Hooper: Beogradi luan rolin e shkatërrimtarit në Kosovë

nga *lissa* Thu Nov 12, 2009 10:26 am

James Hooper, ish-diplomat amerikan, vlerëson se e ardhmja e ardhmja e serbëve të Kosovës është në Kosovë dhe institucionet e saj – mirëpo përkundër vullnetit të mirë të zyrtarëve kosovarë, ata nuk janë të gatshëm të shfrytëzojnë mundësinë që u janë ofruar.

Hooper: Beogradi luan rolin e shkatërrimtarit në Kosovë F.1112124659994_m

Hooper: Beogradi luan rolin e shkatërrimtarit në Kosovë F.1112124659994_m

“Unë mendoj se liderët kosovarë ua kanë shtrirë dorën atyre, por problemi nuk qëndron te zyrtarët kosovarë. Problemi qëndron te vetë serbët e Kosovës, mosgatishmëria e tyre për të shfrytëzuar shumë nga mundësitë që u janë ofruar. Kjo, për faktin se Beogradi vazhdon të luajë rolin e shkatërrimtarit në këtë proces”, ka thënë Hooper në një intervistë për Radion Evropa e Lirë.

Në fakt, sipas tij, serbët e Kosovës, nëse shikohet ana praktike, marrin shumë pak nga Beogradi, ndërkohë që e ardhmja e tyre në Kosovë mund t’u ofrojë shumë më shumë, duke qenë pjesëtarë besnikë dhe të respektuar të komunitetit kosovar.

“Problemi gjithashtu qëndron te ndërkombëtarët; ata vazhdimisht e kritikojnë Beogradin për nxitjen e bojkotit, por, në fakt, Beogradi asnjëherë nuk e paguan çmimin. Kjo është me të vërtetë për keqardhje. Beogradi vazhdon të dalë i palagur nga ky rol prej shkatërrimtari dhe këtu në të vërtetë ka faj Bashkimi Evropian”, ka thënë ai.