IKSHP: Të raportohet mungesa e nxënësve në shkolla

nga *lissa* Sat Nov 07, 2009 1:12 pm

Drejtori i Institutit Kombëtar të Shëndetësisë Publike (IKSHP) Naser Ramadani, i ka dërguar një shkresë Ministrit të Arsimit , Shkencës e Teknologjisë, Enver Hoxhaj, që të urdhërojë të gjithë përgjegjësit e institucioneve shkollore në Republikën e Kosovës, që të përcjellin mungesën e nxënësve nëpër shkolla dhe të raportojnë në IKSHP në baza ditore.

IKSHP: Të raportohet mungesa e nxënësve në shkolla F.1107140933402_m

IKSHP: Të raportohet mungesa e nxënësve në shkolla F.1107140933402_m

Po ashtu, IKSHP ka kërkuar që të gjitha institucionet shkollore të bëjnë dezinfektimin e shtuar të gjitha sipërfaqeve dhe nyjave sanitare në shkolla.

Ky indikator për ekspertët e Institutit Kombëtar të Shëndetësisë Publike, është bazë solide për të prognozuar ecurinë e gripit pandemik A H1N1 dhe njëherësh bazë e sigurt shkencore për t’iu rekomanduar në ditët në vijim për nevojat eventuale të ndërprerjes së përkohshme të mësimit në shkolla, thuhet në një komunikatë të Ministrisë së Shëndetësisë.

Këto rekomandime të IKSHP-së vijnë duke pasur parasysh grumbullimin e madh të nxënësve në shkollat fillore dhe të mesme të Republikës së Kosovës dhe situatës epidemiologjike në Kosovë, në përgjithësi, e në veçanti problematikës së masave parandaluese të pandemisë së gripit të ri A H1N1.