Sejdiu uron Josipovicin

nga *lissa* Sun Jan 17, 2010 6:20 am

Presidenti i Republikës së Kosovës, Fatmir Sejdiu, me
rastin zgjedhjes së Ivo Josipovic, president i Republikës së Kroacisë,
i ka dërguar atij një mesazh urimi.

“Në emër të popullit dhe institucioneve të Republikës së Kosovës, ju
përgëzoj Ju dhe popullin e Republikës së Kroacisë për zgjedhjen tuaj
President i Republikës së Kroacisë. Qytetarët e shtetit më të ri në
botë, Republikës së Kosovës, me respekt dhe admirim të madh u bashkohen
Juve, Shkëlqesia Juaj, në festimin e kësaj fitoreje të madhe”, thuhet
në mesazhin e urimit.

“Unë jam i bindur se gjatë mandatit tuaj si President ju do t’i
vazhdoni përpjekjet e Kroacisë për zhvillimin dhe përmirësimin e jetës
së bashkëkombësve tuaj. Ndonëse ne të gjithëve na presin shumë sfida,
unë jam i sigurt se ardhmja e Kroacisë nën udhëheqjen tuaj është e
ndritshme”, thekson Sejdiu.

“Meqë ne të gjithë synojnë ta arrijmë një stabilitet rajonal të plotë
si dhe të integrohemi në strukturat euroatlantike, ne presim me padurim
që ta vazhdojmë me ju bashkëpunimin e shkëlqyeshëm dhe të afërm midis
dy kombeve tona. Midis dy vendeve tona ka pasur një bashkëpunim të
shkëlqyeshëm, ndërsa të dy vendet tona në të kaluarën i kanë ofruar
njëra tjetrës mbështetje, të cilën unë shpresoj se do ta përforcojmë
edhe më tej gjatë udhëheqjes Suaj”.