Van Rompuy president i BE

Van Rompuy president i BE


Shefat e shteteve dhe
të qeverive të Bashkimit Evropian kanë zgjedhur kryeministrin belg
Herman Van Rompuy president të parë të BE-së, ndërsa komisionerja e
BE-së për Tregtinë, baronesha britanike Catherine Ashton, është caktuar
shefe e punëve të jashtme.Konsensusi është arritur të
enjten në Bruksel, pasi që Britania e Madhe tërhoqi insistimin që
ish-kryeministri britanik Tony Blair të ishte president, ndërkohë që
Franca dhe Gjermania ishin mbështes të kryeministrit belg.

Caktim i Van Rompuy si president dhe Ashton në postin e ri, që është
krijuar me Traktatin e Lisbonës, ka për qëllim të përforcojë pozitën
dhe politikën e përbashkët ekonomike, të sigurisë dhe të mbrojtjes së
BE-së.

Megjithatë, Van Rompuy dhe Ashton, janë shumë pak të njohur jashtë
BE-së, prandaj, së paku në fillet e punës së tyre, nuk do ta kenë
ndikimin e duhur në kryeqytetet e ndryshme, ashtu siç do ta kishte një
personalitet si Blair