NATO vlerëson progresin e FSK-së

nga *lissa* Fri Nov 13, 2009 10:26 am

Ministri i FSK-së, Fehmi Mujota, u takua të premten me delegacionin e NATO-s, të kryesuar nga Jiri Sedivy, asistent për Politikë të Mbrojtës dhe për Planifikim i sekretarit të përgjithshëm të NATO-së, me ç’rast i informoi mysafirët për zhvillimet dhe progresin e arritur në Ministri dhe në Forcën e Sigurisë së Kosovës dhe angazhimet e ardhshme.

NATO vlerëson progresin e FSK-së F.1113161509101_m

NATO vlerëson progresin e FSK-së F.1113161509101_m

Ministri Mujota tha se FSK-ja është duke bërë progres në të gjitha fushat, duke filluar nga procesi i përzgjedhjes së sistemimit të personelit, trajnimet, zhvillimet dhe arritjes së kapaciteteve të para operacionale sipas afateve të planifikuara. Ai tha se ky zhvillim dhe sukses i MFSK-së dhe FSK-së është rezultat i përbashkët i NATO-s, Ekipit Këshillues Ndërkombëtar dhe KFOR-it.

Ministri ka pohuar se radhitja e minoriteteve dhe integrimin e tyre brenda MFSK-së dhe FSK-së është në progres e sipër, ndërsa shprehu bindjen se inkuadrimi i minoritete serb do të rritet në muajt e ardhshëm gjatë fazës së re të rekrutimit në FSK.

Nga ana e tij, Sedivy - siç thuhet në një komunikatë të kësaj ministrie - u pajtua me vlerësimin e ministrit se MFSK-ja dhe FSK-ja janë në rrugë të drejt - duke shpresuar se MFSK-ja do të jetë shembull udhëheqës në zbatimin e rregulloreve, përgjegjësive dhe transparencës për ministritë të tjera.

Sedivy ka pohuar se zvogëlimi i trupave të NATO-s në Kosovës do të bëhet në mënyrë graduale. Ai po ashtu theksoi se nuk është e rëndësishme caktimi i datës se kur do të behet arritja e kapaciteteve, por ato duhet të jenë me standard të lartë.

Sedivy e ka inkurajuar ministrin Mujota që të vazhdojë bashkëpunimin edhe me vendet fqinje për nënshkrimin e memorandumit të bashkëpunimit.