AKR: Guinea e Re njeh Kosovën

nga *lissa* Mon Dec 21, 2009 10:43 am

Në një komunikatë për shtyp të lëshuar nga Aleanca
Kosova e Re, thuhet se kryetari i kësaj partie, Behgjet Pacolli, “është
njoftuar nga ministri i Punëve të Jashtme i Guinese se Re (Papua New
Guinea), Samuel Abal, se si rezultat i angazhimit lobues të Pacollit,
ky shtet i Oqeanisë, formalisht e njeh Republikën e Kosovës si shtet
sovran dhe të pavarur”.

Në komunikatë thuhet se letra zyrtare e njohjes së Kosovës nga ky
shtet, do t’i dorëzohet Ministrisë së Punëve të Jashtme të Kosovës në
muajin janar.

Më tej thuhet se përveç Guinesë së Re, së shpejti priten njohje edhe
nga disa shtete tjera të Azisë se Largët dhe Oqeanisë, si rezultat i
vizitave që kreu i AKR-së u ka bërë këtyre shteteve.

“Emrat e këtyre shteteve do të konfirmohen në momentin e duhur në
mënyrë që tani të mos pengohet procesi pozitiv i ngritjes së numrit të
njohjeve të Republikës së Kosovës”, përfundon komunikata.