Nëse ke mundësi të më përgjigjesh në katër pyetje, unë jam e jotja

Është treguar se kur Rabie el-Adewijes i kishte vdekur burri, Hasan el-Basriu dhe shokët e tij kërkuan leje për ta vizituar atë.

Ajo dha leje që të hyjnë brenda dhe e lëshoi një perde dhe u ulë prapa saj. Hasani dhe shokët e tij thanë,



"Ty të ka vdekur burri. Ti duhesh ta kesh dikë që ta zëvendësoj atë.""Në rregull," tha ajo, "por cili prej juve ka më së shumti dituri, në mënyrë që të martohem me atë?"
"Hasan el-Basriu," than ata...!





"Nëse ke mundësi të më përgjigjesh në katër pyetje, unë jam e jotja," ajo i tha Hasanit.




"Çka thua për këtë," pyeti ajo, "kur të vdes dhe ta lë këtë botë, a do ta lë me besim apo jo?"

"Kjo është çështje e të padukshmes, dhe askush se din të padukshmen përveç Allahut."

"Çka thua për këtë, atëherë? Kur të vendosem në varrë dhe Munkiri dhe Nekiri më pyesin mua, a do të kem mundësi ti përgjigjem atyre apo jo?

"Kjo është çështje e të padukshmes, dhe askush se din të padukshmen përveç Allahut," iu përgjigj Hasani për herë të dytë.

"Kur njerëzit të tubohen në Ditën e Ngritjes dhe librat shpërndahen, a do të më jepet libri im në dorën time të djathtë apo në dorën e majtë?"

"Edhe kjo njashtu është çështje e të padukshmes, dhe askush se din të padukshmen përveç Allahut," erdhi përgjigja.

"Kur të thirren njerëzit: Një grup për në Xhenet dhe një grup për në Zjarr!, në cilën prej këtyre dy grupeve do të jem unë?"

"Kjo është çështje e të padukshmes, dhe askush se din të padukshmen përveç Allahut," iu përgjigj Hasani për herë të katërt dhe të fundit.

"Si ka mundësi atëherë, për dikën i cili vuan prej brengës së injorancës rreth këtyre 4 gjërave të mendoj për martesë," tha ajo.

"O Hasan," vazhdoi ajo, "në sa pjesë Allahu e krijoi intelektin."

"Në 10 pjesë: 9 për burrat dhe 1 për gratë."

"O Hasan," vazhdoi ajo, "në sa pjesë Allahu e krijoi apetitin."

"Në 10 pjesë: 9 për gratë dhe 1 për burrat."

"O Hasan," ajo tha përfundimisht, "Unë kam mundësi ti përmbaj 9 pjesë të apetitit me 1 pjesë të intelektit ndërsa ti nuk ke mundësi që ta ruash 1 pjesë të apetitit me 9 pjesë të intelektit!" Pas kësaj Hasani qau dhe e braktisi atë.