Më shumë se 120 nxënës nga Shkolla “Hivzi Sylejmani” kanë kë

nga d.jeta Fri Oct 02, 2009 5:12 am

Më shumë se 120 nxënës nga Shkolla “Hivzi Sylejmani” kanë kërkuar ndihmë në QKUK

Më shumë se 120 nxënës nga Shkolla “Hivzi Sylejmani” kanë kë Fushekosove4a

- Më shumë se 120 nxënës nga Shkolla e Mesme Ekonomike “Hivzi Sylejmani” kanë kërkuar ndihmë në Qendrën emergjente në Prishtinë. Ndërkohë, shumë të tjerë kanë marrë ndihmën e parë në ambulanten e qytetit në Fushë-Kosovë nga helmim që deri tash nuk dihet se si ka ndodhur. Drejtori i QKUK-së, Jusuf Ulaj, ka thënë se mbrëmë në këtë qendër kanë kërkuar ndihmë 18 nxënës nga kjo shkollë, ndërsa sot numri ka kaluar 120-shin. Ministri i Shëndetësisë, Alush Gashi, ka thënë se gjendja është nën kontroll dhe se nuk ka nevojë për panik. Ai ka bërë të ditur se tashmë kanë nisur të bëhen edhe analizat toksikologjike, nga të cilat do të dihet shkaku i helmimit të nxënëseve. Ulaj ka thënë se nxënësit e helmuar kanë simptoma shtrëngim barku, vështirësi frymëmarrje, por që deri tash ende nuk dihet se nga çka janë helmuar. Nga Ministria e Shëndetësisë bëjnë të ditur janë duke shikuar rastin dhe kanë pohuar se janë angazhuar ekspertë në terren, të cilët po hetojnë rastin. Ndërkohë, nxënësit dhe prindërit akuzojnë drejtorin e shkollës pasi që ka lejuar të zhvillohet mësimi në të edhe pas rastit të mbrëmshëm. Në një komunikatë për media bëhet e ditur se të gjithë të vizituarit janë trajtuar me tretje infuzive, ndërsa te disa raste janë përdorur qetësues, kurse në raste të veçanta janë dhënë kortizonikë. Analizat biokimike janë marrë te një numër i konsiderueshëm i rasteve dhe kanë rezultuar se janë në vlera normale. Shumica dërmuese e këtyre rasteve, pas ofrimit të ndihmës profesionale janë lëshuar në shtëpi në gjendje të mirë shëndetësore. Për momentin, në mbikëqyrje të personelit shëndetësor të QKUK-së, janë 16 raste. Ndërkohë Qeveria e Kosovës në një komunikatë për media bën të ditur se është duke përcjellë me kujdes rastet e sëmurjes së papritur të rreth 50 nxënësve të shkollës së mesme “Hivzi Sylejmani” të Fushë- Kosovës. Ekzekutivi fton të gjithë që të përmbahen nga përfundimet e ngutura që mund të sjellin konfuzion dhe panik në opinion. Qeveria po ashtu thotë se organet kompetente janë duke hulumtuar të gjitha shkaqet e sëmurjes së këtyre nxënësve dhe gjendja është nën kontroll të plotë. Në komunikatë thuhet se ekzekutivi iu dëshiron shërim dhe kthim të shpejtë në bankat shkollore të gjithë nxënësve që janë prekur nga kjo gjendje shëndetësore.