" Mjekësi Alternatiwe "

nga *lissa* Wed Jan 06, 2010 8:36 am

Mandarina për mëlçinë

Lehtëson dhimbjet, ndihmon në tretje dhe ka cilësi imunitare.Kujdes
në ruajtjen e mandarinave. Mandarinat nuk ruhen për shumë kohë, sepse
thahen dhe mblidhen nga brenda. Ruajini në ndonjë vend që ajroset
(brenda ose jashtë frigoriferit) dhe mos i mbyllni në qeska, sepse
prishen më lehtë.
" Mjekësi Alternatiwe " Mandarin1

Çfarë është: Mandarina (Citrus reticulata) i përket
familjes së agrumeve. Është e njohur për aromën e saj të pasur. Ka
shumë varietete të saj, me forma dhe madhësi të ndryshme.

Mjekësia tradicionale: Ky frut ka një histori të gjatë
në mjekësinë tradicionale kineze. Dikur përdorej për terapinë e
dispepsisë (probleme në tret jen e ushqimeve), të diarresë, kundër të
vjellave dhe çrregullimeve gastroenterike. Për më tepër, konsiderohej
ilaçi ideal për lemzën, kollën dhe kongjestionin (rritjen e qarkullimit
të gjakut).

Çfarë mbështesin të rejat e fundit: Sipas një studimi
japonez, mandarina zvogëlon shfaqjen e kancerit të mëlçisë. Siç
mbështesin specialistët, sekreti, fshihet tek lloj lënde, beta-karoten,
e cila i jep frutit ngjyrën karakteristike portokalli. Më saktë,
studiues të Spitalit Universitar të Kiotos vendosën nën vëzhgim
mjekësor 75 pacientë me hepatit (pezmatim të mëlçisë), sëmundje që rrit
mundësitë e shfaqjes së kancerit së mëlçisë. 30 prej tyre pinin çdo
ditë, për një vit, pije që përmbante beta-karoten dhe lëng mandarine,
ndërsa 45 të tjerë nuk e konsuamuan. Pas 12 muajve, specialistët panë
se, tek asnjë pacient i grupit të parë, nuk u dallua kancer në mëlçi,
në kundërshtim me atë të grupit të dytë, ku 8,9% e tyre shfaqën këtë
lloj forme kanceri. Sigurisht, studiuesit theksojnë se, kërkohet më
tepër studim për nxjerrjen e rezultateve më të sigurta.

" Mjekësi Alternatiwe " Mandarin2

Për çfarë tjetër është mirëbërëse: Përmban Vitaminën C, flaonoide, acide, kalium, magnez dhe Vitaminat B1,B2, B3.
Ajo qetëson nga dhimbjet, vepron kundër diarresë dhe këlbazës, ndërkohë
që është ideale edhe për përballimin e të vjellës mëngjesore (është e
sigurt gjatë shtatzënisë). Vaji i saj ndihmon në raste të të rrahurës
së shpejtë të zemrës dhe të tensionit të lartë të gjakut, ndërkohë që
është edhe tonifikues.

Kujdes! Lëkura e saj mund të shkaktojë reaksion alergjik, i cili shfaqet me teshtitje, kollë dhe shqetësim në kraharor.

Për ngërçet: Shtoni ujin e nxehtë të vaskës 2 pika vaj
mandarine, 3 pika vaj manxurane dhe 2 pika vaj kamomili. Shijojeni këtë
banjo qetësuese çdo mbrëmje për 15 sekonda.

nga *lissa* Wed Jan 06, 2010 8:36 am

Akupunktura

Akupunktura, apo akupunkturologjia,
është shkencë që merret me regjistrimin dhe studimin e informacioneve
të cilat organi i sëmurë i jep në sipërfaqe dhe pika të caktuara.
Secili organ ka pikat e veta. Ndryshimet në këto pika tregojnë dhe
informojnë për ndryshime funksionale në organizëm. Këto pika shërbejnë
edhe për diagnostifikim, por edhe për terapi.Dr.Rabit Sadiku PhD
Akupunkturolog
Akupunktura ngrit rrjedhën energjetike në organizëm dhe e drejton
kah vendi i sëmurë. Në mënyrë shkencore është vërtetuar se organizmi i
njeriut prodhon materie mbrojtëse që kanë veprim të ngjashëm me
morfiumin. Këto janë endorfinet dhe enkafalinet.
Ç’kuptim ka fjala” akupunkturë “? Nocioni “akupunkturë” rrjedhë nga
fjala latine: ”acus”, që në shqip do të thotë: gjilpërë dhe “pungure”,
që në shqip do të thotë: therrje, shpim. Me akupunkturë futet në
funksion fabrika e barërave në organizëm. Këto janë substanca të
ndryshme biologjike që tajohen; vetëm sistemi nervor ka 70 “barëra’ të
tilla që na shërbejnë për luftë kundër sëmundjeve.
Sipas akupunkturologjisë, gjithçka është në ne: prejardhja, rrënjët
e sëmundjes dhe mënyra e luftës kundër sëmundjeve. Nevojitet një dituri
dhe një kujdes i veçantë për ti stimuluar me gjilpëra speciale
“barërat”, respektivisht pikat e stërmësuara, të vërtetuara me mijëra
vite, të cilat janë të lidhura ngushtë për organin e sëmurë- rruga e
shërimit dhe suksesi është i sigurt.
" Mjekësi Alternatiwe " Akupunkt1

Sëmundjet që shërohen me akupunkturë:
-Kokëdhembjet (migrena)
-Paralizat e ndryshme
-Sëmundjet reumatike
-Ishiasi
-Lumbago
-Alergjitë
-Astma
-Pagjumësia
-Urinimi te fëmijët gjatë natës
-Sëmundjet e lëkurës
-Trashësia (zvogëlimi i peshës trupore)
-Kozmetikë (mënjanimi i njollave, rrudhave)
-Probleme të ndryshme shëndetësore

Kinezët besojnë se energjia vazhdimisht rrjedhë nëpër trupin e njeriut.
Kjo është substancë themelore që mban vasionin dhe se të gjitha
fenomenet u krijuan me ndryshimet dhe lëvizjet e energjisë (chi-ut).

Shprehja “Chi”, në mjekësinë tradicionale kineze është substanca
esenciale e trupit të njeriut që mbanë aktivitetet dhe funksionet
vitale të Zang fu organeve dhe indeve. “Chi-u” është shumë i rrallë dhe
i hollë, sa që nuk mund të shihet. Ai manifestohet në funksionet e
“zang fu” organeve. Të gjitha aktivitet vitale të trupit të njeriut
janë si sqarim i ndërrimeve të lëvizjes së “chi-ut”.
“Chi-u”, si energji jetësore është universale dhe gjithmonë i
pranishëm. Nëse lëvizja e “Chi-ut” pushon, vjen vdekja. “Chi-u”
gjithmonë krijohet dhe shfrytëzohet për trup të njeriut.
Ai, stimulon të gjitha qelizat dhe indet e gjalla të njeriut dhe
bënë lidhjen me gjithësinë. Është forcë e padukshme që i vënë në
lëvizje të gjitha aktivitetet jetësore. Nuk mund të shihet e as të
matet, por mund të preket me puls në arterien radiale.

“Chi-u”, apo energjia bënë një cikël për 24-orë. Procesi jetësor
aktivizohet dhe mbahet me energji, apo “chi” me forcë vitale. Ligji i
natyrës krijohet me veprimin e kësaj energjie vitale. P.sh. ritmi ,
perioda, polarizimi dhe depolarizimi. Trupi i njeriut para lindjes ka
energji të caktuar.

Kjo energji përfundimisht është: (të themi x +y). Energjia rrethuese
interne nuk mund të krijohet e as të eliminohet, vetëm se mund të
bartet prej një vendi në vendin tjetër.
Ajo mund të shpenzohet me aktivitete të përditshme të trupit të
njeriut dhe grumbullohet me ushqim dhe ajër të freskët. Kur shpenzimi
dhe rritja e energjisë është në kufi, vazhdon rritja e rregullt dhe
shëndeti i mirë. Ndryshimi shkakton shëndet jo të mirë, ndërsa mungesa
e energjisë shkakton vdekjen.

Teoritë shkencore mbi Akupunkturën

Teoria neurologjike apo teoria e rregullimit të dyerve
Këtë teori e formuluan më 1965 Ronald Melzac nga universiteti Mc
Gill në Montreal dhe Partik.D. Ëall nga kolegji i universitetit të
Londrës. Sipas tyre të gjitha impulset e dhembjes i drejtojnë,
modulojnë, modifikojnë dyert funksionale të vendosura në substancën
gelatinoza në palcën kurrizore.
Në kushtet normale këto dyer janë të hapura duke i lejuar impulseve
hyrje të lirë. Kështu që impulset vijnë deri në palcën kurrizore,
përmes rrënjëve të nervave posterior. Pas dyerve impulset e dhembjes
kalojnë në anën e boshtit kurrizor që shkojnë si rrugë spinotalamike
deri te talamusi dhe më tej deri te rrënjët e palcës.
Në këtë mënyrë pacienti ndien dhembje. I tërë procesi është
afatshkurtër sepse impulsi i dhembjes ka shpejtësinë prej një metri në
sekondë. Pas aplikimit të gjilpërave shfaqet tjetër rreth i impulseve
senzorike. Këto impulse nuk shfaqin dhimbje për nga karakteri dhe
udhëtojnë përgjatë fijeve të trasha më shpejt, me shpejtësinë prej 120
metra në sekondë.
Dy drejtime të impulseve lajmërohen në të njëjtën kohë në dyer
funksionale. Reaksion i menjëhershëm është mbyllja e dyerve që shkakton
rritjen e shkallëzimit të dhembjes, dhe se nuk ndihet asnjëfarë dhembje.
" Mjekësi Alternatiwe " Akupunkt3

Teoria e integrimit talamik
Pasi që” supstantia gelatinoza” nuk mund të modifikoj impulset e
dhembjes që fillojnë në fytyrë dhe kokë, dyert alternative kanë qenë
zgjedhje natyrore, sqaroi P.L.Man dhe C.H.Chen duke vërtetuar për dy
dyer funksionale më 1972.
Changu nga Instituti i Shangajit për fiziologji formuloi teorinë e
katër dyerve që është e njoftuar si teoria integruese talamike. Sipas
teorisë së Prof. Changut palca kurrizore, palca e rrënjës dhe talamusi
janë të lidhura me mekanizmat inhibues në mes impulseve të ndryshëm që
arrijnë nga vendi i dhembjes dhe pika e punktimit.
Teoria e ndalimit të rrethit të korës së trurit
Këtë teori e lansuan shkencëtarët nga ish- BRRS. Ata vërtetuan se
kur bëhet punktimi i trupit të njeriut formohet një ndjeshmëri në një
pikë që është e prezantuar në kore të palcës.
Ky aksion shkakton ndalim në sipërfaqe të kësaj pike duke rezultuar
me analgjezion në regjionin e caktuar p.sh. Hegu (L I 4) shkakton efekt
analgjetik nëpër fytyrë dhe gishtin e madh, për atë arsye se fytyra dhe
gishti janë të afërta në hemisferën trurore.
Teoria refleksive e Felix Mannit
Kolegji Felix Mann i Universitetit të Londrës vërtetoi se nëse
organi i brendshëm mund të tregojë pasqyrën e vet në sipërfaqe
(ndjeshmëria në supin e djathtë të holicistisi apo ndjeshmëria te pika
a Mac-Barijevit të apendiciti) Sipas tij akupunktura vepron, në
brendësi, me ndihmën e reaksioneve refleksive të veçanta të quajtura
refleksat “kutano-visceral”.
" Mjekësi Alternatiwe " Akupunkt2

Teoria e lirimit të endorfinës
Brus Pomerans, profesor i neurologjisë në universitetin e Torontos,
shpjegon efektin analgjetik të akupunkturës që vjen prej lirimit të
hormonit të endorfinit pas punktimit me gjilpërë.
Endorfini është neuropeptid veprues dhe si morfin ka tendencë të
lidhjes me receptorë të qelizave të dhembjes në sistemin nervor. Për
këtë arsye ka veti të forta analgjetike. Rolin e endorfinës në
mekanizmin e rregullimit të barërave kështu e shpjegon Prof.
Pomeransi:kur injektohet morfiumi, hipofiza ndërprenë prodhimin e
endorfinit (pasi që endorfini është i ngjashëm me morfiumin për nga
natyra si substancë).
Trupi i njeriut nuk dëshiron shumë substanca të tilla dhe e
ndërprenë prodhimin. Kur ndërprehet injektimi me morfium në të njëjtin
moment njeriu kalon në gjendje të tërheqjes, sepse trupi i tij nuk
prodhon endorfin.
Duhet kohë e caktuar që trupi(hipofiza) marrë prodhimin. Gjatë kësaj
periode pacienti e ndien veten jo këndshëm. Endorfini përgatitet në
mënyrë sintetike jolaboratorike por për fat të keq është shumë narkotik.
Anestezioni me akupunkturë mund të tregohet në bazë të lirimit të
endorfinit. Anestezioni me akupunkturë bëhet i paefektshëm nëse para
bëhet injektimi me nalorfin që bllokon qelizat nervore që të mos
pranojnë endorfinin.
Megjithatë , nëse pas anestezionit me akupunkturë bëhet injektimi
nalorfin anestezioni me akupunkturë është i efektshëm. Heqja e
hipofizës që e krijon endorfinen gjithashtu e bënë anestezionin me
akupunkture të pa efektshëm që: d.m.th. nuk vjen deri te prodhimi i
endorfinit.
Ekzistojnë edhe shumë teori te tjera.

nga *lissa* Wed Jan 06, 2010 8:36 am

Meditimi: parajsa e mendjes

Një dhomë vetëm për
ne. Brenda vetes, aty ku mund të qëndrojmë, të marrim frymë, të
pushojmë dhe të largojmë mendimet. Kjo është më e bukura e meditimit.Përse
nisim diçka edhe pastaj e lemë përgjysmë? Vendosim të qëndrojmë me
veten dhe në momentin e fundit ndryshojmë mendje: dalim për shoping,
ose në diskotekë. Pastaj ato bisedat me miqtë? Meditimi? Po ne s'kemi
kohë për të marrë frymë. Vrapojmë gjithë ditën, fëmijët, shkolla,
kopshti, punimet e shtëpisë së re, oraret e punës dhe të tjera orë
jashtë orarit, etj, etj.
Pastaj, "mos ndoshta na duhet një dhomë e veçantë për të medituar,
ose për të praktikuar joga, jo, jo është e pamundur, nuk kam kohë për
këtë gjë". E
h, nuk është e lehtë të mësohesh me veten, t'a durosh edhe t'a
mësosh të përballojë të tjerët. Ka nga ata që e kanë praktikuar
meditimin përreth 25 vjet rresht, ndonjëherë një herë në javë dhe
ndonjëherë një herë në muaj, pak a shumë një llogari që të çon në
numrin 100 të meditimit.

Kohë për qetësi

Zakonisht sallat e meditimit janë estetikisht të bukura, me
llambadarë antikë dhe kolltukë të zinj, origjinalë dhe absolutisht
simetrikë me njëri-tjetrin. Ushqej një admirim të veçantë për gjithë
këtë atmosferë- thotë Arnesa 33 vjeç, por ndiej një lehtësim kur
kujtoj herën time të parë të meditimit, si nisi e gjithë kjo: e vetme,
në një hapësirë që quhet kuzhinë, ulur në dysheme së bashku me miken
time, duke parë nga dritarja tarracën time me lule dhe shumë ngjyra.
U ngrita dhe u mbështeta tek parvazi i ballkonit duke parë gjithë
kohën lulet dhe njerëzit nga kati i i 6-të. Vendosa që ç'do javë të
bëja këtë "qëndrim" në tarracën time me shumë ngjyra, vetëm, ose me një
mike. Gjatë këtyre dy viteve të meditimit autoemocional ka ndodhur me
mua diçka origjinale dhe autentike: kam filluar një raport intim me
veten dhe mendjen time.
Ndoshta për këtë arsye do të doja tu jepja një këshillë: nëse vërtet
keni ndonjë farë interesi për meditimin, edhe sikur të jetë një dëshirë
e fshehtë brenda jush, provojeni, përherë ka një herë të parë.
" Mjekësi Alternatiwe " Meditimi1_Veer

Ku të çon meditimi?
Njëra nga përparësitë e meditimit është se bëhet fjalë për një
praktikë të thjeshtë që të çon përherë diku. A ka një stol në rrugën
pranë shtëpisë suaj? Ndoshta edhe ajo që ndodhet në stacionin e linjës
urban. Uluni dhe si fillim kaq mjafton. Nëse nuk doni të uleni atëherë
qëndroni në këmbë.
Ajo që duhet bërë është të qëndroni, një çast, vetëm për pak. Merrni
frymë thellë. Shikoni qiellin, gjithë sa ndodhet jashtë jush, është
edhe brenda jush. Nëse arrijmë një frymëmarrje të thellë, atëherë
gjithë forca e gravitetit do të jetë tek përqendrimi i mendimeve tona.
Mendimet brenda vetes nuk mund të jenë negative, madje mund të jenë të
vlefshme.
Edhe nëse një ditë të mërkure dentisti është me vonesë dhe ju
rrezikoni një tjetër takim të rëndësishëm pas tij, çfarë mund të bëni?
Shfrytëzojeni këtë vonesë për veten tuaj. Qëndroni në karrige pa patur
asnjë send pranë vetes. Pastaj afroni duart pranë trupit duke u
përpjekur t'i lini të lira, përqendroni vështrimin në një pikë dhe
qëndroni palëvizur.
A e ndjeni efektin e të qenit "i palëvizur"? Ndonjëherë njerëzit
mendojnë se duke qëndruar i palëvizur mund të shkosh menjëherë në
"parajsë" edhe të ndjesh ndryshimin e madh të meditimit dhe qëndrimit
me veten. Shoqëria jonë është e prirur drejt lëvizjes dhe ndryshimit,
prandaj e ka shumë të vështirë të pranojë qëndrimin në një vend, idenë
e palëvizshmërisë.
Mos prit që duke u ulur të mund të qëndrosh edhe të zgjidhësh
gjithçka. Nëse qëndron në një vend dhe pa lëvizur atëherë mund t'i
falësh vetes mundësinë e jashtëzakonshme të afrimit me mendjen, pa
patur dëshirë të kërkosh diçka diku tjetër.
" Mjekësi Alternatiwe " Meditimi2_Veer

Eksperienca dhe përjetime
Laura tregon se "Kur fillova seancat e mia të meditimit, kishin
nisur zënkat e para me të fejuarin tim. Në momentin që përpiqesha të
thoja se duhet të qetësohesha, më vinin në mendje fjalët: E urrej,
duhej të ishte ai që të lante pjatat! Në këtë moment mendja ime ishte e
gatshme të shkonte në gjithfarë drejtimi, por unë përpiqesha të
përqendrohesha në frymëmarrjen time.
Pastaj gjendesha sërish duke menduar për pjatat e palara në lavaman.
Rreth 40 minuta meditimi vazhdonte lufta ime. Pastaj i thoja vetes se
do të ishte më mirë nëse do të shkoja edhe t'i thoja direkt atë që
mendoja. Në ato minuta qëndrimi meditimi arrija të kuptoja se duke
qëndruar e palëvizur jo vetëm që shtoja kontradiktat mes qëndrimit tim
dhe mendjes së mbushur plot me urrejtje, por njëherësh po bëja të
mundur një luftë të vërtetë brenda vetes sime".
Kjo situatë ishte bërë e përditshme. Në momente të caktuara ajo
mendonte se nuk do t'ia dilte dot. Tregon se "e qartë se të qarat e mia
ishin duke u shtuar, por njëherësh e kuptoja se nuk ndodhesha më në
kuzhinë. Pjatat e palara nuk ndodheshin më përpara meje dhe mendoj se
ishte mendja ime ajo që i bënte më shumë pis se ç'ishin në të vërtetë.
Në përgjithësi ndodhte ajo që mendja ime i kalonte kufijtë e
kontrollit. Kështu që duke u larguar nga vendi që më bënte të ndjehesha
keq, arrija të kisha kontroll mbi veten time.
Pastaj jeta filloi të bëhej më shumë e komplikuar edhe unë e kisha
të vështirë të përqendrohesha tepër në dëshirat e mia. Fillova të
eksperimentoj mjegulla të urrejtjes, tërmete dashurie dhe humnera
pakënaqësie. Isha e turbulluar nga jeta dhe vdekja".
Si arriti Laura të reagojë ndaj këtyre mendimeve? Duke menduar më
shumë, duke fantazuar më tepër. Duke e lënë veten të lirë, por së
bashku me frikën nga ato që kishte ose nuk mund të kishte brenda vetes,
nga ajo që quhet mbushje dhe plotësi e vetvetes. I
shte duke luftuar mes mendimeve dhe boshësisë. Por ishte gjithmonë
diçka që e shtynte të ecte përpara. Laura thotë se "Ndjehesha mirë në
lëkurën time, shumë afër jetës sime dhe për pasojë edhe jetës së të
tjerëve.
Meditimi është një praktikë që sjell një formë energjie. Këshilla e
vetme që mund t'ju jap është t'a merrni lehtë dhe shtruar si një
zgjidhje të jetës. Një monark i jashtëzakonshëm japonez më pyeti
njëherë: Çfarë zhurme sjell rrahja e një dore të vetme? Bëjani këtë
pyetje vetes, orë pas ore dhe ditë pas dite, në momentet e jetës suaj
të përditshme. Nëse e kërkoni përgjigjen me zemër të pastër, me kalimin
e kohës do të shihni se do të shkoni shumë larg".
" Mjekësi Alternatiwe " Meditimi3_Veer

Çfarë ndodh në mendjen tonë kur mendojmë?
Doktorë dhe psikologë të Harvard Medical School analizojnë problemin
për rreth 35 vjet dhe arrijnë në përfundimin se meditimi stimulon
prodhimin e oksidit të azotit, një farë neuro transmetues që ndërpret
aktivitetin e adrenalinës (hormon i shkaktuar nga stresi që bën të
mundur rritjen e të rrahurave të zemrës kur ndodhemi në një gjendje
jashtë kontrolli).
Janë bërë teste të ndryshme me njerëz që meditojnë dhe jo-meditues.
Është parë se jo vetëm ata që meditojnë mund të kenë njëfarë çlirimi,
por edhe ata që praktikojnë yoga, ose mësime kanto. Një praktikë e
tillë mund të sjellë disa ndryshime biofizike që mund t'i rezistojnë
kohës.

nga *lissa* Wed Jan 06, 2010 8:37 am

Probleme me kurrizin

Vërtetë pak kush mund të
besoi se astma dhe problemet paramenstruale mund të janë për shkak të
qëndrimit, (shtrembërimit) të trupit. Në rast se kur kurrizi
"çmontohet", është tejet e mirëseardhur ndihma e kiropraktikut, i cili
i kthen unazat dhe nyjet, lidhëset e kurrizit në vendin e vet.Ferid & Dijana Nahi “Advent”
Tel. 044 / 180 052
feriddijana_nahi@hotmail.com
KIROPRAKTIKA është e bazuar në mënyrë shkencore se
sistemi nervorë udhëheq dhe koordinon të gjitha funksionet në trupin
tonë. Qëndrimi i gabueshëm, muskujt e dobëta për shkak të mungesës së
ushtrimeve, ushqimi jo i duhur, lëndimet fizike, shtrati tepër i butë
apo stresi, madje edhe njëra prej këmbëve më të shkurta që mund ta
kemi, mund të jenë ndonjëra nga arsyet e qëndrimit të keq apo të gabuar.
" Mjekësi Alternatiwe " Kiro4

Kiropraktika nuk fokusohet vetëm në pjesën e trupit i cili na dhemb
për momentin, por shqyrton tërë organizmin se në çfarë gjendje gjendet.
Të themi më thjesht, të paramendojmë se si nga kurrizi degëzohen nervat
të cilat shkojnë nga çdo organ vital në trup në dy drejtime. Dhe nëse
një nerv i tillë thjesht “zihet pick” do të vjen gjer te përflakja në
atë vend, do të lajmërohen dhimbjet dhe do të durojë organi nga i cili
shkon ai nerv, sepse thjesht nuk ka mjaft furnizim.

Kokëdhembja, probleme me sinus, pagjumësia, lodhja kronike, dhimbjet në
vesh, neuralgjia, aknet, ethet virusiale, angina e fytit, aritmia e
zemrës, bronkitisi, vështirësitë me lukthin, tensioni i ulet, anemia,
të thatët në vende të ndryshëm, reumatizmi, ishijasi, problemet me
porrcin, qesen e urinës, qarkullimi i dobët në këmbë, hemorroidet,
kruarja, dhimbjet në “bishin” e kurrizit ne rast të uljes në karrige...
të gjitha këto sëmundje mund të bëhen për shkak të problemeve me kurriz.

" Mjekësi Alternatiwe " Kiro1

“Hekurosja e kurrizit”

Kiropraktiku bënë palosjen, vendosjen në vend të nyjeve të cilët janë
“çmontuar” kanë lëviz apo lëvizja iu ka bërë e kufizuar. Lëndimet e
qelizave mund të bëhet për shkak të ndonjë fatkeqësie, ngritjes jo të
rregullt të ndonjë mjeti të rëndë, stresit, qëndrimit jo të drejtë, dhe
uljes së gjatë në karrige. Kjo qelizë e dëmtuar është e nënshkruar
ndryshimeve fizike dhe kimike të cilat do të shkaktojnë përflakjen,
dhimbjen si dhe lëvizjen e kufizuar të personit. Çlirimi i “zënë pick”
i nervit, kthimi i kurrizit në pozitë të duhur do të mundësoi që të
shëroheni. Pas intervenimit të kiropraktikut, pacienti nganjëherë mund
të një ndryshim të konsiderueshëm që mund të zgjasë 1 – 2 orë.

" Mjekësi Alternatiwe " Kiro2

Si ndihmon kiropraktika?

Kiropraktika më së shpeshti përdoret që të mënjanohen dhimbjet në:

* qafë dhe krahë
* tendosja dhe dhimbjet në muskuj
* lëvizja e zvogluar
* kokëdhimbjet për shkak të pjesës qafore të kurrizit
* dhimbjet neurologjike në duar dhe këmbë
* diskopatia
* ishijasi dhe lumbago
* kokëdhimbja e përcjellur me marramendje dhe turbullime
* skolioza dhe kifoza (zakonisht ndodh për shkak këmbës më të shkurtë, e cila edhe nuk vërehet në shumicën e rasteve)
* dhimbjet kur jemi në pozitë të ulur
* dhimbjet në pjesën e poshtme të kurrizit.

Vizita e parë te kiropraktiku

Pacienti i cili për të parën herë shkon tek kiropraktiku, është e
dëshirueshme që me vete të merr incizimet e rëntgenit të kurrizit.
Mjeku në bazë të gjendjes së pacientit dhe kontrollit të nënshtruar do
përcaktojë terapinë e mëtutjeshme. Kiropraktiku do të mund të shëron të
gjithë personat që kanë probleme me kurrizin – duke filluar nga
fëmijët, gratë shtatzëne dhe gjer tek më të moshuarit.

" Mjekësi Alternatiwe " Kiro3

Mënyra e shërimit

Në fazën e parë të deformimit, boshti kurrizor ndryshon pozitën e vet
edhe pse ndryshimi në mes të disqeve mund të jetë normal. Në fazën
fillestare të ndryshimit degjenenerativ, ndryshimi i nervave të
qelizave do të bëhet i ndjeshëm andaj qëllimi i kiropraktikut do të
jetë që me kthimin e kurrizit në pozitë normale ta çliroj shtypjen në
nerv, e cila ka ardhur për shkak të pozitës keqe të disqeve. Varësisht
nga gjendja në të cilën gjendet pacienti terapia mund të zgjasë 3 – 4
javë.

Në fazën e dytë, vazhdon deformimi i kurrizit me lëvizjen e disqeve. Me
përparimin e ndryshimeve degjeneruese vjen deri tek atrofia e nervave.
Tek këta pacientë kiropraktiku duhet që boshtin kurriz ta kthej në
pozitën normale, nervat e tendosur t’i qetëson, të kthejë qarkullimin e
gjakut, kurse muskujve, tetivave dhe ligamenteve tua kthejë fuqinë dhe
simetrinë. Gjithashtu, terapia mund të zgjasë 3 – 4 javë, varësisht nga
gjendja e pacientit.

" Mjekësi Alternatiwe " Kiro5

Në fazën e tretë degjenerative të kurrizit, paraqitet lëvizja e
disqeve. Përparon ngjitja e disqeve dhe vjen gjer tek atrofia e qelizës
së nervit. Kur fillon fazë e sëmundjes, caku i kiropraktikut është që
të rimëkëmbë shëndetin e boshtit kurrizor, që të ndalon problemet e
tjera shëndetësore dhe në mënyrë maksimale që të përmirëson gjendjen e
pacientit. Terapia zgjatë aq sa pacienti është i gatshëm t’i kushtohet
shëndetit të tij.

nga *lissa* Wed Jan 06, 2010 8:37 am

Tretmane fytyre me ari

Krejt çka lëkura kërkon:
freskinë, fortësinë dhe vitalitetin, mund ta realizoni përmes tretmanit
me ari. Ari, ju sjellë eliksirin e bukurisë dhe freskinë rinore...Dr.Rabit Sadiku PhD
Akupunkturolog
Tretmani me ari 24 karat – UMO
Një nga tretmanët më të kërkuara super luksoze është tretmani me ari
të pastër 24 karat. Fytyra do të mbulohet me fletëza ari, qëllimi është
që lëkura e lodhur të thithë përmbajtjen e këtij metali të çmuar.
Tretmani deri më tani është aplikuar vetëm në SHBA dhe Japoni. Këtë
tretman për herë të parë mund ta shijoni edhe në Kosovë-Gjilan në
AKU-CENTER që njëherë është edhe distributor i autorizuar për prodhimet
e Kompanisë së njohur Japoneze UMO.
" Mjekësi Alternatiwe " GOLG_treatmans

Tretman fytyre me ari
Vitet e fundit yjet e Hollivudit po përdorin tretmane për fytyrë me
ari. Ajo që është interesante është se aplikimi i metaleve apo i arit
për qëllime bukurie, ishte i njohur edhe gjatë dinastisë Ming. Shumë
perandorë kinezë kanë përdorë arin për mirëmbajtjen e lëkurës. Yjet
botërorë si Sophia Loren dhe Ketrin Denev, u kthyen në traditën e
vjetër të mjekësisë kineze duke përdorur kremra me përmbajtje të arit
të pastër 24 karat dhe kështu kanë ruajtur bukurinë dhe rininë e tyre.
Ekspertët besojnë se tretmani me "ari" është një arritje në kozmetikë
dhe estetikë por edhe shëndet. Përmbajtja e këtij metali siguron
ushqimin e lëkurës. Ari dhe fletëzat e arit, po gjejnë aplikim më të
gjerë në kirurgjinë estetike, dhe si efekt kanë ngadalësimin e procesit
të plakjes së lëkurës dhe inkurajon rigjenerimin e saj.
Gjinia e bukur, sot, pa ndonjë problem mund të furnizohet me kozmetikë
me përmbajtje nga ari: sapun, tonik, qumësht për trupin dhe kremra të
ndryshme nga ari.
UMO 24 karat ari + Gamma – PGA + FSS
Krejt çka lëkura kërkon: freskinë, fortësinë dhe vitalitetin, mund
ta realizoni përmes tretmanit me ari. Ari, ju sjellë eliksirin e
bukurisë dhe freskinë rinore. Ari jep lëkurës një tretman intensive
kundër plakjes së fytyrës dhe trupit. Ari është simbol i luksit dhe
forcës absolute. Metal i çmuar me mijëra vite. Qysh në Kinën e lashtë
është aplikuar si regjenerator, i cili ngrit tonusin dhe shkëlqen
lëkurën.
" Mjekësi Alternatiwe " Foto_4-ari

Umo ka krijuar teknologjinë e re të shkrirjes së arit dhe depërtimin
(futjen) nëpër barrierën e lëkurës, duke mundësuar aktivizimin e
veprimit dhe krijimit të rezultateve të cilat mund të vërehen dhe të
shihen menjëherë.
Folija apo fletëza me ari 24 karat prodhohet në Japoni, në qytetin
Kanazawa në rajonin e Ishikawa, ku prodhohet folija më kualitative me
certifikatën që verifikon UMO fletëzën e arit 99.99%.
Umo 24 karat. Ari është planifikuar për kombinimin në veprimin me
Gamma-PGA dhe NANO mjegullën ( që vjen nga penetrimi SPA përmbajtjes
për fytyrë) në tretmanin e fytyrës me ari.
Sekret i lashtë – aplikim modern
Gjatë gjithë historisë, ari kishte vlerë për shkak të luksit dhe
bukurisë. Në kohën e lashtë Kleopatra, arin e pastër e kishte përdorur
si një mjet për ruajtjen e freskisë së lëkurës. Historianët kanë kohë
që besonin se ajo ka fjetur çdo natë me një maskë të artë. Në Romën e
lashtë, paketat e artë janë përdorur për trajtimin e problemeve të
ndryshme të lëkurës. Në mjekësinë e lashtë kineze ari ishte bazë për
ruajtjen e rinisë. Në Dinastinë Ching perandoresha çdo ditë masazhonte
fytyrën e saj me topa të artë.
Duke iu falënderuar të arriturave më të reja në mirëmbajtjen e lëkurës,
gama PGA, joneve, ultratingullit dhe teknologjisë, Nano mjegulla etj.
UMO përdor fuqinë e arit në mënyrë që ju mund të përjetoni këtë tretman
100% natyrorë, trajtimin për lëkurë rinore –
UMO trajtimin e fytyrës me Ari 24 karatë.
Që prej vitit 1929. Ari është përdorur me sukses në trajtimin e
artritit reumatoid dhe reduktimin e inflamacionit. Efekti
kundërinflamator i arit redukton inflamacionet e lëkurës, dhe për këtë
arsye, ngadalëson krijimin e melaninës, zvogëlon njollat e vjetra dhe
në të njëjtën bënë lëkurën më të butë dhe të shkëlqyeshme.
" Mjekësi Alternatiwe " Umo-nfund

nga *lissa* Wed Jan 06, 2010 8:39 am

Çaj për mëngjes dhe gjumë të ëmbël

Dikur
anglezët i kanë pasur vetëm dy shujta buke, mëngjesin dhe darkën,
kështu që është dashur që urine e mesditës ta shtyjnë deri në mbrëmje.
Kështu filluan të organizojnë “kohën e çajit” ku së bashku me të janë
shërbyer edhe me sandviç dhe ëmbëlsira. Mirëpo, kjo ka ndodhur në
shekullin XIX, përderisa sot ky ritual paraqet më tepër histori sesa
realitet.Çaji ka prejardhje nga Azia. Për më shumë se
mijëra vite kultivohet nga Kina, kurse më vonë ka filluar të kultivohet
dhe në viset tjera të botës. Druri i çajit është shumë i qëndrueshëm, i
gjelbër dhe në formë shkurreje, që mund të arrijë lartësi deri në 5
metra, edhe pse kultivuesit mundohen që gjatë kultivimit mos ta lejojnë
të rritet më shumë se 1m në mënyrë që të lehtësohet vjelja e gjetheve
të çajit. Gjethet duhet të jenë sa më të reja, të freskëta, që vlera e
çajit të jetë e lartë. Gjethet janë me ngjyrë të gjelbër të mbyllur, pa
erë, përderisa lulet janë të bardha, të mëdha dhe me erë të këndshme që
i ngjasojnë jasminit. Ndiqni këshillat e mëposhtme, marrë nga “Imedica
Family” për të vlerësuar rëndësinë e çajit në organizëm.
" Mjekësi Alternatiwe " Caji-caji

Tipat kryesor të çajit janë:
1. Çaji i zi i cili është plotësisht i fermentuar
dhe i oksiduar, për të cilën arsye ka edhe ngjyrë të errët, pihet
kryesisht në Amerikë dhe Angli.
2. Çaji i gjelbër, nuk është i oksiduar, ka ngjyrë ari
në të gjelbër, pihet në Azi, por jo edhe në perëndim. Ka aromë të
këndshme dhe është mjaft i shëndetshëm.
3. "Oolong” paraqet përzierje të çajit të gjelbër dhe të zi.

Tek ne, çajrat përgatiten kryesisht nga tipet bimore aromatike, apo
edhe me shtesë të vajrave aromatike eterike. Çajrat paraqesin përzierje
të pjesëve të bimëve të situra, apo të pa situra, të cilat përdoren për
përdorim të jashtëm dhe të brendshëm.
Çajrat janë përgatesa nga ekstraktet e bimëve. Ekstraktimi paraqet
ndarjen e përbërësve shërues nga pjesët e bimëve (drogave bimore) me
ndihmë të tretësve të caktuar dhe përdorimin e metodave për
standardizim.
Në mënyrë që një gotë me çaj të na ”kënaqë” dhe përmbushë nevojat e
përdorimit të tij gjatë ditës, atë duhet përgatitur në mënyrë të drejtë:

Infuzet – përgatiten nga pjesët e njoma të
bimës, të cilat përmbajnë substanca termolabile (vajra eterik). Shumë
lehtë mund të kuptoni se nga cilat bimë mund të përgatisni infuz, pasi
që në rast të fërkimit të pjesëve aromatike të bimës ndjehet aromë e
lehtë dhe e këndshme e vajit eterik (mentë, limon).
Përgatitet në atë mënyrë që droga bimore (çaji) përvëlohet me ujë të
valuar, mbyllet dhe lihet të qëndrojë për 10 minuta. Kështu përgatiten
infuzet e kamomilit, mentës, sherbelës, blirit dhe të tjera.
" Mjekësi Alternatiwe " Infuzer_Veer

Dekoktet – përgatiten me ekstraktimin e
drogave bimore në temperaturë të lartë. Për shembull marrim dekoktin e
lule kaçës, i cili përgatitet ashtu që droga përvëlohet me ujë dhe
lihet të valojë në temperaturë të lartë.
" Mjekësi Alternatiwe " Decoktet_Veer

Maceratet – përgatiten me ekstraktimin e
drogave bimore në temperaturë të dhomës. Pra, pjesët e bimëve lagen me
ujë të ftohët dhe lihen të qëndrojnë në temperaturë të dhomës. Në këtë
mënyrë përgatiten drogat bimore të cilat përmbajnë substanca
termolabile dhe tajuese (mullaga e bardhë).
" Mjekësi Alternatiwe " Maceratet

Përbërësit kryesor të çajit janë: kofeina, teobromina, teofilina,
adenina, rutina, vajrat eterik, goma arabike, dekstrina, yndyrat,
dyllërat, proteinat, tanina dhe shumë lëndë të tjera.
Çaji i zi përmban vitaminën C, B1, B12, acid nikotinik dhe pantotenik,
Paraqet antioksidues të fortë dhe përdoret tek shumë dieta ku duhet
futur në organizëm sasi të madhe të lëngjeve varësisht nga aktiviteti
fizik i organizmit.

Llojet më cilësore të çajrave përmbajnë më së shumti taninë. Vlera dhe
cilësia e çajit matet me sasinë e substancës mjekuese në të – kofinës,
në bazë të aromës dhe shijes. Mirëpo veprimi i çajit është më i fortë
në rast se përmban më shumë kafeinë.

Kafeina - Nxit cipën e trurit të madh, me ç’rast
ulet dëshira për gjumë, gjegjësisht rritet mundësia për të qenë i
zgjuar dhe qëndrueshmëria psikomotorike është në rritje e sipër. Ndikon
edhe në sistemin
kardiovaskular, relakson muskujt e bronkeve (që ka rëndësi
terapeutike), rrit sekretimin e acidit klorhidrik ne lukth e me atë
edhe diurezën. Pra, çaji zvogëlon dhe parandalon lodhjen dhe gjumin,
sidomos ndikon si çlodhës tek lodhjet psikike. Çaji poashtu mundëson
punën më të mirë të muskujve (përshpejton reflekset), gjë që ndihmon në
punën e përditshme të sportistëve, pilotëve dhe drejtuesve të makinave.

Përdorimi i shpeshtuar i çajit ngarkon punimin e mëlçisë. Prandaj preferohet të pihet çaj i ”duhur” në kohë të ”duhur”.

nga *lissa* Wed Jan 06, 2010 8:39 am

Limoni, thesari që kuron sëmundjet

Të pafundme janë edhe përdorimet e tij në lidhje me shëndetin dhe ushqimet.Vlerat kurative
Limoni veçanërisht vlerësohet për vetitë dezinfektuese dhe kundër
hemorragjisë. Për qëllime mjekësore përdoren lëvozhga dhe lëngu i
frutit të limonit. Lëvozhgat, pasi qërohen nga pjesa e bardhë
sfungjerore e brendshme, thahen me kujdes në stufa, në temperaturë të
ulët deri në 40°C. Në temperaturën e zakonshme nuk thahen, pasi myken
nga lagështia e mjedisit. Gjithashtu, kanë gjetur përdorim praktik
farat, gjethet dhe lulet e limonit.
Freskues
Lëngu i limonit ka gjetur përdorim si freskues në prodhimin e
limonadës, në përgatitjen e ëmbëlsirave dhe të kuzhinës shtëpiake.
Limoni përdoret për përgatitjen e limonatave, sikurse portokalli e
mandarina. Vaji eterik i lëvozhgës përdoret për prodhimin e ujit të
kolonjës. Nga lëngu i limonëve prodhohet acid citrik (limontoz). Nga
frutat e prera ose vetëm nga lëvozhgat e limonit prodhohet reçel
aromatik i cilësisë së mirë, por reçeli mund të përgatitet edhe nga
lulet e tij etj. Frutat e limonit përmbajnë acid askorbinik (vitaminë
C), vitamina P, B dhe karotinë, acid citric, sheqer dhe në lëvozhga ka
vaj eterik.
" Mjekësi Alternatiwe " Leng-limoni

Gripi
Vetitë mjekësore të limonit kushtëzohen nga prania në të e një sasie
të madhe vitaminash, kryesisht të vitaminave C dhe P. Nga të gjitha
agrumet, frutat e limonit kanë efekt shërues më të theksuar. Ato
përdoren kundër sëmundjeve që shoqërohen me ethe, janë freskuese dhe
ulin temperaturën. Efekt të dukshëm ato japin në hipovitaminozat dhe
avitaminozat. Limonat konsiderohen si ilaçi më i mirë antiskorbutik dhe
duhet të përdoren nga të gjithë. Në gjendje gripale dhe me temperaturë,
personat e rritur mund të përdorin këshillën praktike që vijon.
Merret një kokërr limon dhe shtrydhet lëngu i tij në një gotë. Aty
shtohet edhe një filxhan me raki rrushi të ngrohur më parë dhe
përzihen. Thërmohen dhe hidhen në gotë 1-2 kokrra aspirinë. Lëngu i
përgatitur pihet njëherësh i ngrohtë, 2-3 orë para ose pas buke.
Tretës
Limoni ka veti të mira tretëse në stomak, është freskues i këndshëm
dhe nxit oreksin që mund të jetë prerë nga sëmundje të ndryshme. Në
këto raste përdoret lëngu i limonit në trajtë limonade ose i shtuar në
çaj apo në gjellë. Në sajë të vetive rrudhëse dhe antitoksike, lëngu i
limonit përdoret me efekt kundër barkut dhe diarresë, me pak ose pa
sheqer. Rezultate të mira ka dhënë lëngu i limonit gjatë përdorimit
kundër acarimeve të mukozës së gojës dhe të grykës, duke bërë larjen
dezinfektuese në formë gargarash.
Bajamet
Limoni ka gjetur përdorim të gjerë kundër acarimit ose qelbëzimit të
bajameve. Në këto raste këshillohet të përgatitet kjo kurë.
Merret një kokërr limoni me madhësi mesatare, pritet në mes në drejtim
të gjerësisë dhe të dyja gjysmat vendosen në një pjatë mbi zjarr derisa
të ngrohet lëngu që përmbajnë. Pastaj, nga pjesa e prerë, të dyja
gjysmat, të ngrohta, vihen në të dyja anët e qafës, në vendet mbi
bajamet, lidhen me garzë dhe lihen aty derisa të ftohen. Ky veprim
përsëritet për 2-3 ditë, në darkë para gjumit.
Mëlçia
Limoni përdoret edhe për shërimin e sëmundjeve të mëlçisë. Më tepër rezultat ka dhënë kombinimi që vijon.
Për 20-30 ditë rresht, çdo ditë në mëngjes, një orë para buke, pihet
lëngu i një kokrre limoni së bashku me një lugë gjelle vaj ulliri dhe
një lugë gjelle mjaltë. Kjo këshillë përdoret edhe nga organizmat e
dobësuar, ata që kanë kaluar ndonjë sëmundje, për rivendosjen e oreksit
dhe të shëndetit të tyre. Këshilla e përmendur jep rezultate të mira
kundër sëmundjes së verdhëzës.
Temperatura
Limoni bën mirë edhe për uljen e temperaturës. Limonoterapia ndikon
në ripërtëritjen dhe vetëpastrimin e përgjithshëm të organizmit nga
kripërat e kristalizuara. Ai zgjat jetën dhe gjallëron mendimin. Limoni
ka veti të mira diuretike. Lëngu i tij përdoret me efekt në luftimin e
gurëve të veshkave dhe të fshikëzës urinare. Për këtë qëllim duhen
konsumuar 2-4 kokrra limoni çdo ditë për një periudhë prej 1-3 muaj.
Edhe lëvozhga e frutave (lëkura) ka gjetur mjaft përdorime. Ajo përmban
vaj esencial, alkoole të ndryshme, vitaminë A, B1 etj. Vaji esencial ka
aftësi për të vrarë bakteret, si dhe për të ndaluar veprimtarinë e tyre.
" Mjekësi Alternatiwe " Temperatura11

Reumatizma
Lëngu i limonit është i dobishëm edhe për artritikët. Por nuk duhet
ta përdorin ata që kanë stomak delikat e të ndjeshëm, pasi shton
aciditetin dhe dëmton stomakun. Kundër reumatizmës përdoret me efekt
këshilla e mëposhtme: Merren 1-2 kokrra limon dhe pasi lahen mirë, pa
hequr lëvozhgën, grihen në rende. Brumi i fituar, pasi i shtohet 1-2
lugë kafeje sheqer, hahet esëll në mëngjes ose në orët e pasdites. Ky
veprim përsëritet çdo ditë për 20-30 ditë. Reumatikët dhe artritikët
mund ta përdorin me rezultate shumë të mira mjekimin me limona
(limonoterapia).

nga *lissa* Wed Jan 06, 2010 8:40 am

Hernia diskale – PROBLEME ME KURRIZIN

Ferid & Dijana Nahi
Ordinanca ”Advent”
044 180 052
Roli i diskut është që t’i mundësojë boshtit kurrizor të njeriut
lëvizje në të gjitha drejtimet. Si pasojë e lëvizjeve të ndryshme që
bën njeriu gjatë punës dhe aktiviteteve të veta jetësore, vjen deri te
degjenerimi i diskut duke kaluar nga një masë e butë në një masë më të
fortë.
Po ashtu, si pasojë e këtyre degjenerimeve, por edhe si pasojë e
ndonjë ngritjeje të ndonjë peshe apo ndonjë lëndimi, vjen deri te
rrëshqitja e diskut që në gjuhën mjekësore quhet herni diskale.
Hernia diskale ndodh kur një nga disqet në shpinë fryhet prej vendit
të tij të vërtetë. Disqet janë jastëkë të vogla rrethore në mes
vertebrave (unazave) në shpinën e trupit të njeriut.
Ato janë të ngjeshura dhe shërbejnë si jastëk për unazat e shpinës.
Herniet e disqeve bëjnë shtypje në nervat, të cilët dalin nga shtylla
kurrizore dhe shkaktojnë dhembje të ndryshme. Më së shpeshti paraqiten
në pjesën e poshtme të shpinës.
" Mjekësi Alternatiwe " HerniaL1

Hernia Diskale Lumbale
Shkaqet
Herniet diskale mund të ndodhin kur disku thahet ose teret, në një
mënyrë shfryhet dhe bëhet më pak elastik. Në qoftë se dobësohen shumë,
pjesa e jashtme mund të shkëputet. Pjesa e brendshme pastaj mund të
shtyhet nëpërmes shkëputjes dhe mund të shtyp nervat.
Faktorët e rrezikut
• Mosha: 30 dhe 40 vjeçare
• Trauma nga rrëzimi, aksidenti ose rrotullimi i papritur
• Tendosje e shpinës - më së shpeshti e përsëritur ose e papritur (p.sh. ngritja e peshave të rënda)
• Puna e rëndë që kërkon ngritje të peshave të rënda
Simptomat
• Dhembja-shpeshtësia dhe lokacioni i dhembjes varen se cili disk e ka përfshirë hernia dhe sa e madhe është ajo hernie
• Mpirja, therje ose dobësim në këmbë dhe shputë
• Ndryshime në zorrë ose fshikëz
• Në disa raste pamundësi për rehati edhe në gjendje të shtrirë
• Dhembje e papritur e qafës e cila nuk mund të drejtohet pa dhembje
• Mpirje, therje ose dobësim në njërën ose në të dy duart
Diagnoza
Mjeku do t’ju pyes për simptomat tuaja dhe historinë tuaj mjekësore
dhe do të bëjë ekzaminimin fizik. Ai do t’ju bëjë disa pyetje specifike
mbi dhembjen dhe do ta ekzaminojë shpinën. Mjeku gjithashtu do të
testojë lëvizjet, fuqinë dhe reflekset e këmbëve dhe duarve. Hernia
dskale vërtetohet me Rëntgen, CT apo Rezonancë magnetike.
" Mjekësi Alternatiwe " HerniaL2

Trajtimi
Mjekësia bashkëkohore, sot, për mjekimin e hernies diskale përdor
shumë medikamente, antiinflamatorë jo-steroidë (si p.sh. ibuprofeni ose
naprokseni, përshkruhen për reduktimin e dhembjes), si dhe analgjetikë
të ndryshem.
Me metodat e kiropraktikës, varësisht nga gjendja e pacientit, mosha,
kohëzgjatja e sëmundjes, apo sa kohë është i dëmtuar, ka lëvizur disku
dhe në çfarë gjendje është, ne me shumë kujdes dhe përkushtim
“vendosim”, apo siç themi “palosim” diskun në vendin e vet. Kjo
zakonisht bëhet me 2 apo 3 trajtime, varësisht nga faktorët e
lartpërmendur.
Gjithashtu, për sanimin e kësaj sëmundjeje, pas trajtimit përdorim edhe medikamente bimore: tinktura, kremra dhe yndyra.
Nganjëherë ndodh që pacienti ka njërën prej këmbëve më të shkurtër!
Ndoshta 1cm apo 2 cm dhe kjo zakonisht nuk vërehet as nga pacienti, as
nga familjaret e tij. Dhe, pikërisht kjo, nganjëherë është arsyeja që
ka ardhur fare tek ky problem. Ne, me metodat e kiropraktikës, lavdi
Zotit, me përvojën tonë të gjatë dhe të pasur, mund të intervenojmë në
këtë problem.
Tërheqja ose zgjatja e shpinës
Mjeku kiropraktik, mund t’ju ndihmojnë të reduktoni dhembjen me
zgjatjen ose tërheqjen e shpinës. Çdo manipulim i shpinës për probleme
kronike të diskut duhet të bëhet me shumë kujdes dhe nga persona me
përvojë në këtë lëmi. Me këtë trajtim shmangen operimet e dhembshme dhe
të kushtueshme, që mund të kenë edhe pasoja të rënda si dhe mbajtja e
protezës, mbajtëses së qafës, që e shohim mjaft shpesh tek njerëzit me
probleme të tilla.
Pushimi
Pushimi në shtrat zakonisht preferohet për dy ose tri ditë tek dhembjet
e mëdha. Zakonisht duhet të shtriheni në dyshek të fortë me gjunjë dhe
legen pjesërisht të kërrusur. Këmbët e mund të ngrihen mbi një jastëk.
Masazhi i qafës ose shpinës dhe terapia fizikale
Masazhi i shpinës ose qafës mund të ndihmojë për:
• Relaksimin e muskujve të shpinës ose qafës
• Zvogëlimin e dhembjes
• Rritjen e forcës.

Pas fazës akute, ushtrimet e shpinës dhe ato të barkut, janë padyshim
të mirëseardhura dhe ndihmojnë shumë në fazën e rikëndelljes dhe
parandalojnë rekurencat ose përsëritjen e sëmundjes.

Parandalimi
Strategjitë e mëposhtme mund të ju ndihmojnë të zvogëloni shanset për të pasur disk me herni.
• Praktikoni qëndrim të drejtë të trupit-ulje dhe qëndrim të drejtë dhe mbajte të shpinës drejtë gjatë peshimit të peshave.
• Mbajtje e shëndetshme e peshës trupore.
• Ushtroni vazhdimisht. Pyetni mjekun tuaj për ushtrimet për forcimin e muskujve të shpinës dhe stomakut.
• Mos vishni këpucë me taka të larta.
• Nëse rrini ulur për një kohë të gjatë, përdorni ulësen e tualetit për të kërrusur gjunjët në mes të legenit tuaj.

nga *lissa* Wed Jan 06, 2010 8:40 am

Metodat e shërimit alternativ

Popullariteti i
metodave popullore të mjekimit është rritur shumë në vitet e fundit.
Kufijtë e mjekësisë alternative ndryshohen vazhdimisht dhe disa tipa të
shërimit alternativ bëhen më të pranuar nga ana e mjekëve.Nuk
ekziston përkufizim i saktë për mjekësinë alternative. Në përgjithësi,
këtu merr pjesë cilado qoftë praktikë e shërimit e cila nuk përputhet
me mjekësinë zyrtare – d.m.th. cila do praktikë e cila nuk është e
pranuar gjerë në shkollat mjekësore dhe nga ana e mjekëve nëpër
spitale.
Sipas Qendrës Nacionale për Mjekësi Komplementare dhe Alternative dhe
Qendrës Nacionale për Shëndet në SHBA, dallohen shtatë lëmi kryesore të
mjekësisë alternative (disa nga to janë të testuara shkencërisht, të
tjera jo) .

Akupunktura - kjo është praksë që bazohet në
stimulimin e pikave të caktuara të trupit (zakonisht me gjilpërë, por
mundet edhe me shtypje – akupresurë), me të cilën ndihmohet shërimi.
" Mjekësi Alternatiwe " Akupunktura-MA

Homeopatia – problemet shëndetësore trajtohen me shumë substanca të holluara.
" Mjekësi Alternatiwe " Homeopatia

Mjekë popullorë - siç janë shitës barnash popullore, gra me eksperiencë dhe praktikues të mjekësisë popullore.
Barërat herbale - këto janë bimë të ndryshme që
shfrytëzohen në mjekësinë dhe në nutricionin. Ata zakonisht i gjejmë në
shitoret për ushqim të shëndoshë, ose mund të fitohen nga shitës
barnash, shpesh në formë të çajeve, kapsulave ose ekstrakteve. Këto
substanca nuk janë të rregulluara përmes Food and Drug Administration
(FDA) Amerikane. Megjithatë një e treta e amerikanëve të moshuar marrin
rregullisht ndonjë lloj të bimës, më shpesh në formë të çajit prej
kamomili për qetësimin e nervave ose Echinacea kundër ftohjes.
" Mjekësi Alternatiwe " HerbalMA

Shërimi manual - problemet mjekësore trajtohen me
manipulim dhe me përforcim të pjesëve të caktuara të trupit. Metoda më
e njohur nga ky lloj është kiropraksa (shërimi kiropraktik fokusohet në
sistemin nervor dhe në modifikimin e shtyllës kurrizore, gjegjësisht të
unazave që e mbulojnë palcën e kurrizit).
" Mjekësi Alternatiwe " Kiropraksa-MA

Masazh - formë e shërimit manual – osteopati, në të
cilën shfrytëzohet manipulim dhe shërim me prekje, ku praktikuesi i vë
duart mbi ose në afërsi të trupit, që ta drejtojë energjinë.
Ndryshimi i ushqimit ose stilit të jetesës - gjithashtu paraqet lëmi të
mjekësisë alternative. Shumë njerëz marrin suplemente duke llogaritur
se ushqimi i rëndomtë nuk përmban mjaftueshëm vitamina dhe minerale.
Shumë njerëz të cilët vuajnë nga disa sëmundje kronike siç janë
sëmundjet e zemrës dhe diabeti e përshtatin ushqimin e tyre ose
shprehitë e tyre, që të mund ta mbajnë sëmundjen nën kontroll. Me këtë
jo vetëm që shërohen nga sëmundje të caktuara, por njëkohësisht bëhet
edhe parandalimi i të tjerave. Kjo lëmi e mjekësisë alternative është e
pranuar gjërë dhe është e integruar në mjekësinë tradicionale.
Kontrolli i mendjes - fokusohet në rolin e trurit (mendjes) në gjendje
të ndryshme, që e kapin organizmin. Hipnoza është formë e gjumit të
vetëdijshëm ose transit, dhe mund të ndihmojë që disa njerëz të
ballafaqohen me varshmërinë, dhembjen ose ankthin, kurse disa tretmane
tjera, si psikoterapia, meditimi dhe joga janë të dobishme për
relaksim. Shumë njerëz kthehen kah grupe të caktuara për përkrahje dhe
kah lutjes që të ballafaqohen me sëmundjet dhe të ndjehen më të lidhur
me njerëzit.
Bioelektromagnetika - bazohet mbi idenë, se rrymat
elektrike në të gjitha organizmat e gjallë prodhojnë fushë magnetike,
që përhapen jashtë organizmit.
" Mjekësi Alternatiwe " Biolomagnetika

Nga se dallohet mjekësia alternative nga ajo tradicionale?

Terapia alternative karakterizohet me qasjen e tyre holistike, që do
të thotë se mjeku ose praktikuesi e trajton personalitetin në tërësi, e
jo vetëm sëmundjen e caktuar. Në mjekësinë alternative i kushtohet
vëmendje nevojave emocionale dhe spirituale të pacientit. Këtu dallohet
nga mjekësia tradicionale, e cila kryesisht fokusohet në anën fizike të
sëmundjes.
Shumica e praktikuesve të mjekësisë alternative nuk janë të pranuar nga
ana e mjekëve nëpër spitale dhe ambulanca. Është e mundshme që mjeku
juaj aspak të mos jetë i informuar për këtë çështje. Megjithatë, në
qendrat e reja të mjekësisë integrative ofrohet një kombinim i
tretmaneve tradicionale dhe alternative. Qendrat e tilla zakonisht
punësojnë mjekë dhe ekspertë alternativ me çertifikatë për terapi të
ndryshme alternative.
Përveç zhvillimit të kësaj lëmie, pjesa më e madhe e terapive
alternative nuk mbulohen me buxhetin mjekësor. Shumica nuk janë të
vërtetuara shkencërisht dhe bazohen në praktikimin afatgjatë dhe
përrallat gojore për sukses.
Cilat janë rreziqet nga aplikimi i metodave alternative në shërim?
Disa lloje të shërimit alternativ si lutjet, masazhi dhe ndryshimi i
stilit të jetesës janë të sigurta dhe e plotësojnë me sukses tretmanin
mjekësor, por disa terapi – sidomos barërat herbale mund të jenë të
lidhura me ndonjë rrezik.
" Mjekësi Alternatiwe " Rrezqiet-MA

Për dallim nga barërat që merren me recetë në barnatore, remedet
herbale nuk janë të rregulluara rreptësishtë nga ana e institucioneve
përgjegjëse. Ato nuk e kalojnë procedurën e testimit para se të
lëshohen në treg, dhe nuk është e domososhme t'u përgjigjen standardeve
të kualitetit. Kjo do të thotë se kur bleni për shembull një shishe
kapsula ginseng, mund të mos dini ç ' keni fituar: sasia e bimës mund
të ndryshojë nga një kapsulë në tjetrën, me atë që disa kapsula do të
përmbajnë më shumë e disa më pak përbërje aktive, se sa nga ajo që
shkruan në pako. Në varshmëri prek ku rrjedh bima, njëkohësisht mund të
jenë prezente edhe bimë tjera, bile edhe disa barëra, siç janë steroide
të përziera në kapsula. Barërat herbale që vijnë nga shtetet e
pazhvilluara, ndonjëherë janë të kontaminuara me pesticide dhe metale
të rënda.
Problem tjetër në të cilin mund të hasni, janë mashtrues të ndryshëm
dhe mjekë popullorë, të cilët prezantohen si shërues, duke propaganduar
tretmane të pakontrolluara dhe ndonjëherë të rrezikshme. Të tillët nuk
janë të rrallë në shtetin tonë, për fat të keq disa nga a t a lirshëm
promovohen në mediat.
Keni shumë kujdes cilin do ta zgjidhni për ndihmë dhe asnjëherë mos i
jepni çfarëdo “bari” fëmijës tuaj, nëse nuk e dini përmbajtjen.

nga *lissa* Wed Jan 06, 2010 8:41 am

Mjekimi alternativ i spondilozës

Zakonisht
boshti kurrizorë pëson ndryshime dhe lëndime me rastin e lëvizjeve jo
të duhura, bartjes së ndonjë peshe të rëndë, kilogramëve të tepërt,
pozitës së trupit në vendin e punës, joaktivitetet e mjaftueshme të
njeriut bashkëkohorë etj. Kështu që, tetë nga dhjetë persona më të
moshuar se 60 vjeç vuajnë nga kurrizi degjenerativ.Ferid & Dijana Nahi
Mjekë kiropraktikë
044 180 052
Në zhvillimin dhe mirëmbajtjen e duhur të kurrizit ndihmojnë,
natyrisht, ushqimi i shëndetshëm edhe aktivitetet rekreative siç janë:
shëtitjet në ajër të pastër, noti dhe ngasja e biçikletës.

Vetëm muskujt e fortë mund të mbajnë kurrizin në pozitë të duhur, kurse
sot në ritmin e shpejtë të jetesës pothuajse është vështirë të hasim
dikë që nuk ka probleme të tilla. Spondiloza është bërë sëmundje e
shpeshtë e njeriut bashkëkohorë, i cili thjeshtë pothuajse për çdo gjë
ka kohë, por më së paku për vete.
" Mjekësi Alternatiwe " Foto-1-spondiloza

" Mjekësi Alternatiwe " Foto-1-spondiloza

Shenjat e para të kësaj sëmundje lajmërohen madje edhe në moshën më të
re për shkak të mbajtjes së trupit në pozitë jo të duhur, ndoshta nga
ndonjë lëndimi edhe ca i vogël, por duke shkaktuar pasoja, madje
nganjëherë kjo mund të ndodhë edhe për shkak të njërës këmbë më të
shkurtër!? Si është e mundur kjo? Natyrisht kjo shkurtesë është e
vogël, prej 1-1.5 cm më së shumti deri 2 cm, sikurse të është më tepër
personi do të vërehej në ecje, pra në ndonjë mënyrë do të çalonte. Kjo
zakonisht është nga lindja dhe siç thamë kryesisht nuk vërehet,
ndryshimet nuk janë të dukshme në të ecur. Nëse trajtoheni më herët
kryesisht gjer në moshën 30 vjeçare, nëse jeni në gjendje të mirë
shëndetësore, i ushqyer në mënyrë të duhur (andaj eshtrat dhe muskujt
janë të shëndetshëm) pas një vizitë mund të intervenojmë dhe të
trajtohet kështu që këmba të zgjatur, të kthehet në vend, kryesisht pa
ndonjë dhimbje tek pacienti. Gjë që kjo sjellë ndryshime, përmirësime
në mes tjerash edhe tek kurrizi, pra tek spondiloza.
" Mjekësi Alternatiwe " Foto-2-spondiloza

" Mjekësi Alternatiwe " Foto-2-spondiloza

Spondiloza , në boshtin kurrizor shkakton ngushtimin e hapësirës në mes
të unazave (osteofiti) në këto nyje. Me moshë rritet edhe prania e
kësaj sëmundje. 80% e të moshuarve më shumë se 60 vjeç, kanë probleme
me kurrizin. Natyrisht, të sëmurë, konsiderohen vetëm ata të cilët kanë
dhimbje.
Zakonisht tek këto raste kanë lëvizur unazat e pjesës lumbale që edhe
quhen L4 dhe L5 nga pjesa e poshtme e kurrizit, kurse dhimbjet
manifestohen edhe gjer tek fillimi i boshtit kurrizor në pjesën e
sipërme apo në pjesën e qafës.
Dhimbjet lumbale i përjetojnë pothuajse 80% e njerëzve përgjatë jetës
së tyre, dhimbje e cila quhet Lumbago dhe mund të zgjasë javë të tëra,
por edhe vite të tëra nëse nuk trajtohet si duhet.

Nga spondiloza më së shpeshti sëmuren nëpunësit e zyrave të ndryshme,
sporteleve, vozitësit profesionist etj. Pra, kjo ndodh për shkak të
pozitës së punës së tyre si dhe tek ata të cilët bëjnë punë të vështira
fizike. Madje edhe stërvitjet intensive, të gjata, dhe te ata që i
nënshtrohen vibracioneve të shumta e të shpeshta, rreziku nga
ndryshimet degjenerative të boshtit kurrizorë është i madh. " Mjekësi Alternatiwe " Foto-3-spondiloza

" Mjekësi Alternatiwe " Foto-3-spondiloza

Diagnostikimi

Spondiloza është sëmundje e cila zhvillohet ngadalë dhe simptomat
kryesorë janë dhimbjet në kurriz në çdo lëvizje pothuajse më të vogël
apo frenimi, shtangia pas uljes më të gjatë.
Nëse problemi është në pjesën cervikale, pra të qafës, për shkak të
shtypjes së osteofitit apo nervit të diskusit në mes të unazave të
rrëshqitura, që kalon përgjatë boshtit kurrizor, do të shkaktohen
dhimbjet e qafës duke u përhapur nga koka apo nga krahu dhe duart.
Nganjëherë i sëmuri ka ndjenjë jo të këndshme të therjes, mpirjes së
gishtave (sikur më gjilpëra).
Nëse sëmundja është e shprehur në pjesën e mesme, dhimbja përhapet në
pjesën e parme të gjoksit…dhe nganjëherë krijon simptomat sikurse tek
infarkti i miokardit!
Forma më e shpeshtë është sindromi lumbal, i cili shkakton dhimbje tek pjesa e poshtme e kurrizit.
" Mjekësi Alternatiwe " Foto4-spondiloza

" Mjekësi Alternatiwe " Foto4-spondiloza

Mjekimi

Përvojat dhe praktikat shumëvjeçare në trajtimin e kësaj sëmundje
madje edhe problemeve të tjera me kurrizin me medikamente nuk ka dhënë
ndonjë përmirësim dhe sukses të veçuar. Zakonisht medikamentet janë nga
grupi i antireumatikëve, të cilët vetëm për momentin i zvogëlojnë
dhimbjet dhe mundësojnë lëvizje momentale. Por, këto medikamente kanë
edhe efekte negative…
Andaj, pas kontrollimit të mirëfilltë dhe konstatimit të gjendjes,
verifikimit të shkaktarëve të sëmundjes, me metoda tradicionale të
kiropraktikës kroate, 145 vjeçare, bëhet “palosja” , “zgjatja” e
boshtit kurrizor që të vihet në vend, nervat e “zënë pick” çlirohen
dhe, kështu, fillon qarkullimi normal i gjakut, rehabilitimi i
muskujve, nervave, eshtrave. Të gjitha këto plotësohen me terapinë
bimore të tinkturave të ndryshme të shkëlqyeshme, varësisht nga gjendja
e pacientit, kombinuar me bimët e ndryshme si për shembull: tinktura
Barë Hajduti, barë Mijëfletësh (Achillea Millefolium), tinktura e
Hithrave, (Urtica Dioica) tinktura Rosmarine (Rosmarinus officials)
Barë Blete (Melissa officialis), Lincura (Gentiana lutea), Lulebasami
(Hypericum perforatum) etj. Po ashtu, edhe kremra bimore kundër
dhimbjeve dhe natyrisht, masazheve terapeutike dhe

nga *lissa* Wed Jan 06, 2010 8:41 am

Recetat për t’u shëruar më shpejt

Ka ushqime të cilat nëse përgatiten dhe gatuhen në mënyrën e duhur, mund të kurojnë organizmin tonë. Tamam si një ilaç.Ka
shumë e shumë receta të tjera të cilat ndihmojnë në një shërim të
shpejtë. Disa prej tyre funksionojnë vetë. Le të shohim së bashku se
cilat janë më të nevojshmet.
Brokoli në shtatzëni:
Brokoli është një nga perimet më të pasura me ushqyes. Është një
minierë vitaminash, 3 në veçanti: A,C dhe acid folik. Dhe përmban shumë
kripëra minerale, sidomos kalcium, hekur dhe potasium. Përmban edhe
fibra e inde me përbërje sulfurike më aftësi dizintoksinuese dhe
dezinfektuese. Falë përmbajtjes së tij të acid it folik, lakra
kaçurrele është tepër e nevojshme në shtatzëni dhe kur merr pilula
antingjizje: dy momente në të cilat rritet nevoja për këtë vitaminë.
Përgatitja: Lëreni brokolin nën ujin e rrjedhshëm, pastaj ziejeni dhe
në 2 minutat e fundit shtoni pak tumëz dhe rigon. Priteni dhe
spërkateni me vaj ulliri. Konsumojeni 2 herë në javë për 2-3 muaj.
Ndërsa gjatë shtatzënisë priteni në copa dhe ziejeni në avull ose
mikrovalë, kjo për të ruajtur acidin folik. Konsumojeni 2 herë në javë.

" Mjekësi Alternatiwe " Brokoli-ma

Komposto molle për zorrën e trashë

Lëngu i mollës bën mirë për tretjen, si dhe për të shmangur
problemet me jashtëqitjen. Ata që kanë probleme me zorrën e trashë
duhet të pinë nga një herë në ditë nga një gotë komposto frutash. Të
sëmurët është mirë që larjen ta bëjnë në vaskë në pozicionin ulur, duke
i shtuar ujit lëvore të bungut dhe kamomil. Por, për t u shëruar nga
infeksionet në zorrë duhen ngrënë qepë dhe hudhra të freskëta. Mëlmesa
me përbërje të barishteve natyrore që përgatitet e bluar, ka hekur dhe
e përmirëson shëndetin e të sëmurëve. Përdorimi i kësaj mëlmese krijon
lirimin e kapsllëkut. Mëlmesa e tillë nuk duhet të përvëlohet, por të
qitet në supë apo në gjellë ashtu e “gjallë” të përzihet dhe të hahet.
Ngrënia e një molle të ëmbël para ushqimit liron zbrazjen e zorrëve.
Ata që kanë zorrë përtace duhet të pinë rregullisht tri herë në ditë
nga një gotë lëng molle para ushqimit.
" Mjekësi Alternatiwe " Komposto-ma

Karotat në konvaleshencë:

Karotat përmbajnë karotinë dhe vitaminë A, që mbron mukozat dhe
është një antioksidues i fuqishëm: lufton qelizat e lira, përgjegjës
për plakjen e qelizave. Ndihmon mjaft gjatë kanvaleshencës dhe
sëmundjeve infektive: në fakt studime të ndryshme kanë treguar se
riforcon sistemin imunitar.
Përgatitja: Centrifugoni 5 karrota me lëngun e një limoni. Pini lëngun në mëngjes, çdo ditë.
" Mjekësi Alternatiwe " Karotat-ma

Boronica:

Disa substanca që i japin frutit ngjyrën karakteristike, së bashku
me vitaminat A dhe C e bëjnë boronicën një mrekulli që lufton varicet
në vena dhe infeksionet urinare.
Përgatitja: grini në rende 1 kg boronicë dhe vendoseni mbi zjarr.
Shtojini gjysmë kg sheqer. Vëreni të vlojë në zjarr të ulët, duke e
trazuar. Hiqni me një lugë shkumën që krijohet.
Hani një pjatë në mëngjes, për gati një javë dhe rrugët urinare do të
dezinfektohen. Për 3-4 muaj për të parandaluar probleme me sytë dhe
venat.
" Mjekësi Alternatiwe " Boronica-ma

Energji me lajthitë:

Lajthitë janë mjaft të pasura me vitaminë B, B 12 dhe E: pra janë
energjetike dhe tonike. Përmbajnë magnezium dhe zink në sasi, dhe për
këtë stimulojnë sistemin imunitar. Superkalorike, janë ideale për
fëmijët, sportistët, të sëmurët me tumore.
Përgatit një lloj marmelate duke i grirë lajthitë dhe duke i trazuar me mjaltë dhe fara soje.
Hani një lugë në mëngjes për te paktën 4 javë.
" Mjekësi Alternatiwe " Lajthite-ma

nga *lissa* Wed Jan 06, 2010 8:41 am

Diagnostikimi kompjuterik elektrodermal (AMSAT)

Metodat
mjekësore kërkojnë edhe diagnostikim modern. Këto pajisje funksionojnë
në bazë të parametrave elektofizikë në pikat biologjike aktive të
pacientëve (përçueshmëria elektrike kompleksive e lëkurës,
përçueshmëria galvanike (anoda-katoda) dhe temperatura e shkallëzuar e
matur gjatë rrymës njëkahore dhe shumëkahore, të cilat japin
informacionin objektiv për gjendjen e organizmit dhe bëjnë ndarjen e
organeve dhe të sistemeve të organeve sipas patologjisë.Dr. Rabit Sadiku Ph
www.aku-center.com
Sistemi Diagnostik Elektrodermal
AMSAT bazohet në matjen disa minutëshe të parametrave elektrikë
momental që bëjnë prezantimin e pikave aktive refleksogjene biologjike
të zonave të lëkurës dhe na jep një pasqyrë për gjendjen funksionale
lidhjeve të organeve dhe sistemeve të organeve. Bazuar në grafikën
kompjuterike fitojmë pasqyrën mbi gjendjen e organeve dhe sistemeve të
organeve të pacientit sipas shkallës që bazohet në krahasimin me
gjendje normale.

Ky sistem unikat i diagnostikimit jep informacione të shpejta mbi
gjendjen funksionale të organizmit dhe prezanton mundësitë që të
kontrolloj dinamikën e shërimit të pacientit gjatë terapive të cilat
bëhen në qendrën tonë që bazohet kryesisht në këto terapi: rezonancë
mikrovalore, akupunkturë, masazh, aerojonizoterapi, relaksim
autogjenik. etj. Të cilat janë duke u përhapur me të madhe dhe janë
bazë shumë e mire për mjekimin e sëmundjeve psiko-somatike. Me këtë
hapet mundësia optimale e ciklit teknologjikë të mjekimit:
diagnostifikim-terapi-diagnostifikim që mundëson optimumin e procesit
dhe rezultatet e mjekimit.

Principi i punës së sistemit AMSAT
Amsat-sistemi diagnostifikues përbehet prej bllokut matës të cilin e
drejton kompjuteri personal, 6 elektroda matëse (këmbës, dorës dhe
kokës) si dhe softueri përcjellës. Në procesin e diagnostikimit test
signali i cili vepron te pacienti është plotësisht i padëmshëm për
shëndetin e tij dhe nuk përcjell asnjë ndjenjë të pakëndshme.
Informacionet për gjendjen e organizmit fitohen duke bërë kryqëzime
disa rrethore duke skenuar test-signal elektrik përgjatë 22 drejtimeve
dhe analizës statistikore duke dalur prej vlerave nominale vëllimore të
përçueshmërisë representative të zonave të organizmit dhe me këtë edhe
lidhjeve të organeve dhe sitemeve të organeve.

Grafika prezanton informacionet dhe i mundëson edhe mjekut edhe
pacientit që në mënyrë të qartë të mësojnë për gjendjen e organeve dhe
sistemeve të organeve që shikohen duke bërë krahasimin me vlerat e
gjendjes së normales. Informacionet tekstuale komentojnë gjendjen
funksionale të lidhshmërisë së organizmit, ndërsa dialogu mjekë-pacient
verifikojnë të dhënat dhe rezultatet e kërkimeve.

" Mjekësi Alternatiwe " Amsat1

Mundësitë e sistemit AMSAT
Mundësia e njohjes së gjendjes funksionale të organizmit në formë të
fotografive që u përgjigjen organeve dhe sistemeve të organeve.
* Kontrollimi i efikasitetit të rezultateve gjatë aplikimit të rezonancës mikrovalore.
* Analiza e ndryshimeve dinamike të gjendjes funksionale të organizmit gjatë mjekimit.
* Përcaktimi i problemeve urgjente të organizmit.
* Përcaktimi i karakterit patologjik,duke shfrytëzuar datotekën e komjuterit personal.
* Përcjellja e treningut autogjen dhe rehabilitimi te lëndimet e sportistëve.
* Duke shfrytëzuar rezonancën mikrovalore diganostifikimi kompjuterik
elektrodermal mundëson proces optimal dhe rezultate të mira të
shërimit.
Efikasiteti i sistemit AMSAT
Në bazë të rezultateve klinike, saktësia e informacioneve mbi
gjendjen e Organeve dhe sistemit të organeve arrin mbi 80%. Vlera e
rezultateve të AMSAT-it është shumë më e madhe për shkak eksploatimit
të kohës, monitoringut të përhershëm të pacientit, si dhe korrektimit
të gjendjes me Rezonancë Mikrovalore duke dëshiruar që të kemi sa më
shumë rezultate.
Për pacientët të cilët i nënshtrohen (AMSAT) vlejnë këto rregulla:
* Duhet të kaloni një natë të zakonshme (të qetë)
* Nuk duhet të pini kafe apo çaj në ditën e incizimit
* Mos përdorni barëra mundësisht një ditë më herët
* Të keni jashtëqitje të rregullt, fshikëza e urinës të jetë e zbrazët
* Duhet t’i largoni të gjitha metalet, stolitë, ortezat apo protezat para incizimit
* Incizimi nuk duhet të bëhet tri ditë para dhe gjatë ciklit menstrual
* Duhet të keni rroba të brendshme nga pambuku
* Incizimi i ndalohet personave me pejsmejker si dhe atyre me metale të ndryshme në organizëm

nga *lissa* Wed Jan 06, 2010 8:42 am

Argjinarja, ilaçi që i mungon kuzhinës sonë

Argjinarja
është një bimë me një kërcell të gjatë dhe një lule. Kërcelli i saj
shkon deri ne 1,5 m. Gjethet mbulojnë njëra tjetrën dhe në lulëzim, një
lule e madhe i del në krye. Atë e gjejmë sot me emrat si argjinare,
artichaut (frëngjisht) al-harsufa (arabisht), artichoke, siç i thonë
amerikanët, etj.Prof. Lea Joanis Tomatis
Argjinarja, në fillim ajo u përdor si ilaç dhe nuk kishte hyrë ende
në kuzhinën perëndimore apo arabe, të cilët e huazuan menjëherë.
Atëherë e shikonin si një bimë afrodiziake dhe shpesh ua ndalonin
femrave, që të mos eksitoheshin.
Një bimë anti-oksiduese
Argjinarja është një bimë anti-oksiduese që lufton dhe “radikalët e
lirë”, të cilat gjenden në organizëm dhe janë shkaktarë të plakjes së
organeve dhe gjithë organizmit. Tek angjinarja ka shumë përbërës
fenolik si dhe anti-cianikë. Po kështu në përbërjen e argjinares gjejmë
një tjetër anti-oksidant të quajtur silymarine, i cili ka mjaft efekte
kundër kancerit.
Inulina është një glucid preboitik që nuk tretet dhe nuk absorbohet
nga zorra qorre, por ajo fermentohet nga flora bakteriale e zorrës së
trashë. Bakteret e dobishme të zorrëve mund ta absorbojnë inulinën, e
cila është e dobishme për funksionimin e mirë të zorrëve. Ajo
kontrollon glikeminë dhe lipidet e gjakut. Por argjinarja është shumë e
mirë dhe kundër sëmundjeve kardiovaskulare. Ajo ka në përbërjen e saj
shumë fibra dhe ndihmon kundër kapsllëkut, duke kontrolluar gjithashtu
dhe diabetin e tipit 2.
" Mjekësi Alternatiwe " Argjinarja

Disa minerale dhe vitamina përbërëse të argjinares
Bakri që gjendet në argjinare është mjaft i dobishëm për formimin e
hemoglobinës dhe të kolagjenit (proteina që shërben në strukturën dhe
riparimin e indeve); Magneziumi, që është në përbërje të argjinares na
shërben në formimin e kockave dhe ndërtimin e proteinave në veprimet
enzimatike. Ai shërben për kontraktimet muskulore, për shëndetin e mirë
të dhëmbëve dhe funksionimin e sistemit imunitar. Ai luan një rol në
metabolizmin e energjisë dhe transmetimin e flukseve nervore.
Hekuri që marrim përmes angjinareve dihet që është mjaft i
rëndësishëm, pasi ai është në përbërje të çdo qelize të organizmit. Ai
është thelbësor në transportimin e oksigjenit dhe formimin e rruazave
të kuqe në gjak. Luan rol në formimin e qelizave të reja, të hormoneve
dhe neurotransmetuesve.
Vitamina B9 (folate) që gjendet në argjinare është shumë e nevojshme
për ndërtimin e qelizave të trupit, pra të globulave të kuqe. Ajo luan
rol themelor në prodhimin e materialit gjenetik (ADN, ARN); në
funksionimin e sistemit nervor dhe atij imunitar, si dhe në
çikatrizimin e plagëve.
Vitamina K, është e nevojshme për sintezën e proteinave që
bashkëpunojnë për koagulimin e gjakut dhe në formimin e kockave.
Kalciumi që marrim nga angjinaret na shërben për formimin e kockave dhe
të dhëmbëve, për koagulimin e gjakut, kontrollin e presionit të gjakut
si dhe për kontraktimin e muskujve të zemrës.
Fosfori është minerali i dytë me bollëk që gjëndet në këtë zarzavat,
pas atij të kalciumit. Ai na shërben për formimin e kockave, dhëmbëve,
për rritjen dhe zhvillimin e fëmijëve, rigjenerimin e indeve dhe
mbajtjen në nivelin normal të “pH” të gjakut. Ai është një nga
përbërësit e membranave të qelizave.
Argjinarja është një burim i madh i kaliumit. Në organizëm, kaliumi
shërben për të ekuilibruar “pH” e gjakut, stimulimin e prodhimit të
acidit kloridrik nga stomaku, duke favorizuar kështu tretjen. Ai
ndihmon në kontraktimin e muskujve dhe në transmetimin e flukseve
nervore.
Zinku merr pjesë në reaksionet imunitare në fabrikimin e materialit
gjenetik, në perceptimin e shijes, çikatrizimin e plagëve dhe
zhvillimin e fetusit në bark të nënës. Gjithashtu, në argjinare ka një
sërë vitaminash si: Vitamina B1, B2, B3, B5, B6, Vitamina C, etj.
" Mjekësi Alternatiwe " Argjinarja-2

A është e mirë për mëlçinë?
Po! Argjinarja ka një efekt të mrekullueshëm mbi mëlçinë dhe është
një diuretik i mrekullueshëm. “Cynarine” përdoret në laboratorët
mjekësore për të krijuar ilaçe që favorizojnë funksionimin
“hepatobiliar”. Kjo cilësi, si “koleretik”, stimulon sekrecionet
hepatike dhe të tëmthit. “Cynarine” është e përqendruar veçanërisht në
kërcellin e argjinares, të cilën nuk e konsumojmë. Argjinarja ka
gjithashtu cilësi të tjera kurative. Ajo eliminon toksinat e shumta që
kemi në organizëm, shërben kundër lodhjes dhe lehtëson tëmthin për
evakuimin e lëngjeve.
Argjinarja në kuzhinat tona
Argjinarja tek ne është kultivuar prej kohësh si gjellë apo në formë
sallate, por ajo ende nuk e ka gjetur përdorimin e gjerë siç e kanë
zarzavate të tjera.
Nisur nga cilësitë e mrekullueshme të saj, duhet që argjinarja të
kultivohet gjerësisht. Argjinarja e pjekur oksidohet me shpejtësi pra,
pas gatimit, ajo duhet konsumuar shpejt dhe nuk duhet lënë qoftë dhe në
frigorifer. Ajo ruhet vetëm e freskët, pra e pa gatuar. Kur ke ngrënë
angjinare dhe pi ujë, njeriu ndjen një shije të ëmbël në gojë. Kjo vjen
si rezultat i përbërësit të saj, inuline, e cila vepron mbi receptorët
e shijes në gjuhën e njeriut. Argjinarja na furnizon me glucide
(sheqer) specifike si insulinë, e cila konsumohet pjesërisht.
" Mjekësi Alternatiwe " Argjinare-3

nga *lissa* Wed Jan 06, 2010 8:42 am

Efektet e agrumeve te njeriut

Sezoni i vjeshtës
nuk mund të kuptohet pa rrufën, gripin, të teshtiturat. Por një pjesë e
madhe e njerëzve beson se viruset gripale të zakonshme për stinën e
vjeshtës mund të luftohen shumë lehtë me një lëng portokalli apo me
konsumimin e agrumeve.Por nuk ka ‘gënjeshtër’ më të madhe
se kjo. Gripi dhe rrufa nuk mund të parandalohen apo luftohet me agrume
dhe fruta. Konsumimi i tyre nuk ndihmon në parandalimin e këtyre
viruseve apo sëmundjeve që mund të vijnë si pasojë e tyre. Shpesh mund
të dëgjoni se vitamina C që gjendet te portokalli apo limoni forcon
aktivitetin e sistemit imunitar si dhe rrit fuqinë e rruazave të
bardha, ‘mbrojtësit’ e organizmit tonë.

Gripi nuk shkaktohet nga të ftohtit, megjithëse edhe ai ka ndikimin e
tij. Në fakt, viruset gripale sulmojnë kur lëvizja e temperaturave dhe
të ftohtit ulin mbrojtjen e organizmit. Rrufa është një ‘sëmundje’
banale, por për fat të keq është ngjitëse dhe e bezdisshme. Një
këshillë e vogël për momentin e parë kur vëreni se po ju zë gripi apo
rrufa është të zieni një grusht kripe në ujë. Pasi të jetë ftohur
thithni ujin e kripur me hundë, të paktën deri sa t’ju dalin lot nga
sytë, dhe brenda një dite do të ndjeheni shumë mirë dhe do të shpëtoni
nga rrufa.
" Mjekësi Alternatiwe " Teshtima-agrume

Por kur ju ka zënë rrufa dhe nuk po ju largohet atëherë duhet të merrni
të tjera masa. Ambienti në dhomën tuaj të gjumit nuk duhet të jetë
shumë i lagësht. Natën flini përmbys, pasi ky është një pozicion që
lehtëson shumë frymëmarrjen. Nëse pini duhan gjatë kësaj periudhe duhet
ta ndaloni dhe mos abuzoni me ilaçe, pasi gripi dhe rrufa do të kalojë.

Por cilat janë të vërtetat dhe gënjeshtrat e ‘agrumeve’ dhe efekteve të tyre në organizmin tonë?
1. Shpesh thonë se ata që
pinë duhan duhet të marrin dyfishin e vitaminave C krahasuar me dikë që
nuk pi duhan dhe se dy kokrra portokalli në ditë mund të pakësojnë
nivelin e nikotinës. Kjo është e vërtetë. Portokalli ka një efekt
pozitiv në sistemin e qarkullimit të gjakut, në lëngun e tij gjenden
substanca që veprojnë mbi muret e arterieve duke kundërvepruar mbi
formimin e pllakave arterosklerotike.

2. Portokalli mund të luftojë
aneminë falë përmbajtjes së lartë të hekurit si dhe antocianinës,
substancë që parandalon degradimin e qelizave anti-tumorale.
" Mjekësi Alternatiwe " Portokall-agrume

" Mjekësi Alternatiwe " Portokall-agrume

3. Është e vërtetë që Vitamina C
gjendet edhe në ushqime të tjera por nuk është e vërtetë që agrumet i
ruajnë cilësitë e tyre për shumë kohë. Ndaj është më mirë që ato t’i
blini në sasi të vogla dhe t’i konsumoni ato brenda pak ditësh.

4. Lëngu industrial i frutave
kurrë nuk ka aq shumë vitamina krahasuar me frutat e shtrydhura vetë.
Vitaminat kanë një karakteristikë që prishen shumë lehtë nga drita dhe
ajri si dhe të shkatërrohen me kalimin e kohës. Dihet që proceset
industrialë, sado të kontrolluar dhe perfektë që të jenë, zgjasin shumë
në kohë. Pa marrë parasysh dy efektet e tjera.

5. Nuk është e vërtetë që
konsumi i agrumeve nuk ka kundërveprime te të sëmurët nga shqetësime
gastrite, si ulcera, djegie të stomakut apo gastrit. Substancat acide
provokojnë një irritim të mëtejshëm të mukozës së stomakut, ndaj
këshillohet që agrumet të konsumohen me stomakun plot apo lëngun e
shtrydhur të frutave ta shoqëroni me një copë buke.
" Mjekësi Alternatiwe " Agrume-1

6. Vetëm hardhia përmirëson
efektin e shumë medikamenteve falë narigenës, një substancë e veçantë
që ndikon pozitivisht në organizëm.

nga *lissa* Wed Jan 06, 2010 8:43 am

Gripi dhe të ftohurit luftohen me ushqim

Në
qoftë se doni të gëzoni “rininë e përjetshme” dhe të shtoni numrin e
viteve të jetës suaj, atëherë duhet të dini se cilat janë ushqimet e
një jete më të gjatë dhe në harmoni me natyrën. Dietologu David Grotto,
nga Chikago, në një libër ka përmbledhur 101 ushqime të dobishme për
shëndetin. Ndërsa më poshtë, po nga ky libër radhiten 10 bimë dhe
ushqime të cilat janë të njohura për efektet e tyre kundër gripit.Hudhra
Mbase aroma e saj mund të mos jetë e mirë për frymëmarrjen tuaj, por
hudhra është shumë e shëndetshme për organizmin tuaj. Është e
shëndetshme për vetë faktin sepse ajo përmban fitokimikate të cilat i
vrasin bakteret, thithin kolesterolin dhe luftojnë kancerin. Është e
këshillueshme që të hiqet lëvozhga nga hudhra, të pritet në copa të
vogla, të shtypet, dhe pastaj të përdoret.
Kërpudhat
Sipas studimeve të bëra ka rezultuar se kërpudhat forcojnë sistemin
mbrojtës dhe shkatërrojnë qelizat sëmundje shkaktuese. Ato janë një
pjatë e pëlqyer sidomos gjatë periudhave kur jeni të ftohur apo me
grip. Ato përdoren si një pjatë e dytë kur skuqen.
Çaji
Në të vërtetë çaji është i njohur nga të gjithë, për efektet e tij
kundër gripit dhe të ftohurit, ai është i pasur në kalori, nuk është i
kushtueshëm dhe përgatitet lehtë. Çaji përmban polifenole, të cilat
antioksidues mbrojtës. Polifenolet janë antibakteriale, antivirale dhe
veprojnë si anti-inflamatorë. E rëndësishme është të njihet mënyra dhe
masa e duhur për përgatitjen e tij, për të marrë rezultatin e
dëshiruar.
" Mjekësi Alternatiwe " Gripi-caj

Tërshëra

Tërshëra është e pasur në fibra, ajo përmban vitaminat E dhe B, si
dhe një numër mineralesh dhe beta-glukanesh, të cilat forcojnë sistemin
imunitar të njeriut. Frytet e tërshërës ndryshe nga ato të drithërave
të tjera (me përjashtim të misrit) janë relativisht më të pasura në
lipide (5%) dhe përmbajnë proteina (rreth 14%) glucide të ndryshme,
(rreth 60%); ku kryesori është amidoni (55%). Tërshëra fuqizon sistemin
imunitar. Tërshëra përdoret kryesisht në përbërjen e ushqimeve të
fëmijëve.
Manaferrat
Kjo frutë është super i pasur me vitamina dhe mineralet bazë për
organizmin e njeriut. Pikërisht për këtë arsye rekomandohet që kjo
frutë të konsumohet nga të gjitha grupmoshat, veçanërisht fëmijët dhe
të moshuarit. Manaferrat bëjnë të mundur uljen e kolesterolit në trup.
Njeriu mund të hajë sasi të mëdha manaferrash dhe të mos shëndoshet,
përkundrazi kjo frutë bën të mundur rënien nga pesha si dhe kontrollon
nivelin e yndyrave në gjak. Kjo frutë lufton gripin dhe të ftohurit.
Lakra
Jo pak, por 22 kalori mund të përftojë gjithsecili nga ne nëse
konsumon qoftë edhe 30 gram lakër të gatuar. Lakra përmban përbërës të
cilët stimulojnë prodhimin e enzimave në organizëm, të cilat realizojnë
prodhimin e radikaleve të lira dhe reduktojnë simptomat gripale. Lakra
mund të hahet ashtu siç është e freskët, mund të gatuhet duke u zierë
me kujdes. Nuk është i këshillueshëm përdorimi i tepërt i lakrës turshi.
Mjalti
Mjalti ka aftësi kuruese për vetë vitaminën B që përmban. Mjalti
përmban veti dezinfektuese për plagë dhe gërvishtje të lëkurës. Sipas
studimit të Dr.Molan mjalti triumfon mbi 7 lloje të ndryshme bakteresh.
Kështu që janë identifikuar edhe aftësitë e tij kundër gripit. Përveç
shërimit të jashtëm mjalti ka dhe veti kuruese të brendshme, si në
qetësimin e stomakut. Kështu do ishte e rekomandueshme 2 lugë çaji
mjaltë në ditë. Një rol të rëndësishëm mjalti luan kundër diarresë,
sidomos për fëmijët e vegjël, pasi është një metode, mjaft e mirë
kuruese brenda një ushqimi.
" Mjekësi Alternatiwe " Gripi-mjalte

Proteina e hirrës

Proteina e hirrës është një zinxhir aminoacidesh, e cila ndihmon në
përtëritjen e muskujve dhe zhvillimin. Studimet kanë treguar
gjithashtu, që ato mund të risin sistemin imunitar, neutralizojnë
efektet rrënjësore. Është e rekomandueshme që të konsumohet gjatë
periudhave gripale, sepse fuqizon sistemin imunitar dhe ndihmon që të
largohet gjendja gripale apo gjendjet e të ftohurit.
Elbi
Një tjetër burim i fibrave dhe beta-glukozëve, elbi ka treguar që
përmirëson imunitetin, aq mirë sa kolesteroli i ulët. Antioksiduesit që
janë gjetur tek elbi, gjithashtu, mbrojnë qelizat nga dëmtimi, thotë
David Grotto. Elbi mund të shtohet lehtësisht tek supat, mishi i zier,
dhe sallatat. Elbi përmban Potasiumin, i cili është i përfshirë në
shumë procese jetësore të trupit, duke mbajtur nën kontroll presionin e
gjakut, funksionin e zemrës dhe veshkave. Këshillohet përdorimi i 4-5
biskotave me elb çdo ditë. Sidomos nëse doni të luftoni gripin.
Patatja e ëmbël
Patatet e ëmbla janë plot me fibra dhe imunizojnë sistemin, rrisin
betakarotinën. Mund të fusësh të gjithën në furrë sobe dhe i pjek ato
për një tas të shëndetshëm me patate të skuqura. Zhardhokët e saj
përmbajnë shumë niseshte e përdoren gjerësisht si ushqim etj. Në
mjekësinë popullore patatja përdoret kundër djegieve, plagëve dhe syve
të nxirë.

nga *lissa* Wed Jan 06, 2010 8:43 am

Steriliteti kurohet edhe në tavolinë

Nuk po
arrin dot të mbetesh shtatzënë? Provo të kontrollosh ushqimin tënd.
Sepse ka një lidhje të ngushtë mes ushqimit dhe hormoneve."Njeriu
është, çfarë ai ha", thuhej dikur në kohët e lashta. Flitet për një
kujdes të madh, që vlen më shumë për femrat, nëse mendohet që bazat
ushqimore furnizuese që ndodhen në organizmin femëror sintetizojnë
hormonet e domosdoshme për një shëndet të plotë.
Çfarëdo lloj diete të gabuar, të cilën mund ta keni ndjekur për një
kohë të gjatë, kushtëzon bazat e domosdoshme ushqimore të cilat
ndikojnë pastaj negativisht në shëndet dhe në efektivitetin e aparatit
riprodhues.
Në rrezik është mbi të gjitha përqindja e pjellorisë që mund të
arrij dhe në një sterilitet, pa qenë të ndërgjegjshme, apo para
anoreksisë (sëmundje e cila godet një numër gjithnjë e më të madh të
femrave nga mosha 15-35 vjeç.
" Mjekësi Alternatiwe " Steriliteti-foto-1

" Mjekësi Alternatiwe " Steriliteti-foto-1

Çrregullimi i ciklit

Pjelloria e një femre është një dhuratë që duhet të ruhet me kujdes
falë bazës ushqimore që përbëhet nga një raport i ekuilibruar
karbohidratesh, yndyrash dhe proteinash. Por për fat të keq shumë vajza
ndjekin objektivin për t'u dobësuar duke eliminuar shumë ushqime të
domosdoshme për një rregullsi hormonale.
Një problem anësor? Jo tamam. Kërkimet e fundit konfirmojnë se, 30%
e femrave në përgjithësi që ndjekin dieta të përpunuara nga ato vetë,
kanë vërtet probleme shëndetësore, pastaj një pjesë e mirë vuajnë nga
bulimia, dhe një pjesë tjetër nga anoreksia.
Organizmi ndjen menjëherë çrregullimin dhe fillon të japë sinjale.
Kështu p.sh cikli çrregullohet, reduktohet edhe cilësia e zgjatja e
fluksit. Kjo do të thotë që organizmi hyn në rezerva duke aktivizuar
mekanizmat mbrojtëse siç është p.sh edhe reduktimi i humbjes së gjakut
menstrual.
Në një kohë të dytë, cikli shtohet, d.m.th është i shpeshtë. Ky
është sinjali që edhe ovulacioni është zhdukur, dhe bashkë me këtë
është zhdukur edhe mundësia që një vezë të fekondohet nga një
spermatozoid.
Ushqimet bazë për një pjellori të mirë
Për fat të mirë problemet e ovulacionit të shkaktuara nga
çrregullimet ushqimore, janë të ndreqshme. Mjafton të rifusësh në dietë
ushqimet që favorizojnë shëndetin e aparatit riprodhues.
Një gabim i shumë femrave, të cilat ndjekin dieta të sajuara nga
vetja e tyre, është p.sh, evitimi i yndyrave vegjetale siç është vaji i
ullirit. Kjo provokon çrregullime në cikël si dhe në mundësinë për të
ngelur shtatzënë.
Përveç vajit të ullirit që është i domosdoshëm për hormonet seksuale
femërore, është edhe hekuri (rreth 18 mg në ditë) të cilin e gjejmë tek
peshku, mishi, zarzavatet. N.q.s një grua është e mërzitur dhe nuk ka
dëshirë për një lidhje seksuale, ajo nuk është në gjendje psikofizike
ideale që të "lindë" një fëmijë.
Duhet patjetër të ushqehet edhe me produkte ushqimore që përmbajnë
zinkun (7 miligram në ditë), një faktor që favorizon procesin e
ovulacionit. Duhet të ushqeheni me mish, peshk apo fruta deti, vezë,
fruta të thata.
" Mjekësi Alternatiwe " Steriliteti-foto-2

" Mjekësi Alternatiwe " Steriliteti-foto-2

nga *lissa* Wed Jan 06, 2010 8:43 am

Ushqimet dhe bimët që zgjojnë epshin

Njerëzit,
kudo në botë, prej kohësh flasin për disa ushqime që i atribuojnë një
nxitje të epshit, dhe kjo falë ushqimeve afrodiziake.Fjala
“epsh” vjen nga perëndesha greke e dashurisë, Afërdita, që nxit magjinë
e ndjenjës së zjarrtë dhe seksit tek çiftet e reja. Legjendat tregojnë
se Montezuma II, sundimtar i njohur Astek gjatë pushtimit spanjoll të
Meksikës, pinte 50 gota çokollatë në ditë për të përmbushur të gjitha
dëshirat e haremit të tij. Dhe nëse mendoni se në zgjedhjet tuaja bëhet
fjalë vetëm për një person të vetëm, nuk ka pikë dyshimi që duke
përdorur recetat me ushqime afrodiziake do t’ia arrini qëllimit. Por a
ka gjë të vërtetë lidhur me to?
Kanella-Përdoret si pluhur jo vetëm në
ëmbëlsira, por gjithashtu është e këshilluar edhe në gatimin e mishit.
Është elementi kryesor në recetat e Krishtlindjeve. Lëngu i saj
përdoret për lehtësimin e dhimbjeve të menstruacioneve apo gjatë
shtatzënisë.
" Mjekësi Alternatiwe " Canella3

Dafina-Herën e parë që do të keni rast të
vallëzoni me të dashurin tuaj, i dhuroni një kurorë me këtë bimë të
shenjtë. Në gatim dafina përdoret në sasi të vogël, një ose gjysmë
gjethe për shkak të shijes shumë të fortë dhe është paksa e hidhur.

Majdanozi-Ai mund të përdoret në rreth 30 lloj gatimesh, si në mish, peshk, sallatë.

Hudhra-Nuk duhet të mungojë në kuzhinë.
Mendohet së është një bimë e shenjtë, erotike, mjekësore, e cila iu
jepej atletëve në olimpiadat në Greqi. Ka shumë cilësi kuruese, sidomos
në rastet e kancerit. Substancat thelbësore të saj të përpunuara dhe
destinuara për kurim shiten në kapsula, për shkak të shijes së saj.
Përdorej si i vetmi afrodisiak që në kohë të lashta. Sot është provuar
se substanca kimike që shkakton aromën e hudhrës ndodhet edhe në
sekrecionet intime femërore.

Orizi-Është simboli i fertilitetit. Kur me
pafajësinë më të madhe nuses dhe dhëndrit i hidhet oriz gjatë dasmës,
shumë pak e dinë që në brendësi është pikërisht ky sekret. Disa kanë
mendimin se është e pamundur që të eksitosh ndonjë njeri me një pjatë
oriz, por prova më e mirë për fertilitetin që ka orizi është fakti i
mbipopullsisë që ka Kina.

Patëllxhani-Konsiderohet eksitus, sidomos kur përgatitet me përbërës të tillë si hudhër, qepë, spec dhe erëza të tjera.
" Mjekësi Alternatiwe " Patellxhan

Qepa-Është thelbësore për të gjitha llojet e kuzhinave, që nga më erotikja deri tek më e thata.

Spinaqi-Spinaqi është i pasur me vitamina dhe minerale, forcon trupin dhe ankthet e dashurisë.

Fasulet-Për romakët ishin stimulante dhe
lulja simbolizonte kënaqësinë seksuale. Supa me fasule simbolizonte
kënaqësinë seksuale dhe u ndalua në shekullin e XVII nga kolegji i
murgeshave te San Jeronimo për të ndaluar eksitimet.

Misri-Simbolizon fertilitetin dhe bollshmërinë.

Speci-Duket se e vetmja gjë erotike që ka,
është forma e tij. Por në disa rajone konsiderohet eksitus, ndërsa në
disa të tjera konsiderohet si kundër afrodiziak.

Domatja-Ka origjinë nga Amerika dhe duhet të
futej në kategorinë e frutave. Spanjollët e sollën domaten në Evropë si
“molla peruane” dhe “molla e dashurisë”. Mishi i saj i ngjeshur i kuq
dhe sensual mori shpejt shume famë, sepse besohej shumë në fuqinë e saj
stimuluese.

CILAT JANË USHQIMET QË NXISIN EKSITIMIN
Valeriana në doza të vogla mund të jetë stimulant, birra e bashkuar
me verën në sasi të vogla përdorej në të kaluarën si eksitues, por në
doza të mëdha ato do të bezdisnin dhe dashuria nuk do të kishte jetë.
" Mjekësi Alternatiwe " Valeriana_arizonica

" Mjekësi Alternatiwe " Valeriana_arizonica

DASHURIA, AFRODIZIAKU NUMËR 1
I vetmi afrodiziak i vërtetë dhe i pagabueshëm është dashuria. Asgjë
nuk mund të ndalojë pasionin e dy njerëzve të dashuruar. Afrodiziaku i
dytë është variacioni. Variacioni rinovon zjarrin e dashurisë. Por për
të ndezur dëshirën në një çift ku ekziston dashuria ka vend edhe
imagjinata. Një gjë e tillë mund të ndiqet edhe gjatë gatimit. Çdo gjë
që gatuhet për një të dashur është sensuale, por është akoma më shumë
në se të dy marrin pjesë në gatim, duke shfrytëzuar rastin që së bashku
me qërimin e lëkurës së qepës, të fillojnë të zhvishen edhe ata.
Kontrasti dhe surpriza janë erotike, një vajzë e veshur me pantallona
të shkurtra dhe e hipur në një motoçikletë mund të duket eksituese,
ndërkohë që një burrë në një situatë të tillë mund të duket qesharak.

nga *lissa* Wed Jan 06, 2010 8:44 am

Vaji i ullirit, ilaçi magjik

Studimet e ndryshme kanë treguar se vaji i ullirit luan rol të rëndësishëm në mbrojtjen ndaj shumë sëmundjeve.Ulliri
është pa dyshim një bimë mjekësore e mrekullueshme. Për çdo pikë të
vajit të ullirit i marrim mbi 30 përbërës të cilët na mbrojnë nga
sëmundjet e zemrës, mplakja e hershme dhe shumë sëmundje e tjera.

Ai përmban acide yndyrore të pangopura, më së tepërmi acidit oleinik, i
cili përmban 55-83 për qind të acideve yndyrore të përgjithshme, të
cilët në mënyrë pozitive veprojnë në metabolizmin e yndyrave në mëlçi,
rregullojnë kolesterolin, e mbrojnë zemrën, gjë që pakëson mundësinë e
prekjes nga sëmundjet e ngurtësimit të enëve të gjakut, infarkt,
tromboza dhe rregullojnë tensionin e gjakut.

Për këtë vaji i ullirit nuk duhet t’i mungojë dietës suaj ditore.
" Mjekësi Alternatiwe " Green_olives_olive_leaves_a

" Mjekësi Alternatiwe " Green_olives_olive_leaves_a

Bima dhe lëvozhga e ullirit përdoren me rezultate shumë të mira kundër
arteriosklerozës, tensionit të lartë të gjakut, temperaturat e larta
etj.

Nëse vaji i ullirit përdoret si melhem për lyerje, forcon flokët dhe
ndalon të thinjurit. Pirja e vajit të ullirit është i dobishëm kundër
helmimit. Ky vaj lehtëson dhimbjet në lukth dhe zorrë dhe mbyt
parazitët në zorrë.

Ullinjtë e gjelbër kanë vlera të shumta ushqyese e gjithashtu forcojnë
barkun dhe stimulojnë potencën seksuale. Ullinjtë e hidhur janë të mirë
për trajtimin e djegieve. Të përtypurit e gjetheve të ullirit ndihmon
në rastet e inflamacionit të mukozës së gojës, herpesit, dermatitit
buloz dhe kromës. Çaji i përgatitur me gjethet e ullirit ul sasinë e
sheqerit në gjak. Diabetikët këshillohen të hanë kokrra jeshile ulliri,
të cilat ulin etjen që shkakton diabeti.

Vaji i ullirit ndihmon në sëmundjet e mëlçisë dhe në eleminimin e gurëve të fshikëzës së tëmthit dhe gurëve të veshkave.

Nga pomadat dhe preparatet e tjera që përgatiten me vajin e ullirit
mjekohen plagë të ndryshme, djegie të lëkurës, duke ndihmuar në
ripërtëritjen e indeve të dëmtuara.

Vaji i ullirit, përbën një formulë shëndeti dhe jetëgjatësie. Në të
gjenden acidet omega-3-yndyrore, vitamina A dhe E, metale, selen, si
dhe substanca antioksiduese, të cilat mbrojnë qelizat nga shkatërrimi,
që mund të vijës si pasojë e radikaleve e të lira.
" Mjekësi Alternatiwe " Vajull-2

Personat që konsumojnë dy lugë vaj ulliri në ditë, kanë rënie të
LDL-kolesterolit dhe ngritje të nivelit të substancave antioksiduese në
gjak të cilat kanë efekt pozitiv në mbrojtjen e zemrës.

Ul presionin e gjakut dhe ndihmon në terapinë e hipertensionit. Ndihmon
në funksionin optimal të trurit, si dhe në shëndet të mbarë të kockave,
sidomos në fëmijë të vegjël, pasi ndihmon në absorbimin e kalciumit.

Duke qenë i pasur në vitaminë E, ndihmon në mbarëvajtjen e procesit të
plakjes dhe, për këtë, është i domosdoshëm për të moshuarit. Mbron
stomakun nga ulcera dhe gastriti. Po kështu mbron mëlçinë nga
çrregullime dhe infeksione të ndryshme.

Studimet e reja tregojnë se vaji i ullirit ndihmon në parandalimin e
kancerit të lëkurës, të zorrës, të prostatës dhe të gjirit dhe mbron
qelizat e ADN-në nga deformimet, që mund të çojnë në shfaqjen e
kancerit. Është më rezistues ndaj temperaturave të larta të gatimit.
Thonjve dhe flokëve u jep fortësi dhe i ruan ato nga thinja e
parakohshëm. Jo më kot është renditur mes ushqimit dhe medikamentit si
ilaçi, që natyra na ka e falur pa na kërkuar asgjë në këmbim.

Duhet dimë edhe këtë: Vaji i ullirit është produkti që, në 100 g ka
pothuajse 1.000 kalori, më shumë nga çdo lloj ushqimi tjetër. Për këtë
arsye duhet konsumuar me sasi shumë të kufizuara, pasi mund të çojë
shumë lehtë në shtim peshe.

nga *lissa* Wed Jan 06, 2010 8:44 am

Dhembja dhe mpirja e qafës

Fare pak gjëra janë më ngacmuese e të parehatshme se dhembja dhe mpirja e qafës, që mund ta prekë çdokënd, në çfarëdo moshe.Ferid & Dijana Nahi,
mjekë kiropraktikë
“Advent “
tel: 044 180 052
Shtylla e kurrizit është e përbërë nga 24 kocka të quajtura unaza,
të radhitura njëra mbi tjetrën. 7 unazat e para të shtyllës ndodhen në
qafë dhe njihen me emrin unaza cervikale.
Ato janë të gjitha të ndërtuara hollë, të buta dhe vendet e
bashkimit të tyre, nyejt lidhin secilën kockë tjetër duke lejuar shumë
lëvizje. Unazat kanë përballë një sipërfaqe të madhe cilindrike të
quajtur trupi i unazës dhe prapa janë të vendosura harqet të cilat e
mbrojnë palcën e kurrizit.
Ndërmjet unazave ka hapje të vogla përmes të cilave kalojnë nervat
jashtë nga palca e kurrizit në qafë dhe krahët. Palca e kurrizit është
nervi kryesorë që del nga truri përmes qafës dhe arrin deri në pjesën e
poshtme të kurrizit. Përmban nervat në të gjitha pjesët e trupit.
Përmes shtyllës cervikale kalojnë gjithashtu edhe arteriet e unazave
që transportojnë gjakun nga zemra në tru dhe furnizojnë pjesët e trurit
duke e ruajtur ekuilibrin.
" Mjekësi Alternatiwe " Qafa-foto-1

Midis unazave ndodhen disqet kërcore (kartilagot) të njohura si disqe
intervertebale. Struktura e këtyre disqeve është e ngjashme në gjithë
gjatësinë e shtyllës kurrizore, e përbërë nga një bërthamë si xhelatinë
(nucleus pulposus) të rrethuara nga një shtresë e fortë fibrash
(annulus fibrosus). Kolona e unazave përforcohet nga disa ligamente dhe
muskuj. Ato e bëjnë kolonën më të fortë ndërsa lejojnë atë të lëvizë
lehtësisht.

Qafa si pjesë e shtyllës së kurrizit është e ngjashme me pjesën
tjetër, por ndryshon në atë që ka për qëllim të lëvizë më shumë dhe në
drejtime të ndryshme, gjithashtu qafa nuk i duron ngarkesat e rënda që
mund të përballën nga pjesa e poshtme e shtyllës kurrizore.
Dy unazat e sipërme në qafë janë shumë të ndërlikuara dhe ju mungon
trupi kryesor nga sipër. Kjo zëvendësohet nga një bërthamë drejtuar nga
trupi i unazës poshtë dhe shërben si një bosht rrotullimi i cili lejon
kokën të rrotullohet mbi qafën. Unaza në majë mban peshën e kafkës dhe
quhet atlas, si gjiganti mitologjik i cili e mban botën mbi supet e
tij.

Shpesh dhembja dhe mpirja në qafë shkaktohen nga lëvizja e disqeve në
pjesën e sipërme të kurrizit saktësisht të qafës. Kjo mund të ndodhë në
mosha ta ndryshme, duke filluar nga mosha më e re madje edhe para
moshës 25 vjeç e gjer tek mosha e shtyrë. Ky çrregullim ndryshon nga
personi në person. Disqet e unazave lëvizin dhe kjo bënë që hapësira në
mes të unazave të bëhet më e ngushtë duka shkaktuar të ënjturit,
përflakjen e fijeve të nervave gjë që personi ndjenë dhembje.

Disqet tkurren rreth cepave të tyre dhe në anën vertebrale rriten
nga jashtë. Skajet kockore quhen osteofite. Ndryshimet të ngjashme
ndodhen edhe në nyje në mes harqeve vertebrale. Këto ndryshime të
gjetura në spondiliartroza cervikale e qafës mund të shihet me
ekzaminimin e rezeve X (radiografinë) dhe janë të pranishme të
pothuajse çdo njeri pas moshës 65 vjeç.
Kur ndodhin këto ndryshime shkaktojnë dhembje. Megjithëse shumë
njerëz mund të mos kenë dhembje në qafë, madje edhe ndryshime të
rëndësishme mund të shikohen në radiografitë e tyre. Dhembja shkakton
edhe tendosjen e ligamenteve dhe mpirjen e qafës.
Disqet e lëvizura dhe të përflakura (të ënjtura ndonjëherë pickojnë
rrënjët nervore dhe kjo shkakton dhembje, mpirje të forta nga qafa
poshtë tek krahët dhe shpatullat. Nëse prej ostefiteve shtypet arteria
vertebale, redukohet furnizimi me gjak i sipërfaqes së trurit e cila
kontrollon ekuilibrin, mund të shkaktojë marrje mendsh, migrenën,
(kokëdhembjen kronike) dhe në raste rralla edhe verbim.
" Mjekësi Alternatiwe " Qafa-foto-2

Nganjëherë dhembja dhe mpirja e qafës mund të ndodhë për shkak të
qëndrimit në rryma ajri ose ekspozimi ndaj ftohtit dhe lagështisë.

Gjithashtu dhembja dhe mpirja e qafës mund të ndodhë për shkak të
pozicionit jo të duhur të qëndrimit në punë. Nëse tavolina e punës
është shumë e ulët dhe ju duhet të punoni me kokën e përulur dhe
dhembja e mpirja e qafës ndodhë për shkak të lodhjes së ligamenteve.
Qëndrimi i shtrirë për një kohë të gjatë mund të shkaktojë dhembjen
dhe pirjen e qafës. Mandej përdorimi i 2-3 jastëkëve mund të shkaktojë
këtë problem. Gjithashtu nëse dysheku është tepër i butë mund të
shkaktojë dhimbjen dhe mpirjen e qafës. Nganjëherë disa prej këtyre
problemeve mund të qetësohen nga fjetja në shtrat më të forte dhe duke
përdorur vetëm 1 jastëk.
" Mjekësi Alternatiwe " Qafa-foto-3

Andaj, të dashurit tonë, nëse dhembjet dhe mpirja e qafës nuk
mënjanohen me përdorimin e dyshekut më të fortë, jastëkut të
përshtatshëm, çlodhjes, mandej edhe përdorimit të ilaçeve të ndryshme
që na rekomandojnë mjekët e shumtë, tabletave të ndryshme, qetësuese
dhembjesh etj., ju rekomandojmë që të provoni edhe ju metodën e
natyrshme të thjeshtë dhe jo të dhembshme të kiropraktikës dhe të të
ashtuquajtur “kthimit në vend, palosjes” të diskut apo disqeve të
lëvizura, të cilët duke prekur nervat e përafërta shkaktojnë dhembjen
ngacmuese, madje edhe mpirjen e qafës, krahëve e nganjëherë edhe të
duarve gjer tek fundi i gishtërinjve.

Kjo metodë e shërimit është duke u aplikuar edhe tek ne në Kosovën,
tani e disa vite, është kiropraktikë kroate me traditë më se 150 vjet.
Ne, tanimë kemi shkruar disa artikuj në këtë portal, madje edhe duke
dhënë përgjigje në pyetjet e juaja dhe duke ndihmuar, numër jo të vogël
të pacientëve.

nga *lissa* Wed Jan 06, 2010 8:44 am

Produktet ushqimore që forcojnë imunitetin

Konsumimi
i sa më shumë produkteve që rrisin imunitetin e organizmit është
këshilla kryesore, që japin specialistët e mjekësisë bimore për të
parandaluar shfaqjen e sëmundjeve virale.Duke qenë se
tashmë secili prej nesh është i rrezikuar nga virozat gripale më tepër
se kurrë, parandalimi i vetëm i tyre përveç vaksinimit, mund të bëhet
vetëm nëpërmjet marrjes së produkteve bimore që rrisin imunitetin, pasi
në një organizëm të shëndoshë rreziku për tu prekur nga viruset është
shumë i vogël.
Ilaçet bimore që përbëhen nga bimë të ndryshme të tretura në alkool
janë preparatet më efikase për të rritur imunitetin dhe për të
parandaluar prekjen nga sëmundjet.
Hekuri, hudhra, kanella, bima e quajtur kthetrat e maces (ungaria),
kulumbria, ilaçi bimor i quajtur propolis, aloe vera janë disa nga
produktet që ndikojnë në rritjen e imunitetit të organizmit.
Përdorimi i përditshëm i mjaltës me pluhur kanelle forcon sistemin
imunitar dhe e mbron organizmin nga bakteret dhe sulmet virale.
Shkencëtarët kanë zbuluar se mjalti përmban vitamina të ndryshme dhe
hekur në sasi të mëdha. Përdorimi i vazhdueshëm i mjaltit i forcon
rruazat e gjakut për ti luftuar bakteret dhe sëmundjet virale.
" Mjekësi Alternatiwe " Imunitet-mjalti

Hudhra
Hudhra është antibiotik natyral që stimulon sistemin e imunitetit
dhe rrit efektivitetin e rruazave të bardha të gjakut dhe rruazave T.
Ajo bllokon prodhimet e toksinës me mikrobe. Hudhra gjithashtu ka një
spektër të gjerë baterostatik dhe veti bakteriocidale.
Me fjalë tjera, ajo ose i ndalë ose i vret bakteret. Në mënyrë të
mrekullueshme, hudhra gjithashtu nxit aktivitete të ngjashme kundër
viruseve, fungive (këpurdhave) dhe parazitëve. Hudhra pa dyshim është
çelës për të arritur imunitetin optimal dhe mbrojtjen kundër
infektimeve.
Së paku 200 komponentë janë identifikuar në thelbit e hudhrës duke
përfshirë më shumë se 70 komponente të sulfurit; vitaminat A, B1 dhe C,
kalcium mineralesh, kopër, hekur, magnezium, potasium, selenium dhe
zink, flavonoide si vitamina si dhe tetë amoniacide esenciale dhe nëntë
aminoacide jo-esenciale.
" Mjekësi Alternatiwe " Imunitet-hudhra

Aloe vera

Aloe vera është një tjetër produkt tepër efikas për të rritur
imunitetin e organizmit. Ajo përmban më shumë se 200 përbërës të
verifikuar shkencërisht që aktivizojnë dhe forcojnë aftësinë tonë për
vetëshërim dhe ka treguar veten si një ndër bimët më të mira mjekësore.
Kërkimet shkencore provojnë se efekti kryesor i aloe veras,
domethënë aktivizimi i sistemit tonë të imunitetit, bazohet në
përbërësin aktiv akemanan (një kompleks karbohidratesh), i cili thithet
nga zorrët dhe grumbullohet në membranat e qelizave. Ky përbërës rrit
rezistencën e çdo qelize të veçantë kundër viruseve të dëmshme dhe
baktereve.
Përbërja e të ashtuquajturve antioksidues që gjenden në aloe vera,
vitaminat A, C dhe E që përdoren për të luftuar sëmundjet e civilizimit
dhe masat paraprake për kancerin janë vërtetuar edhe shkencërisht.
Përbërësit dytësor bimor të aloe vera, e ndihmojnë trupin tonë që
t’i thithë me lehtësi këto substanca jetësore 11 prej 20 aminoacideve
më të njohura, modulet e proteinave që shpenzohen gjatë jetës si dhe
shtatë aminoacide kryesore.
Një nivel i lartë i aminoacideve në gjakun tonë çon në forcimin e
kockave, muskujve, një shpërndarje të mirë të oksigjenit brenda
organizmit, një sistem të fortë imuniteti si dhe një mendje të
mirëekuilibruar. Për më tepër, përbërja e mineraleve, elementët e
gjurmëve në aloe vera janë të një rëndësie të madhe.
Përveç hekurit, kalciumit dhe magneziumeve, të cilat janë substanca
thelbësore për të pasur dhëmbë dhe kocka të shëndetshme dhe për një
metabolizëm të mirë, bima shëruese siguron gjithashtu sasi shumë të
mëdha potasi, të nevojshme për të rregulluar balancën e ujit në trupin
tonë dhe për një tension më të ulët të gjakut. Zinku e forcon sistemin
e imunitetit, ndërsa magnezi e ndihmon trupin gjatë dezintoksikimit.
" Mjekësi Alternatiwe " Imunitet-aloe-vera

" Mjekësi Alternatiwe " Imunitet-aloe-vera

Vaji i peshkut

Acidet yndyrore omega 3-6-9 që gjenden tek vaji i peshkut janë shumë
të rëndësishme për trupin e njeriut, por ato nuk mundet të sintetizohen
nga organizmi ndaj dhe quhen acide yndyrore thelbësore. Çdo qelizë e
trupit përdor acidet yndyrore.
Ato janë gjithashtu, të rëndësishme në prodhimin e prostaglandinave
mjaft të rëndësishme këto si mesazhere dhe rregullatorë të shumë
proceseve në organizëm. Ato ndihmojnë në uljen e triglicerideve, ulin
viskozitetin e gjakut dhe tensionin arterial si dhe reduktojnë rrezikun
e aritmisë.
Njerëzit që konsumojnë një drekë me peshk në javë kanë 50 për qind
më pak risk për infarkt. Vetëm tre kapsula në ditë omega janë më të
mjaftueshme se sa të hash peshk çdo ditë. Marrja e saj mund të
reduktojë deri në 40 për qind vdekjet nga zemra te burrat e moshës së
mesme. Përsa i përket inflamacionit ajo luan një rol të rëndësishëm në
sintezën e prostaglandinave (kryesisht PGE1) prandaj ndihmon në të
gjitha llojet e artriteve sidomos në ngurtësimin mëngjesor.
Nga një studim është parë se disa njerëz kanë ndërprerë
anti-imflamatorët josteroide nga marrja e omega. Ato ndikojnë në uljen
e dhimbjeve menstruale, kur dihet se te gratë me çrregullime janë të
rritura substancat inflamatore. Gjithashtu, marrja e omega 3-6-9 ndikon
në depresion dhe migrenë si dhe është e nevojshme te gratë shtatzëna
sidomos në periudhën e krijimit të trurit dhe të syve të bebes së
ardhshme. /Telegrafi/
" Mjekësi Alternatiwe " Imunitet-vaji-i-peshkut

" Mjekësi Alternatiwe " Imunitet-vaji-i-peshkut

nga *lissa* Sun Jan 31, 2010 7:38 am

Si ulet kolesteroli

Studimet e bëra kohët e
fundit kanë zbuluar se disa ushqime përgjithësisht fruta dhe perime për
vetë aftësinë e tyre për të ulur nivelin e kolesterolit në gjak janë
quajtur “super” ushqime.Shpesh vëmë re se njerëzit i
kushtojnë tepër rëndësi dietës së përditshme ditore duke u munduar që
të merren me anë të ushqimit të gjithë përbërësit ushqimorë të
domosdoshëm për organizmin, në mënyrë të tillë që të mos sjellin
rreziqe për organizmin.
Këto ushqime janë ndër të paktat “produkte” që kanë specifikën e
rregullimit të nivelit të kolesterolit në gjak, dhe e mbajnë atë në
nivelin e duhur.
Tërshëra
Tërshëra dhe krundet, përmirësojnë gjendjen e zemrës, presionin e
gjakut, nivelin i kolesterolit në gjak. Tërshëra është e pasur me
kalium, i cili mban nën kontroll presionin e gjakut, si dhe me vitaminë
E të gjendur edhe te drithërat.
Bajamet
Në lëkurën e bajameve ndodhen substanca të tilla të cilat ndihmojnë në
parandalimin e oksidimit të kolesterolit, një proces i cili mund të
shkatërrojë qelizat e gjakut dhe të shkaktojë rrezik për atak
kardiovaskular. Bajamet janë të pasura me magnez dhe Vitaminë E, të
cilat luajnë rol në formimin e rruazave të kuqe të gjakut.
" Mjekësi Alternatiwe " Kolbajame%282%29

" Mjekësi Alternatiwe " Kolbajame%282%29

Batha dhe thjerrëzat
Në rezultatet e raportuara në kronikat e Mjekësisë
Internacionale në vitin 2005, u tregua se personat të cilët kishin
përfshirë bathën dhe thjerrëzat në dietën e tyre ushqimore kishin
normalitet në nivelin e kolesterolit rreth 2 herë më shumë se ata
persona që nuk i konsumonin këto prodhime, të cilët ishin nën frikën e
një tensioni të mundshëm apo problemë të ndryshme që kanë të bëjnë me
gjakun dhe zemrën.
" Mjekësi Alternatiwe " Bathe

Boronicat
Boronicat përmbajnë një përbërës antioksidant shumë të
fuqishëm të quajtur pterostilbene, i cili ndihmon në uljen e nivelit të
kolesterolit dhe ruajtjen e tij në normat e duhura. Boronicat janë të
pasura më Vitaminë C, e cila është e përbërësi kryesor i kolagjenit dhe
përbën materialin strukturor te kockave të trupit, të lëkurës, enëve të
gjakut.
Elbi
Elbi përmban kalium, i cili është i përfshirë në shumë procese
jetësore të trupit, duke mbajtur nën kontroll presionin e gjakut,
funksionin e zemrës dhe veshkave.
Avokadot
Përbërësit ushqimorë të pangopur te avokadot kanë rezultuar si
përbërës të cilët janë të aftë të ulin nivelin e kolesterolit në gjak
dhe për të shmangur atë tip të kolesterolit i quajtur “i keq”. Efekti i
avokadove vërehet sidomos te ata persona që vuajnë nga niveli i lartë i
kolesterolit në gjak. Avokadot janë të pasura me magnez, i cili është i
nevojshëm për disa nga proceset bazë të organizmit dhe vepron në më
tepër se 300 reaksione biokimike.
" Mjekësi Alternatiwe " Avokado

Alkooli
Të pish një gotë verë në darkë apo një pijë të lehtë alkoolike, në
fakt, ka treguar se ndihmon në rregullimin e nivelit të kolesterolit në
gjak,si dhe në uljen e rrezikut për të pasur atak kardiak. Në të
kundërt teprimi me pijet alkoolike sjell në mënyrë të pashmangshme
probleme me zemrën, mëlçinë, si dhe vdekje të hershme. Birra dhe vera
janë ndër burimet më të mëdha të kromit, të cilat shpërbëjnë ushqimet
në energji të përdorshme.
Karota
Në trupin tonë Beta Karoteni, proteinë e cila gjendet tek karotat është
i shndërruar në Vitaminën A, e cila është një nga lëndët ushqyese
kryesore të organizmit dhe ndihmon për një shëndet sa më të mirë, e
cila kryen funksione të ndryshme që lidhen me imunitetin dhe shtimin e
qelizave të trupit. Beta karoteni vepron zakonisht si një antioksidant
që neutralizon radikalet e lira. Ajo gjendet tek frutat, perimet dhe
sallatë jeshile.

nga *lissa* Sun Jan 31, 2010 7:38 am

Uthulla e mollës

Uthulla e mollës është shumë e
shëndetshme dhe ajo duhet të jetë pjesë përbërëse e ushqimit ditor. Ja
disa receta të cilat janë treguar shumë të suksesshme në shërimin e
disa gjendjeve dhe sëmundjeve.Dr. Linda Cara
Kundër lodhjes kronike
Të përzihen tri lugë të uthullës së mollës në një gotë mjaltë, dhe për
çdo mbrëmje të merren nga dy lugë të kësaj përzierje, ose, një lugë
uthull molle në një gotë ujë e cila pihet gjatë kohës së drekës
Për zvogëlimin e shtypjes së gjakut dhe kundër dhimbjeve të sinuseve
3 herë në ditë të pihet një gotë ujë me dy lugë uthull molle.
Për shpëlarje të fytit
Në 1 gotë me ujë të qitet një lugë uthull molle dhe të shpërlahet fyti çdo dy orë.
Kundër kokëdhimbjes
Të pihet një gotë ujë në të cilën keni qitur dy lugë mjaltë dhe dy lugë uthull molle.
" Mjekësi Alternatiwe " Kokedhembje

Kundër djegieve
Në pjesën e djegur të qitet uthulla e mollës disa herë. Do ta parandalon paraqitjen e fshikëzave dhe lehtëson dhimbjen.

Kundër dhimbjeve reumatike në nyje
Vendet e dhimbshme gjatë natës të mbulohen me kompresa të lagura me
uthull molle, dhe përsipër të mbulohet me kompresë të terët. Me çdo
shujtë të pihet nga një gotë ujë në të cilën janë përzier 10 lugë të
vogla uthulle molle.
Kundër ekzemave
Vendet me ekzema (lisha) të lyhen me uthull molle 4 herë në ditë. Së shpejti lisha dhe të kruarit do të zhduken.
Kundër venave të zgjeruara
Çdo mëngjes dhe mbrëmje vendet me vena të zgjeruara të fërkohet me
uthull molle dhe dy herë në ditë të pihet 1 gotë ujë me 2 lugë uthull
molle. Kjo terapi duhet të zgjatë një muaj.
" Mjekësi Alternatiwe " Venat

Për dobësim
Çdo mëngjes në lukth të zbrazët të pihet nga një gotë ujë me 1-2 luge
uthulle molle ose, të pihet gjatë çdo shujte. Terapia zgjatë dy muaj.
Uthulla e mollës ndikon në “djegien” e indit të tepërt dhjamor.

Kundër pikave të zeza (mitiserave)
1 pjese e uthullës së mollës të përzihet me 8 pjesë ujë dhe me këtë ujë të shpërlahet fytyra 3 herë në ditë.

nga *lissa* Tue Feb 16, 2010 10:54 am

Hudhra, antibiotiku më i mirë natyral

Për shumë vite, hudhra, përdoret si mjet terapeutik për
shumë sëmundje, dhe së fundmi janë zbuluar dhe vetitë e saj mbrojtëse
ndaj sëmundjeve të zemrës, tumoreve si dhe efekte antibakteriale të
fuqishme. Lidhjet e sulfurit dhe, konkretisht, substance alisinë, duket
se janë përgjegjëse për vetitë e saj.Pak histori
Të dhënat që disponohen, zbulojnë se, hudhra, përdoret për rreth 5000
vjet, ndërsa në Kinë, përdoret prej 3000 vjetësh në fushën e mjekësisë.
Historikisht, hudhra është
përdorur në gjithë botën për të shëruar një sere sëmundjesh duke
përfshirë hipertensionin, infeksione si dhe helmimet nga kafshimi i
gjarpërinjve.
Të mirat
Thelbi i hudhrës përdoret për qëllime farmaceutike.
Mund të përdoret i freskët, i tharë ose i distiluar. Lidhjet e sulfurit
dhe alisina janë substancat karakteristike të hudhrës me këtë të fundit
përgjegjëse edhe për aromën që ajo ka. Sipas studimeve, alisina është
toksike për qelizat tumoriale. Por, temperaturat e gatimit, e ulin
efektin e saj. Kësaj substance i jepet merita edhe për vetitë
antibakteriale, antioksiduese, si dhe për efektet që ka kundër formimit
të trompozave, dhe në uljen e yndyrave në gjak. Efektet antitumoriale
mund të jenë në sajë të lidhjeve të sulfurit, por ndoshta edhe të ndonjë
substance tjetër që nuk është zbuluar deri tashmë për sa i përket
strukturës kimike.

Hudhra ul nivelin e yndyrave në gjak
– Shumë studime janë fokusuar në këtë veti të hudhrës. Në
1993 - '94, studimet treguan qartë se, konsumi i hudhrës, mund të ulë
kolesterolin në gjak, deri në 12%. Megjithatë, studime të mëtejshme,
patën përplasje opinionesh për këtë fakt. Në një studim në vitin 2000, i
cili u mor me të njëjtën temë, u tregua se vërtet hudhra mund të ulë
nivelin e kolesterolit në gjak, por jo me shumë se 4-6%.
Hudhra ul tensionin - Kjo veti e hudhrës
është studiuar, por akoma ngelet me mëdyshje. Disa studime kanë treguar
se, konsumi i hudhrës, ka pasur rezultat ulje të konsiderueshme të
tensionit (rreth 7,7mmHg të tensionit sistolik dhe rreth 5mmHg atë
diastolik). Por, në disa të tjera, ky efekt është parë në pakicë.
Vetitë antitumoriale - Nga kontrolle individuale dhe disa në grup, është
vënë re se, konsum i lartë i hudhrës, por dhe i zarzavateve të tjera të
ngjashme si qepa, preshi etj., lidhet me raste me të rralla të shfaqjes
së kancerit në stomak dhe zorrë të trashë. Gjithsesi ky fakt mbetet për
t'u studiuar më tej.
Të këqijat
Konsumi i një deri në dy thelpinj hudhre në ditë, konsiderohet i
sigurt. Efekti më i njohur i padëshirueshëm i hudhrës, është aroma e saj
e papëlqyer dhe era që ajo lë në frymëmarrje. Konsumi i tepruar i
hudhrës, sidomos në stomak bosh, mund të shkaktojë probleme intestinale
(të zorrëve). Janë raportuar edhe dermatitis alergjik dhe ekzema nga
përdorimi lokal i hudhrës së papërpunuar. Personat që marrin ilaçe
kundër mpiksjes së gjakut duhet të bëjnë kujdes me përdorimin e hudhrës,
pasi kjo ndikon në parandalimin e trombozave.

Doza e rekomandueshme: Dozat që
rekomandohen zakonisht në literature janë 4 gr (1-2 thelpinj hudhre të
freskët) në ditë për adultet, ose një tabletë 300 mg (2ose 3 herë në
ditë), ose 7,2 gr tretësirë hudhre në ditë.

nga *lissa* Tue Feb 16, 2010 10:54 am

Një majë luge histori erëzash

Piperi i zi (Piper nigrum) është një bimë e familjes së
Piperaceave, kultivohet në frutat e saj. të cilat thahen dhe përdoren si
erëza. E njëjta bimë, duke ndryshuar vetëm mënyra e kultivimit dhe
procedurat e përpunimit përdoret për të prodhuar piperin e bardhë,
piperin e zi dhe piperin jeshil.Bima ka ardhur nga India e
Jugut dhe është kultivuar në masë në Indi edhe në vendet tropikale.
Fruti i pjekur është një rrushk me ngjyrë të errët, ka një diametër
rreth 5 milimetra dhe përmban vetëm një farë.
Piperi është një erëz nga më të përdorshme në kuzhinat evropiane dhe
derivatet e tij janë njohur dhe vlerësuar në antikitet për shijen e tyre
dhe për ndikimin si ilaç ayurveda. Shijen e tij pikante ia jep
piperina.
Piperi i zi quhet thjeshtë piper, gjendet në të gjitha tavolinat, në
çdo vend të botës, shpesh pranë kripës. Fjala piper vjen nga i
ashtuquajturi pippali. Ajo transformohet në piper në latinisht dhe pipor
në anglishten antike. Termi latin është përkthyer edhe në gjermanisht
pfeffer, në frëngjisht poivre, dhe holandisht peper po kështu edhe në
gjuhët e tjera të ngjashme.

Varietetet e piperit dhe erëzave të ngjashme
* Piperi i zi vjen si produkt i frutit të
papjekur nga bima e piperit. Frutat vihen në ujë të nxehtë për t'u larë
dhe për t'u përgatitur për tharje. Ngjyra e kokrrës, gjatë tharjes
ndihmon në dallimin e llojit të piperit. Kokrrat thahen në diell ose me
pajisje të përshtatshme për disa ditë, gjatë të cilave kokrrat bëhen të
forta dhe nxihen, kështu marrin edhe emrin piper i zi. Piperi i zi
dallohet edhe nga vendet e prodhimit si: India, Malabar, Malaizia,
Indonezia dhe vende të tjera.
* Piperi i bardhë krijohet vetëm nga fara e
frutit. Fitohet duke e vendosur në ujë. Në këtë rast cipa zbutet dhe
mund të hiqet me lehtësi. Duke hequr cipën mënjanë për të ruajtur
frutin, fara arrin të thahet. Procese të shumta janë përdorur për të
eliminuar cipën nga fruti, domethënë largimin e lëkurës së zezë së
piperit. Piperi i zi është më i përdorshmi, ndërsa piperi i bardhë
përdoret më shumë në përgatitjen e salcave me ngjyra, ku ngjyra e cipës
së piperit të zi mbetet e dukshme.
* Piperi jeshil, si i ziu, prodhohet nga
fruti i papjekur. Në procesin e tharjes trajtohet me dyoksid squfuri në
mënyrë që të ruhet ngjyra jeshile e frutit.
* Piperi jeshil i konservuar si turshi, është një piper i papjekur dhe
konservohet me uthull. Në kuzhinat e vendeve të lindjes dhe aziatike, në
mënyrë të veçantë në kuzhinat tajlandeze, përdoret përgjithësisht si
piper në kokrra të papjekura të sapo mbledhura nga bima.
* Piperi gri me këtë emër njihen dy
produkte të ndryshme:
1) një përzierje mikse e piperit të zi dhe të bardhë e bluar hollë.
2) cubebe, pjesë nga bima e Piperit cubeba.
* Piperi i kuq ose i rremë piperi peruviano
është një rrushk, me ngjyrë të kuqe me shije të njëjtë me atë të
piperit, të një peme të llojit Schinus.
* Piperi i gjatë rrushk i bimës pipergjatë,
shumë i ngjashëm në shije me piperin e zi, por me formë të stërgjatë.
* Kreol mikse e piperit të bardhë, piperit
të zi, piperit jeshil, piperit të kuq.
* Piper karafil është lloji që gabimisht
ngjan me piperin për shkak të emrit të tij (që spanjisht sinjifikon
tamam piperin).
* Piper i Sichuan rrushk i një bime
aziatike në llojin Zanthoxylum.

Bima e piperit
Pema e piperit është një bimë shumëvjeçare që arrin rreth 4 metra
lartësi. Gjethet e saj janë të gjata dhe arrijnë deri në 10 centimetra
gjatësi dhe 3 deri në 6 centimetra gjerësi. Lulet janë të vogla dhe
çelin në nyejt e kërcellit, në gjatësi rreth 8 centimetra nga kërcelli i
gjethes. Frutat dalin në gjatësi rreth 7-15 centimetra mbi gjethet.
Pema e piperit rritet në vende shumë të thata por edhe të lagështa, në
vende të varfra edhe të pasura me plehra kimike.
Bimët arrijnë gjatësinë rreth 50 cm dhe mund të zvarriten në drurët e
pemëve të afërta ose mund të zgjaten përgjatë murit. Frutat çelin dhe
mblidhen dy herë në vit. Në vendet e thata bima duhet ujitur çdo dy ditë
gjatë tre viteve të para, në muajt e nxehtë.
Bimët prodhojnë fruta nga viti i katërt i pestë dhe vazhdojnë deri në
shtatë vjet. Erëzat përzgjidhen për cilësinë e frutave të tyre edhe për
jetëgjatësinë. Një rrënjë e vetme prodhon mesatarisht 20-30 fidane.
Vjelja nis rushkat bëhen të kuqe dhe para se atë të arrijnë pjekjen.
Frutat e mbetura në degë bien vetë dhe nuk kanë vlerë më. Kokrrat e
mbledhura vendosen në diell për tu tharë.

Darka historike
Piperi është përdorur si erëz në Indi që në parahistori. Është
kultivuar për herë të parë në Malabar (Indi). Piperi ishte një mall i
bekuar dhe shpesh quhej edhe ari i zi sepse është përdorur si mjet
shkëmbimi. Historia e piperit të zi shpesh është ngatërruar me piperin e
gjatë. Romanët antikë konservuan disa fara frutash që shpesh konfuzuan
vazhdimësinë e llojeve të tjera të veçanta.
Që nga zbulimi i kontinentin amerikan piperi i Kilit, piperi i gjatë
nisi të mbillej deri në zhdukjen e tij. Piperi i Kilit që nga forma
ngjan shumë me piperin e gjatë, ishte më i lehtë të kultivohej dhe të
transportohej derisa piperi i zi u gjend në Evropë, Orient, Afrikën e
jugut dhe të vinte nga vende indiane, nga Malabar. Në shekullin XVI
piperi importohej edhe nga Indonezia, Madagaskari, Malajzia dhe vende të
tjera të Azisë Jugperëndimore.
Piperi i zi dhe disa lloje të tjera të prodhuara në Indi dhe në
vendet e Azisë, ndryshuan historinë e botës. Nga prejardhja precize e
erëzave e kërkuar për shekuj që është ajo evropiane, ndryshon në vendet
indiane që vazhdimisht kolonizonin qytetet, kështu siç kishte ndodhur më
parë edhe me kontinentin amerikan.
Piperi në antikitet
Një kokërr piper u gjet në vrimat e hundës të trupit të mumifikuar të
faraonit Ramese II i varrosur në vitin 1212 pas Krishtit. Pak
informacion ka rreth përdorimit të piperit në antikitet. Piperi i zi dhe
piperi i gjatë ishin të njohur në Greqi para shekullit të IV para
Krishtit, një bimë pak e njohur por tepër e shtrenjtë, që vetëm të
pasurit mund ta blinin.
Drejtimet e rrugëve të atëhershme ishin sigurisht rrugët tokësore dhe
rrugët detare për lundrimin në detin arabik. Piperi i gjatë i cili
rritej në veriperëndim të Indisë ishte më pak i shtrenjtë se piperi i
zi. Kjo solli edhe fillimin e tregtimit të piperit
të zi.
Nga koha e Perandorisë Romake, specifikisht pas ndërtimit të Egjiptit
nga Roma në vitet 30 pas Krishtit, kalimi nga Oqeani Indian deri në
ishujt Malabar ishte mjaft i përhapur. Detaje të kësaj tregtie përtej
oqeanit Indian ishin të lejuara nga Peri plus Maris Erythraei. Sipas
historive romake Strabone, Perandoria e parë dërgoi një flotë prej 120
anijesh për një udhëtim të zakonshëm vajtje-ardhje në Indi.
Flota programoi udhëtimin përmes Detit Arabik në mënyrë që të fitonin
avantazhe nga mosonët që vinin në këtë zonë disa muaj në vit. Në
udhëtimin e kthimit anijet kaluan nga Deti i Kuq, nga këtu u
transportuan në rrugë tokësore apo duke lundruar në kanalin e Nilit deri
në lumin Nil, e më pas deri në Aleksandri. Nga këtu u nisën për në
Romë.
Ky udhëtim komercial nga India për në Europë nis tregtimin e Piperit
për 1500 vitet e ardhshme. Nga tregtia e shpeshtë e anijeve me ishujt
Malabar, piperi i zi u tregtua më shumë në krahasim me piperin e gjatë,
kështu çmimi i tij u bë më i përshtatshëm.

nga *lissa* Tue Feb 16, 2010 10:55 am

Efektet e portokallit

Përdoren frutat, lulet, gjethet si dhe lëvozhgat e frutit,
të cilat kanë shije të hidhur dhe erë të fortë. Portokalliet ruhen nëpër
frigoriferë në temperaturë 2-3◦C duke bërë ripërtëritjen e shpeshtë të
ajrit. Në kushte shtëpiake, portokalliet mund të ruhen për disa muaj,
duke i mbështjellë me letër alumini, me letër të parafinizuar ose me
celofan.Vetitë dietike dhe fitofarmaceutike
Fruta i portokallieve është e pasur me vitamina A, B, C, P, me kripëra
kalciumi, fosfori etj. Me portokallie bëhet reçel dhe marmelatë shumë e
mirë. Lëngu i portokallit, i konsumuar me ose pa sheqer, ose me gaz
karbonik, në formë aranxhate është freskues. Lëvozhga e thatë ose e
ruajtur, përdoret në ëmbëltore dhe në kuzhinën shtëpiake. Nga lëvozhga e
portokallit del vaj eterik shumë i mirë, i cili gjen përdorime të
shumta në prodhimin e pijeve, aromave, ilaçeve etj. Vaj eterik prodhohet
edhe nga lulet, si edhe nga gjethet, të cilat përdoren në përgatitjen e
aromave dhe të ëmbëlsirave.
" Mjekësi Alternatiwe " Portokall2

Vaji esencial i portokallit mund të përdoret me pika nga goja duke e
marrë tre ose katër herë në ditë nga një pikë për të larguar erërat e
këqija nga goja, mund të largojë aromat e këqija të djersës duke u
përdorur në vendet intime. Ky vaj, duke pasur vitaminën C, jep ndjenjën e
nxehtësisë duke u ndier mirë dhe i qetë.
Portokalliet janë një ushqim i pasur me vitamina, me veti freskuese
dhe treten lehtë në stomak. Lëngu i portokallit ka veti diuretike dhe
antiseptike, e përdoret me sukses në luftimin e sëmundjeve të veshkave,
edhe në rastet kur janë formuar gurë në to.
Në këto raste zbatohet kura me portokall: Konsumohen
çdo ditë 5-10 kokrra portokallie, duke e vazhduar kurën për 20-30 ditë.
Kjo kurë bën mirë në sëmundjet e mëlçisë dhe në ato të zemrës dhe të
enëve të gjakut. Lëngu i portokallit, duke i shtuar pak sheqer, pëlqehet
edhe nga fëmijët e vegjël dhe këshillohet të përdoret qysh në muajin e
tretë pas lindjes.
Portokalliet përdoren me efekt të mirë në luftimin e anemisë, duke
pasuruar gjakun me elemente të reja.
Portokalli ka përmbajtje të lartë të vitaminës C. Në 100 g lëng
portokalli përmbahen 56 mg vitaminë C. Kjo vitaminë merr pjesë në shumë
procese të shkëmbimit të lëndëve në organizëm.
" Mjekësi Alternatiwe " Portokall3

Lëvozhgat janë të pasura me elemente aktive. Lëngu i fituar nga
zierja e lëvozhgave përdoret edhe në rastet e çrregullimeve të stomakut
dhe të zorrëve. 10-15 g lëvozhga frutash vihen të ziejnë për 15-20
minuta në 250 g ujë. Nga lëngu i përftuar pihen 1-2 gota në ditë.
Kur ky lëng pihet i ngrohtë, bën mirë në rrugët e sipërme të
frymëmarrjes, kur ka acarime në grykë apo zënie zëri.
Gjethet dhe filizat e njomë të portokallit kanë veti qetësuese në
rastet e nevrastenisë: Merren 50 g gjethe dhe copëtohen, pastaj
vihen të ziejnë në katër pjesë ujë. Nga lëngu i fituar merret një lugë
gjelle në darkë, gjysmë ore para fjetjes.

nga Sponsored content

" Mjekësi Alternatiwe "

" Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "

Re: " Mjekësi Alternatiwe "