Pensionistët kërkojnë mbështetjen e presidentit Sejdiu

nga *lissa* Thu Nov 19, 2009 11:26 am

Presidenti i Republikës së Kosovës, Fatmir Sejdiu priti të enjtne një delegacion të Bashkimit të Pensionistëve dhe Invalidëve të Punës, të cilit i printe Ramë Alihajdari, kryetar.

Pensionistët kërkojnë mbështetjen e presidentit Sejdiu F.1119160232441_m

Pensionistët kërkojnë mbështetjen e presidentit Sejdiu F.1119160232441_m

Ky delegacion i BPIP-së prezantoi përpara presidentit Sejdiu veprimtarinë e këtij institucioni, me qëllim të përmirësimit të gjendjes sociale të pensionistëve dhe invalidëve të punës.

Me këtë rast, Alihajdaraj tha se anëtarësia e gjerë e Bashkimit të Pensionistëve dhe Invalidëve të Punës të Republikës së Kosovës është e zhgënjyer me moszgjidhjen e statusit të pensionistëve, për shkak të mosmiratimit të Ligjit për Pensionistët.

Pasi që foli për ecurinë e gjithë procesit të përgatitjes së Ligjit për Pensionistët dhe Invalidët e Punës dhe shtyrjen e vazhdueshme të miratimit të tij, Alihajdari kërkoi nga presidenti Sejdiu që të ndikojë të Qeveria, te ministritë përkatëse dhe te Kuvendi i Republikës së Kosovës që statusi i pensionistit të përcaktohet me ligj, si në çdo vend tjetër, në mënyrë që këta njerëz, që kanë kontribuar vite me radhë për vendin, të kenë trajtimin e merituar.