Dell: Qetësoni simpatizantët

nga *lissa* Fri Nov 13, 2009 10:22 am

Përfaqësuesit ndërkombëtarë në Kosovë u kanë bërë thirrje liderëve politikë që të dënojnë aktet e fundit të dhunës. Ambasadori amerikan, Cristopher Dell ka kërkuar nga zyrtarët e partive politike që të qetësojnë simpatizantët e tyre, e të përmbahen nga përshkallëzimi i dhunës.

Dell: Qetësoni simpatizantët F.1113142353226_m

Dell: Qetësoni simpatizantët F.1113142353226_m

Ambasadori Kristofer Dell ka theksuar se deri tani zgjedhjet kanë kaluar në mënyrë të qetë dhe demokratike, derisa nuk kanë ndodhur rastet e fundit, njëri në Deçan dhe tjetri në Mitrovicë.

Me këtë rast, Dell u ka bërë thirrje liderëve të partive politike, që të shprehin kundërshtimin e tyre për këto akte të dhunës dhe t’u bëjnë thirrje simpatizantëve të tyre t’i binden ligjit.

Përfaqësuesi Civil Ndërkombëtar në Kosovë, Piter Feith ka kujtuar kosovarët se vendi i tyre është në tranzicion drejt Bashkimit Evropian, perspektivës evropiane si pjesë e rajonit. Kështu që zgjedhjet në Kosovë, sipas tij, janë një pritje e mahnitshme nga ana e Prishtinës, po ashtu edhe nga ana e Brukselit.

Dy përfaqësuesit ndërkombëtar i bënë gjatë takimit të vëzhguesve të Rrjetit të Organizatave Evropiane për Monitorimin e Zgjedhjeve, ENEMO.