Sllovenia premton 1.8 milionë euro për FSK-në

nga blina-- Mon Dec 21, 2009 5:50 am

Sllovenia premton 1.8 milionë euro për FSK-në

Në
Kosovë po qëndron për vizitë zyrtare një delegacion i lartë i shtetit
slloven, i udhëhequr nga presidenti i vendit Danilo Turk, në përbërje
të të cilit delegacion janë edhe e ministrja e Mbrojtjes së Sllovenisë,
Lubica Jelusic, komandanti i Ushtrisë së Sllovenisë, gjeneralmajor
Alojz Steiner dhe përfaqësues të komitetit të biznesit sllovenë.

Ministrja Jelusic është pritur të hënën nga ministri i FSK-së, Fehmi
Mujota, të cilit i ka premtuar ndihmë për ngritjen e FSK-së. Në këtë
kuadër Sllovenia, siç ka bërë të ditur Jelusic, do t’i dhurojë 1.8
milion euro për nevojat e Forcës së sigurisë së Kosovës.

Mujota ndërkaq, tha se në këtë takim është biseduar për zhvillimet në
Kosovë dhe zhvillimet bilaterale me Slloveninë. Ai i ka shprehur
falënderimin për kontributin e oficerëve dhe ushtarëve slloven, për
ndërtimin e paqes, sigurisë dhe institucioneve demokratike të
Republikës së Kosovës.

Sipas tij në vitin 2010 nëpërmjet marrëveshjes bilaterale mes dy shteteve do të thellohet bashkëpunimi edhe më shumë.

Ndërsa, ministrja Jelusic ka theksuar se Sllovenia do të vazhdojë ta
mbështes FSK në të gjitha format. Ajo shprehu bindjen se FSK ja do të
jetë e gatshme që të kujdeset për sigurinë e Kosovës, të cilën e
cilësoi si faktor vendimtar edhe për sigurinë e rajonit. /rtv21/rtk/