Bashkimi Evropian ua ndal zërin playerëve

Playerët e ndryshëm bartës multimedial, sikur që është Apple iPod, së shpejti në tregun e BE-së do të mund të paraqiteshin në variante diç më të qeta sesa në pjesë tjera të botës.
Përafërsisht para një viti shkencëtarët e Bashkimit Evropian kanë konkluduar se dëgjimi me zë të lartë i muzikës nga pajisjet multimediale bartëse vetëm një orë në ditë në periudhë prej pesë vitesh mund të sjellë deri tek dëmtimi i përhershëm i shqisës së dëgjimit. Në të njëjtën kohë, sipas vlerësimeve të BE-së me këtë problem janë prekur rreth 10 milionë evropianë.

Pikërisht për këtë arsye përfaqësuesit e BE-së gjatë kësaj jave do të propozojnë një urdhëresë me të cilën të gjithë prodhuesit të cilët shesin këso lloj pajisjesh në BE do të duhet që paraprakisht të kufizojnë zërin më të lartë të pajisjeve të tyre. Po ashtu, brenda paketimit të pajisjeve të tyre do të duhet të theksojnë më mirë vërejtjen për mundësinë e dëmtimit të shqisës së dëgjuarit.

Megjithatë, shfrytëzuesit të cilët duan, do të kanë mundësinë t’ua rrisin zërin deri në maksimum të pajisjeve të caktuara.