Kurti: Podgorica dhe Prishtina po e fshehin çështjen e kufirit

nga blina-- Tue Jan 19, 2010 5:55 am

Kurti: Podgorica dhe Prishtina po e fshehin çështjen e kufirit

Lideri
i Vetëvendosjes Albin Kurti ka deklaruar se Qeveria e Malit të Zi dhe
ajo e Kosovës synojnë të fshehin nga opinioni çështjen e përcaktimit të
kufirit ndërmjet dy vendeve.

"Mendoj se Podgorica dhe
Prishtina zyrtare po përpiqen që çështjen e kufirit ta mbajnë larg
opinionit. Nuk bëhet fjalë vetëm për përpjekjen që të përjashtojnë
qytetarët nga procesi i përcaktimit të kufirit, por edhe të fshehin
informatën nga ata. Qeveria malazeze nuk dëshiron që Beogradi zyrtar
dhe partitë proserbe në Mal të Zi tek ata të shohin si dikë që
bashkëpunon me Kosovën, ndërsa Qeveria e Kosovës nuk do që qytetarët ta
shikojnë sesi tjetrit ia jep territorin e saj", ka thënë Kurti për
gazetën malazeze "Vijesti".
Postuar: 13:11 / 19 Janar 2010 | RSS