta të memories dhe do t’i lejojë blerësit të ndërtojnë si kompjutera të veçantë, ashtu dhe nyje me deri në 256 procesorë të tillë. Kjo teknologji do të jetë e disponueshme vitin e ardhshëm sipas Intel.

Intel gjithashtu shpalli se po bashkëpunon me kompaninë Japoneze NEC-shitësi më i madh i superkompjuterave në këtë vend-për të zhvilluar sëbashku teknologji “të cilat do të shtyjnë më tej kufijtë e superllogaritjeve” sipas deklaratës së përbashkët. NEC do t’i përdori këto teknologji në superkompjuterat e ardhshëm bazuar në procesorin Intel Xeon dhe teknologji të tjera si AVX (Advanced Vector Extensions), një shtesë e Intel në setin e instruksioneve x86. “Me NEC që shton novacionin e sistemeve të bazuara në Intel Xeon, Intel është në gjendje të sjelli Xeon drejt një audience akoma më të madhe të superllogaritjeve” tha Richard Dracott, menaxher i përgjithshëm i High Performance Computing Group të Intel.