Pack: PE do të diskutojë edhe për Kosovën

nga *lissa* Wed Nov 11, 2009 11:20 am

Eurodeputeja gjermane, Doris Pack ka thënë se Parlamenti Evropian gjatë diskutimit të sotëm për heqjen e vizave për Maqedoninë, Serbinë dhe Malin e Zi – do të diskutojë edhe për mundësinë e heqjes së vizave për Kosovën.

“Po, në Rezolutë për këtë çështje janë të përfshirë edhe disa pasus për Kosovën. Besoj se të gjithë eurodeputetët janë në gjendje të vlerësojnë me vërtetësi situatën dhe zhvillimet në Kosovë ku janë bërë përparime të dukshme, prandaj Kosova nuk mund të lihet pas dore dhe jashtë procesit të liberalizimit të vizave”, ka thënë Pack në një intervistë për Radio Kosovën.

Megjithatë, ka shtuar ajo, “më duhet të them se në Kosovë ka disa probleme më shumë se vendet e saj fqinje për shkak të pavarësimit para pak kohe”.

Pack e cila me një grup parlamentarësh evropianë do të vëzhgojë zgjedhjet lokale që mbahen të dielën në Kosovë – ka thënë po ashtu se, është me shumë rëndësi që këto zgjedhje të mbahen të qeta dhe të zhvillohen sipas rregullave demokratike.

nga MiTi Wed Nov 11, 2009 11:33 am

ishalla be por po m duket veq llafe po jan keto se kurgju hiq mir diqka

Pack: PE do të diskutojë edhe për Kosovën

Pack: PE do të diskutojë edhe për Kosovën

Re: Pack: PE do të diskutojë edhe për Kosovën