Rritet numri i të infektuarve në Kosovë

nga *lissa* Tue Nov 10, 2009 10:52 am

Autoritetet shëndetësore në Kosovë kanë thënë se që prej shfaqjes së parë në Kosovë të gripit të ri e deri më tash, janë shënuar gjithsejtë 19 raste të virusit A-H1N1. Në këtë numër janë përfshirë edhe 6 rastet e evidentuara gjatë muajve të verës.

Rritet numri i të infektuarve në Kosovë F.1110144442810_m

Rritet numri i të infektuarve në Kosovë F.1110144442810_m

Në evidentimin e të gjitha rasteve, autoritetet thanë se po hasin probleme veçanërisht në rajonet e banuara me shumicë serbe, prej nga informacionet janë më të kufizuara.

Ministria e Shëndetësisë dhe ajo e Arsimit kanë kërkuar nga të gjitha institucionet shkollore që në baza të rregullta të raportojnë mungesën e nxënësve për arsye shëndetësore, për të pasur mundësi të përcjellin përhapjen e mundshme të këtij virusi.

Zyrtarët shëndetësorë thanë se janë duke bërë përgatitje për t’u furnizuar me të gjitha mjetet e mundshme, përfshirë këtu edhe vaksinën, për të cilën u tha se do të arrijë në muajin dhjetor.