Botë

Mbledhje strategjike mbi luftën në Afganistan
Presidenti amerikan, Barack Obama zhvillon sot në Shtëpinë e Bardhë një mbledhje me këshilltarët e tij më të lartë politikë e ushtarakë për të debatuar mbi të ardhmen e luftës në Afganistan.
Në këtë mbledhje strategjike do të marrin pjesë shefi i komandës qendrore David Petraeous, nënpresidenti, sekretari i Mbrojtjes, sekretarja e Shtetit dhe i dërguari i posaçëm i presidentit Obama për Afganistanin.

Komandanti i luftës, gjeneral Stanley McCrystal, që është udhëheqësi më i lartë ushtarak amerikan në Afganistan, do të marrë pjesë në mbledhje nëpërmjet lidhjes me video.

Administrata Obama ka rishqyrtuar prej javësh strategjinë e luftës në Afganistan në përpjekje për të gjetur një mënyrë të re për zgjidhjen e konfliktit afro 8 vjeçar.

Gjeneral McCrystal ka kërkuar trupa shtesë për të luftuar kryengritësit talebanë të nxitur nga terroristët e al Qaedas.

Shefi i NATO-s, Anders Fogh Rasmussen, diskutoi dje strategjinë me presidentin Obama. Ai tha se aleanca ushtarake e NATO-s është e vendosur për të arritur sukses në Afganistan. /VoA/

Cunam shkatërrimtar në Paqësor
Një cunam i shkaktuar nga një tërmet i fuqishëm nënujor në Oqeanin Paqësor ka çuar në shkatërrime të mëdha në ishujt e Samoes dhe Samoes Amerikane.
Se paku 85 vetë deri tani thuhet të kenë vdekur por një zyrtar lokal thotë se kjo shifër mund të kalojë në 100 sepse disa fshatra të tërë thuhet të jenë përmbytur nga valët e mëdha.

Banorët lokal thonë se janë dërmuar nga një dridhe e madhe që është pasuar nga dridhje të tjera të gjata disa minuta. Zyrtarët kanë shprehur frikën se fshatra të tërë mund të jenë përmbytur dhe se shumë trupa mund të jenë varrosur në rërë.

Ata që ishin me fat kanë arritur në vende me të larta para se valët ti përpinin shtëpitë e tyre. Niveli i vërtetë i kësaj katastrofe do të kuptohet vetëm pasi të ketë kaluar më shumë kohë.

Presidenti Obama e ka shpallur gjendjen në Samoen Amerikane si katastrofë e madhe dhe ka urdhëruar fonde federale për ndihmuar situatën. /bbc/

Gjeorgjia e para ka qëlluar në luftën e Kaukazit
Në konfliktin ushtarak në Kaukaz në verën e vitit 2008, Gjeorgjia ishte ajo e cila ka shkrepur plumbin e parë, thuhet në raportin e pritur me shumë kureshtje.
Gazeta gjermane "Süddeutscher Zeitung" njofton se raportin e ka hartuar një komision hetimor ndërkombëtar. Sipas raportit, Gjeorgjia e para i ka kapur armët duke sulmuar në Osetinë Jugore trupat ruse, të cilat ishin të stacionuara atje nën një mandat ndërkombëtar.

Mirëpo sulmet kanë pasuar pas sulmeve që kanë zgjatur me javë të tëra prej trupave të mbështetura nga Rusia në provincat e Abhazisë dhe Osetisë Jugore.

Raporti i hartuar nën udhëheqjen e diplomates zvicerane Heidi Tagliavini me kërkesën e BE-së, do të prezantohet këtë të mërkurë në Bruksel. /DW/

Obama: Bashkëpunim me Rusinë në mbrojtjen raketore
Presidenti i Shteteve të Bashkuara, Barack Obama tha se e mbështet përmirësimin e marrëdhënieve ndërmjet Rusisë, Shteteve të Bashkuara dhe NATO-s, përfshirë bashkëpunimin e mundshëm në mbrojtjen raketore.
Në një konferencë të përbashkët për shtyp me sekretarin e përgjithshëm të aleancës, Obama tha se ai dhe Anders Fogh Rasmussen kanë rënë dakord për të përmirësuar marrëdhëniet me Moskën.

Prononcimet e presidentit Obama pasuan komentet e emisarit rus në NATO, Dimitri Rogozin, i cili tha se Moska po kërkon garanci se çdo sistem i ri mbrojtës raketor amerikan nuk do ta kërcënojë sigurinë e Rusisë. /REL/

Arabi Saudite: 103 të vdekur nga reshjet

Ka shkuar në 103 numri i viktimave si pasojë e përmbytjeve në portin e Xhedas në Arabinë Saudite.
Shumica e viktimave kanë humbur jetën si pasojë e mbytjes apo aksidenteve me makina.

Arabia Saudite ka përjetuar reshjet më të mëdha në shumë vite.

Në mesin e viktimave nuk ka asnjë nga pelegrinët që kanë qenë në haxhin e këtij viti.

Porti i Xhedas është njëri nga portet bazë nga ky hyjnë pelegrinët myslimanë

Zvicër, gati referendumi për minaret e xhamive

Votuesit zviceranë do të zhvillojnë nesër një referendum nëse duhet t’i kërkojnë kushtetutës së tyre që të ndalojë ndërtimin e minareve.
Partia Popullore e Zvicrës, një parti nacionaliste dhe partia ekstremiste e Bashkimit Federal Demokratik qëndrojnë prapa propozimit të debatueshëm.

Mjaft nacionalistë thonë se nuk përbën problem ndërtimi i xhamive në Zvicër. Por ata thonë se kundërshtojnë minaret nga ku udhëheqësit fetarë bëjnë lutjet drejtuar besimtarëve.

Kritikët thonë se minaret shpesh paguhen nga ekstremistët dhe përdoren si simbole politike, çka përbën sipas tyre shkelje të kushtetutës zvicerane. Ata thonë gjithashtu se minaret nuk janë detyrim sipas Islamit.

Mjaft myslimanë dhe jo myslimanë e shohin referendumin e Zvicrës si një kërcënim për lirinë e besimit.

Zvicër, gati referendumi për minaret e xhamive

Votuesit zviceranë do të zhvillojnë nesër një referendum nëse duhet t’i kërkojnë kushtetutës së tyre që të ndalojë ndërtimin e minareve.
Partia Popullore e Zvicrës, një parti nacionaliste dhe partia ekstremiste e Bashkimit Federal Demokratik qëndrojnë prapa propozimit të debatueshëm.

Mjaft nacionalistë thonë se nuk përbën problem ndërtimi i xhamive në Zvicër. Por ata thonë se kundërshtojnë minaret nga ku udhëheqësit fetarë bëjnë lutjet drejtuar besimtarëve.

Kritikët thonë se minaret shpesh paguhen nga ekstremistët dhe përdoren si simbole politike, çka përbën sipas tyre shkelje të kushtetutës zvicerane. Ata thonë gjithashtu se minaret nuk janë detyrim sipas Islamit.

Mjaft myslimanë dhe jo myslimanë e shohin referendumin e Zvicrës si një kërcënim për lirinë e besimit.

Gates nuk konfirmon njoftimet për Bin Ladenin



Sekretari amerikan i mbrojtjes, Robert Gates, thotë se nuk mund t'i konfirmojë njoftimet e kohëve të fundit, sipas të cilave Osama Bin Laden është parë në Afganistan.
Gates i tha një kanali televiziv amerikan se kishte vite që Shtetet e Bashkuara nuk kishin marrë informacion të besueshëm për vendndodhjen e liderit të al-Qaedas. Ai shtoi se nëse do të dihej vendndodhja e Bin Ladenit, trupat "do të shkonin ta kapnin".

Javën e kaluar Senatit amerikan iu paraqit një raport, ku thuhej se në vitin 2001 forcat amerikane në Afganistan kishin qenë shumë pranë kreut të Al-Qaedas.

Të enjten e kaluar, kryeministri britanik, Gordon Brown, i bëri thirrje Pakistanit të ndihmojë më shumë për kapjen e udhëheqësve të Al-Qaedas dhe të luftojë kundër talibanëve.

Protesta masive kundër Berlusconit

Në kryeqytetin italian dhjetëra mijëra demonstrues kanë kërkuar dorëheqjen e kryeministrit të përfshirë në disa skandale, Silvio Berlusconi. Organizatorët flasin për 350 mijë pjesëmarrës në këtë demonstratë, ndërsa policia për 90 mijë.
Kjo ishte protesta e parë e organizuar në Itali pothuajse vetëm përmes njoftimeve në internet. Sindikatat, organizatat me orientim të majtë, Partia e hetuesve të dikurshëm anti-korrupsion dhe ministri Antonio Di Pietro përkrahën të ashtuquajturën "No Berlusconi Day".

Kreu i qeverisë me orientim të djathtë dhe shef koncerni është akuzuar për korrupsion, për shkelje të kushtetutës dhe së fundi për lidhjet e tij me mafien. Ai iu kishte shpëtuar disa herë ndjekjeve penale përmes ndryshimeve të ligjeve.

Varrosen viktimat e zjarrit në Rusi

Në qytetin rus Perm zhvillohen të dielën ceremonitë e varrimit të disa prej 112 viktimave të zjarrit që ra të premten në një klub nate.
Zjarri nisi pas shpërthimit të një fishekzjarri, flakët e të cilit ndezën tavanin e ndërtesës.

Gati gjysma e 230 personave të pranishëm në klub gjetën vdekjen ndërsa shumë të tjerë janë shtruar në spital.

Pronari dhe menaxheri i klubit janë arrestuar.

Presidenti Dmitry Medvedev ka thënë se personave përgjegjës u mungonte truri e ndërgjegjja. Presidenti Medvedev e ka shpallur të hënën ditë zije kombëtare

Irani ndalon shtypin e huaj para protestave

Departamenti për shtypin e huaj në Iran i ka tërhequr lejet për gazetarët dhe fotografët e huaj që punojnë në Teheran prej 7 deri 9 dhjetor.
Sot po ashtu u ndërprenë disa lidhje të internetit dhe telefonisë celulare, në prag të protestave të paralajmëruara nga opozita.

Protesta e planifikuar për 7 dhjetor, përkon me Ditën e Studentëve, e cila i përkujton studentët që u vranë nga forcat e sigurisë pas grusht shtetit të vitit 1953.

Organizata “Reporterët pa Kufij” me seli në Paris, tha se gazetarët në Iran ende po përballen me vështirësi

Fundoset një anije me 80 njerëz në bord në afërsi të Libanit


Afër bregdetit të Libanit është fundosur një anije
mallrash me rreth 80 njerëz në bord. Ndërkohë rreth 30 prej tyre janë
shpëtuar.



Ekipet e shpëtimit kanë nxjerrë deri tani dy trupa të pajetë, ndërsa të tjerët llogariten si të zhdukur.

Në aksionet e shpëtimit po marrin pjesë edhe trupat e OKB-së në
misionin UNIFIL, ndër të cilat janë edhe dy anije të marinës gjermane.

Anija e cila lundronte nën flamurin e Panamasë, ishte duke udhëtuar në drejtim të limanit Tartus të Sirisë.

Anija transportonte rreth 10.000 dele dhe 18.000 gjedhë. Shumica e
njerëzve në bord ishin me prejardhje nga Filipinet dhe Pakistani.

Galbraith mohon komplot ndaj Karzait


Ish zëvendësshefi i OKB-së në Afganistan, Peter
Galbraith, ka hedhur poshtë njoftimet se ai ka komplotuar për të
rrëzuar nga pushteti presidentin afgan Hamid Karzai, me ndihmën e
Shtëpisë së Bardhë.



Këto pretendime janë bërë nga një gazetë që citon ish shefin e Galbraith, Kai Eide.

Peter Galbraith pranon se ka sugjeruar zëvendësimin e Hamid Karzait me një qeveri të përkohshme.

Por ai thotë se ky ishte thjesht një rekomandim, që kishte si qëllim të
shmangte një krizë kushtetuese, në rast se zgjedhjet e debatueshme
presidenciale afgane mbeteshin të pazgjidhura.

Ai mohon njoftimet se ka kërkuar të përfshijë Shtëpinë e Bardhë.

Ideja thotë ai u ngrit gjatë një bisede të brendshme në OKB. Galbraith
po reagonte ndaj një artikulli në një gazetë që citon një letër të
shkruar nga ish bosi i tij Kai Eide.

Eide tha se plani i zëvendësit të tij, ishte jokushtetues, duke
përfaqësuar një ndërhyrje shumë të keqe dhe e ka zemëruar jashtë mase
Karzain.

SHBA-Rusi, arrihet korniza për çarmatimin


Negociatorët nga Shtetet e Bashkuara dhe Rusia kanë rënë dakord për kornizën e paktit të ri për çarmatimin bërthamor.



Agjencia ruse e lajmeve, Interfax, citon burime diplomatike të kenë
thënë se palët kanë rënë dakord në parim dhe lajmi zyrtar do të bëhet
publik së shpejti.

Ky pakt synon të zëvendësojë atë të vitit 1991, vlefshmëria e të cilit përfundoi në 5 dhjetorin e kaluar.

Zyrtarët më herët kishin deklaruar se ujdia nuk do të ishte gati për
sot, kur presidentët Obama dhe Medvedev do të takohen në margjinat e
samitit të Kopenhagës.

Liderët botërorë në përpjekjet finale për klimën


Zyrtarët në samitin për ndryshimin e klimës në Kopenhagë
kanë punuar gjithë natën për të dalë me një projekt-marrëveshje. Pas
bisedimeve mes udhëheqësve botërorë, kryeministri danez Lars Lokke
Rasmussen, tha se kishte pasur një dialog konstruktiv.



Ditën e enjte, SHBA-ja tha se do të mund të ofronte 100 miliard dollarë
për të ndihmuar vendet e varfra të përballonin ndryshimet e klimës.
Kina ofroi lëshime me kërkesën e SHBA-së që ulja e emetimeve të ishte e
hapur për monitorim.

Presidenti Obama do të takohet me kryeministrin Wen Jiabao, në Kopenhagë më vonë gjatë ditës.

Në Kopenhagë, 119 udhëheqës globalë i japin të premten shtysën e fundit
përpjekjes për arritjen e një marrëveshje të re për ndryshimin e
klimës. Pas dy vjetësh bisedime, përpjekjet për të arritur një
marrëveshje të re globale po arrijnë konkluzionet përfundimtare në
Kopenhagë.

Pasi kaluan dy javë duke debatur çështje procedurale, orët e fundit
kanë injektuar një sens urgjence tek këto bisedime dhe sollën fjalë
kompromisi dhe konsensusi për një numër çështjesh shumë të rëndësishme.


SHBA-ja e ka angazhuar veten të jetë pjesë një fondi afatgjatë për
vendet në zhvillim, me vlerë prej 100 miliard dollarësh duke filluar me
vitin 2020. Kjo varet nëse vendet e mëdha në zhvillim si India dhe Kina
angazhohen në veprime për reduktime të verifikueshme emetimesh.

Në një deklaratë për shtyp, Kina dha shenja se mund të japë hollësi
lidhur me veprimet që do të ndërmarrë, përsa kohë ato nuk do të
ndërhyjnë në sovranitetin e vendit.

Por pati edhe të meta potenciale. Një analizë e premtimeve për të
reduktuar emetimet që u zbulua, tregon se bota po shkon drejt një
ngrohjeje me 3 gradë celcius dhe jo 2.

Këto negociata janë veprimet më të komplikuara për klimën që janë
ndërmarrë ndonjëherë. Dhe teksa nuk ka garanci për sukses, një gjë
është e sigurt disponimi i delegatëve është përmirësuar.

Obama: Të biem dakord për një qëllim të përbashkët


Presidenti Barack Obama u tha udhëheqësve botërorë në
ditën e fundit të konferencës për ndryshimin e klimës në Kopenhagë se
ka ardhur koha që “vendet e botës të bien dakord për një qëllim të
përbashkët”.


Njoftimet e medias thonë se teksti i një projektmarrëveshjeje, e cila
mund të ndryshojë, nuk përmend shkurtime të thella të gazeve për vendet
e industrializuara, duke realizuar shumë më pak se sa objektivi i
mëparshëm, që ishte arritja e një pakti me fuqi ligjore.

Obama e pranoi se disa vende mendojnë se Shtetet e Bashkuara nuk po
bëjnë aq sa duhet. Por ai tha se udhëheqësit botërorë duhet të pranojnë
një marrëveshje edhe pse ajo mund të mos jetë e përsosur.

“Unë besoj se ne mund të veprojmë me guxim dhe vendosmëri përballë një
kërcënimi të përbashkët. Prandaj kam ardhur këtu sot. Jo për të folur
por për të vepruar."

Dy ndër pengesat më të mëdha për marrëveshjen janë refuzimi amerikan
për të propozuar shkurtime më të thella në çlirimin e gazeve dhe
refuzimi i Kinës për të lejuar verifikimin e shkurtimeve që ajo është
gati të bëjë.

Pa e përmendur konkretisht Kinën, presidenti Obama tha se nuk mund të
arrihet dot marrëveshje ndërkombëtare pa një shkëmbim informacioni."Nuk
e di se si mund kemi një marrëveshje ndërkombëtare nëse nuk ndajmë
informacion për të garantuar se do të arrijmë angazhimet tona. Kjo nuk
ka kuptim dhe do të ishte një fitore e zbrazët.”

Sipas njoftimeve të medias, marrëveshja për klimën pritet të bëjë
thirrje për moslejimin që temperaturat globale të rriten më tepër se sa
në masën 2 gradë celsius. Vendet e vegjël ishuj, të shqetësuar për
rritjen e niveleve të deteve, kanë kërkuar që ngritja e temperaturës të
mos jetë më e madhe se sa 1,5 përqind.

Sekretarja e Shtetit, Hillary Clinton, njoftoi të enjten se Shtetet e
Bashkuara do të ndihmojnë në krijimin e një fondi vjetor prej 100
milion dollarësh për të ndihmuar vendet në zhvillim të përballojnë
pasoja të tilla të ngrohjes globale si rritja e nivelit të deteve.

Por ajo tha se oferta amerikane do të varet nga gatishmëria e këtyre
vendeve për të shkurtuar gazet dhe për të lejuar verifikimet.

Kina thotë se marrëveshjet e mëparshme e përjashtojnë atë dhe vende të
tjera në zhvillim nga shkurtimi i gazeve që ajo thotë se po e bën
vullnetarisht. Kinezët thonë gjithashtu se oferta amerikane për të
shkurtuar gazet në masën 17 përqind nuk është e mjaftueshme.

Negociatorët amerikanë thonë se Kongresi nuk do të miratonte shkurtime
më të thella tani për tani. Sekretarja Clinton tha se 17 përqind është
një hap fillestar drejt shkurtimit në masën 50 përqind deri në vitin
2050.

2009: 35 bashkëpunëtorë të OKB-së të vdekur


Vitin e kaluar, 2009, kanë vdekur 35 vetë që kanë qenë në shërbim të Kombeve të Bashkuara.




Sipas
një zëdhënësi të OKB-së, shtatë ushtarë humbën jetën gjatë misioneve
paqësore të organizatës. Përveç kësaj 28 vdiqën në shërbimet civile të
Kombeve të Bashkuara.
Vetëm 18 nga ata humbën jetën në Pakistan dhe Afganistan. Në vitin
2008 ishin 34 ushtarë dhe civilë që humbën jetën gjatë shërbimit të
tyre për OKB-në. /DW/

Nigeria proteston ndaj masave amerikane
Ministri
i jashtëm nigerian, Ojo Maduekwe ka thirrur ambasadorin amerikan për të
protestuar lidhur me kontrollet më të rrepta ndaj pasagjerëve nga
Nigeria.







Masat amerikane u njoftuan pas përpjekjes së
dështuar muajin e kaluar, siç pretendohet nga një shtetas nigerian
(Umar Farouk Abdulmutallab) për të hedhur në erë një avion amerikan.
Ministri nigerian i tha BBC-së se ishte e papranueshme që një vend
me një popullsi prej 150 milionëshe t'i nënshtrohej kushteve më të
forta sigurie, për shkak të veprimeve të një personi të dyshuar, i cili
e ka kaluar pjesën më të madhe të jetës jashtë Nigerisë.
"Ky i ri u largua nga Nigeria në moshën 13 vjeçare dhe e kreu këtë
veprim në moshën 23 vjeçare. Ne mendojnë se, megjithëse identifikohemi
me çdo masë të SHBA-së për të përmirësuar sigurinë e shtetasve
amerikanë, këto janë çështje që mund t'i adresojmë në një mënyrë që nuk
do të shihet si jomiqësore," tha ministri Maduekwe.
Edhe Kuba ka protestuar para diplomatit më të lartë amerikan në ishull, sepse kubanët janë përfshirë në të njëjtën listë.
Një zyrtare në ministrinë e jashtme kubaneze, Josefina Vidal
Ferreiro, i përshkroi rregullat e reja si një veprim armiqësor që ishte
ndërmarrë për të justifikuar embargon tregtare mbi Kubën. /bbc/

Kanadaja vendos skanerë të trupit nëpër aeroporte


Qeveria kanadeze i ka udhëzuar aeroportet që të fillojnë të përdorin skanerët e trupit me kërkesë të qeverisë amerikane.


Njoftohet se skanerët do të përdoren vetëm për udhëtarët që do të fluturojnë në Shtetet e Bashkuara.
Ministri i Shtetit, Rob Merrifield tha se 44 skanerë do të vihen në përdorim në aeroportet kanadeze.
Aeroporti i parë që do t’i përdorë do të jetë Toronto dhe Vankuveri,
mikpritësi i Lojërave Olimpike Dimërore në muajin shkurt. /REL/