Shala: Kosovës do t’i kthehet i zoti i shtëpisë

nga fOxEr Sat Nov 07, 2009 7:03 am

Ramush Haradinaj, kryetar i AAK-së, tha të shtunën se ka ardhur koha që pushtetin në Kosovë ta marrë dikush që di të udhëheqë. Nëse vazhdon kjo qeverisje, siç tha Haradinaj, “do të detyrohemi që ta lëmë Kosovën për të kërkuar një jetë më të mirë”.

Ai tha se Aleanca për Ardhmërinë e Kosovës ka vizion për ta nxjerrë Kosovën nga keqqeverisja dhe t’i riparojë dëmet që i janë bërë Kosovës deri më tash.

Këto komente Haradinaj i bëri në qytetin e Istogut, në kuadër të fushatës së tij elektorale.

Ndërkohë, nënkryetari i AAK-së, Blerim Shala, tha se Kosova “është një vend i pafat dhe pa zot shtëpie”. AAK, vijoi Shala, do t’ia kthejë Kosovës fatin dhe të zotin e shtëpisë – që sipas tij – është Ramush Haradinaj.

Zyrtarët të lartë të AAK-së, me këtë rast, kërkuan nga qytetarët e Istogut mbështetje për Maim Imeraj, kandidat për kryetar nga AAK-ja.

Imeraj ndërkaq, kërkoi votën e qytetarëve të Istogut, duke thënë se kandidatura e tij, nuk është qëllim i vazhdimit të gjumit institucional, por një angazhim për punë dhe zhvillim.